#هام
بعد ردود الطلبة ورفضهم البيان ولأني منهم و اليهِم و هم من منحني الاسم والشهرة وجعلوني مقدماً بفضل الله وفضلهم
ولأني بهم افتخر دائماً وابداً
ومن مِنبري هذا اقرر:
انسحابي من نص البيان الذي عممهُ لفيف من الاساتذة الكرام والمذكور في المنشور السابق
تمنياتي بالتوفيق والسَداد لجميع الاطراف
وشكراً.

ٓ
صباح الخير ،
رتب الصباح لنفسك ،
عش فيه وقتًا لطيفًا ،
إنزع من روحك شوائبھا
وأستمتع بتفاصيل الصباح الجميل🌸🌸

شكل الطالب من كلسع يقرة جدول مراجعة ! طلابي حبايبي سوي جدول خاص بيك واذا دخت تگدر تاخذ نموذج لأي جدول مطروح بالقنوات وترتبه بشكل يناسبك لان كل طالب عنده مادة يحبهه ومادة يكرهه ومادة ممضبطهه❤️❤️ احبكم🥺🥺

#تنويه
طلابي اني راح انزل جدول مراجعة مادة الرياضيات بالقناة فقط عدد الايام وطريقة توزيع المادة على الايام انت شوكت متوصل للرياضيات تگدر تستعين بالجدول وراح اطرح نموذجين من الجداول
الاول : للطالب الي مستوى جيد جداً ومتابع اول بأول
الثاني : للطالب الي يعاني من الرياضيات وعنده خلل بالمادة من ناحية السيطرة.

#خبر |
الصحة تعلن تسجيل 34 اصابة جديدة بفايروس كورونا في العراق ليصل اجمالي الاصابات 728 وارتفاع عدد الوفيات الى 52 ،
العاصمة بغداد لم تسجل اي اصابة اليوم وكذلك انخفاص ملحوظ بعدد الاصابات المسجلة.

نموذج 1 (جدول مراجعة الرياضيات في 8 ايام)

طبعا الجدول بدون الفصل الخامس والسادس ننتظر قرارات التربية واذا دخلت الفصول الاخيرة ارتبلكم ساعات دراسة الفصلين بشكل مرتب مياخذ من وقتك فقط ساعات قليلة لمدة يومين ❤️❤️

نموذج 2 (مراجعة رياضيات بـ10 ايام) للطلاب الي يشوف نفسه يحتاج وقت اكثر ❤️

من تكون حافظ مو فاهم

#خبر |
الصحة تعلن تسجيل 44 اصابة جديدة بفايروس كورونا في العراق ليصل اجمالي الاصابات 772 وارتفاع عدد الوفيات الى 54.

نموذج رقم 3 ( حسب طلبات الطلاب تقسيم المراجعة على 12 يوم للطالب الي عنده او يعاني من مشكلة بالمادة)

نادراً انشر تعليقات او رسائل (رغم كثرتهن بشكل منقطع النظير) بس مرات صياغة التعليق تعجبني لدرجة توصل لضرورة النشر❤️❤️

هي من روان قصي بدت تقرة رياضيات اني عرفت الدنيا بخير والطلاب كلهه دتقرة اكيد ، لان مستحيل روان بدت تقرة والناس بعدهه😅😅 بعدني بطور الصدمة

راح ابدي وياكم نصائح عامة تفيدكم علمود لا يصير ارباك عدكم

#نصيحة 1
مالك/چ علاقة بصاحبك او صديقك الي خلص مادتين وانت بعدك ممخلص بس مادة وحدة
لان مستواك مو مثل مستوى او يجوز هو سريع وما انطه حق المادة وقصّر وكمل قبلك ! و يجوز هو عنده المادة هاي اسهل بنظره وما اخذت من وقته لان مضبطهه سابقاً
بإختصار: (لاتقارن نفسك بأحد اثناء المراجعة)

#نصيحة 2
حاول الابتعاد قدر الامكان عن التواصل بالقنوات والاصدقاء لان كثرة الاراء اضافة الى كثرة الملاحظات والإملاءات عليك راح يعود بمردود سلبي على نفسيتك ،وماراح تعرف شتسوي وبأي رأي تمشي ، كل قناة تنطيك مجموعة من الملاحظات الي تحسسك اذا متمشي عليهه ماراح اطلّع معدل وهذا شي غلط
الملاحظات والجداول المطروحة هي لا دستور ولا قانون ولا فرض شرعي هي مجرد امر اختياري وكل الاختيار هو الك وحدك اختار منهه الي يعجبك ويناسبك ويدخل عقلك وتقتنع بي.

#نصيحة 3
لاتفكر بمسألة (الحگ لو ما الحگ)
تلحگ وزايد هذا التوتر والتفكير مجرد راح يتعب عقلك وحالياً عقلك يحتاج راحة علمود يكون جاهز للمادة العلمية مو للتفكير والقلق والوسواس.

#نصيحة 4
دراستك للمادة متكون بسبب عامل الوقت!!
يعني شلون مفتهمت استاذ؟؟
يعني مثلاً انت مقرر تخلص فصل اول رياضيات بيوم وانت مخلصته بهذا اليوم
مو تروح تشربت المادة بحجة القلق والجدول وتگول لازم اخلص اليوم هذا الفصل لان اذا ما اخلصه كلشي يتخربط وتدخل بدوامة وتفكير وقلق وتسوي ازمة من لا شيء!
اقرة علمود تضبط المادة 100‎%‎ واذا صار عندك خلل بالوقت ومكملت الشي الي مقرر تكمله اليوم
امشي بالمادة لحد ماتخلص وشوف شكد راح يتمدد الوقت
ماكو مشكلة اذا بجدول صار عندك 3 ايام تمديد على مدار دراستك للمواد كلهه.

#خبر |
الصحة تعلن تسجيل 48 اصابة جديدة بفايروس كورونا في العراق ليصل اجمالي الاصابات 820 دون تسجيل وفيات.