માનનીય મુખ્યમંત્રીશ્રી,

હું દક્ષિણ ગુજરાતના એક નાના ગામમાં રહેતો એક સામાન્ય વિદ્યાર્થી છું. રેવન્યૂ તલાટી જેવી સ્પર્ધાત્મક પરીક્ષા માટે હું ઘેર રહીને અભ્યાસ કરું છું. ગામડાની પરિસ્થિતિ એવી છે કે જ્યાં એક તરફ અભ્યાસ કરવો પડે છે અને બીજી તરફ ઘરના રોજિંદા કામકાજમાં પણ સહાય આપવી પડે છે. આવી સ્થિતિમાં વર્ણનાત્મક પ્રકારની મુખ્ય પરીક્ષા, ક્લાસ-3ની જગ્યાએ, ક્લાસ-1 જેવી જટિલ અને મુશ્કેલ લાગે છે.

મારા માતા-પિતાનું વર્ષોથી એક સપનું રહ્યું છે – કે તેમનો દીકરો સરકારી નોકરી મેળવે. એ સપનાને સાકાર કરવા માટે હું તમામ સગવડો વિના ઘેર રહીને પરિષ્રમપૂર્વક તૈયારી કરું છું. પરંતુ જ્યારે પરીક્ષાનું માળખું જ એવું હોય કે ગામડાના વિદ્યાર્થી માટે સ્પર્ધામાં ટકી રહેવું મુશ્કેલ બની જાય, ત્યારે મનમાં ન્યૂનતાની અને નિરાશાની લાગણી ઊભી થાય છે.

રાજ્યમાં ડેપ્યુટી ચિત્નીશ, સહાયક ઇજનેર જેવી ઉચ્ચ હકદારીઓ માટે, તેમજ બેંકિંગ અને SSC CGL જેવી કેન્દ્ર સરકારની પરીક્ષાઓ માટે પણ MCQ આધારિત પરીક્ષા લેવાય છે. ત્યારે રેવન્યૂ તલાટી જેવી ક્લાસ-3ની નોકરી માટે વર્ણનાત્મક મુખ્ય પરીક્ષા રાખવી અયોગ્ય અને અસમાન લાગે છે.

MCQ આધારિત પરીક્ષા વધુ પારદર્શક, વેગવતી અને ગામડાના વિદ્યાર્થીઓ માટે પણ સુગમ બની રહે છે. તેથી મારી આપને નમ્ર વિનંતી છે કે રેવન્યૂ તલાટી માટેની મુખ્ય પરીક્ષા વર્ણનાત્મકના બદલે Offline Objective Type MCQ પદ્ધતિથી લેવાય, જેથી દરેક ઉમેદવારને સમાન અવસર પ્રાપ્ત થાય અને અમારા જેવા ઘેર રહી સંઘર્ષ કરતા યુવાઓનું સરકારી નોકરીનું સપનુ સાકાર થાય.

આ બાબત પર સહાનુભૂતિપૂર્વક અને ગંભીરતાથી વિચાર થાય તેવી હૃદયપૂર્વક અપીલ છે.

આપનો વિશ્વાસુ,
ગામડાનો વિદ્યાર્થી

તલાટી ભરતીની માહિતી ટૂંકમાં ✅

Police Constable Call Letter ✉️💌

PSI - OMR SHEET RECHECKING 😇

😳 Admission માટે ફોર્મ ભરવાની શરૂઆત...