انْتِقائيَّة الطلاب بالتعامل ويه الامتحانات معاجبتني ابداً
عدهم بعض المدرسين وامتحاناتهم خط احمر
يجي ع الرياضيات يأجل ويقدم ويأخر الموعد واكوله ليش؟؟ يكولي عدي امتحان كذا يم استاذ فلان
#چا واني؟؟؟
يجاوبني:
استاذ نحبك ونمون عليك !!
تالي اطلع اني شديد وطبعي مزعج
#عَجْل والتأجيل هذا والمرونة كلها بالشط؟؟
بمناسبة اللهجة العامية الي كتبت بيهه المنشور
استخدمتلكم مصطلحين يعبرون عن الانتماء احدهم جنوبي شرقي جميل ورائع واخر شمالي غربي جميل ورائع.
"عجل / چا"

ما اريد ازعج طلابي بكلام ميهمهم خاصة طلاب اليوتيوب لان اريد قناتي للفائدة مو للتفاهات والسخافات
بس هاي المنشورات ضرورية لان اني وصلت مرحلة من الصبر والتحمل نفذت بعد
لا خل اسولفلكم شغلة بربكم ركزووو:
(يراسلني ولي امر طالب ابنه مسجل يمي يريد اخذ الطلاب خصوصي اخر شي طلع استاذ جامعي
اني من گلي تدريسي بالجامعة شكلي هيج صار 😟
كتلة (بلهجة جنوبية لان اني من المحبين للهجة الجنوب)
-چا متاخذ طلابك بالجامعة؟
-گال غير ماكو دوام
-گتله منو منعكم؟
-كال الوزارة؟
-گتله #چا اني منو مانعني؟غير نفس الي منعك
-گال لا الوضع مختلف هذا سادس مستقبل

بدلت اللهجة وعبرت للشمال والشمال الغربي
گلت بلكي يستوعب:
-گتله #عَجل ابو الجامعة مو مستقبله؟
-گال انت تستهزء بيه ؟؟
-گتله انت مستهزء بشهادات الي ماخذهه من فكرت هيج تفكير هذا وحده استهزاء بذاتك.