هاي طبعا مو بقاعتي صوروهه طلاب بقاعة ومعهد اخر❤️❤️
شكراً لمشاعركم الحلوة🌸🌸

تقسيم دراسة الرياضيات:
بشكل عام وبسيط
الجمعة / الفصل الثاني ( 4 ساعات على اقل تقدير)
والثالث تبدون
النهايات / الانقلاب/ رسم الدوال/ الثوابت / رول والمتوسطة من ضمنها التقريب

السبت / التطبيقات والمعادلات الزمنية
والتكامل
المعادلات التفاضلية
الاحد فجراً الى الامتحان
الافضل مراجعة التطبيقات على النهايات والمعادلات الزمنية
الهندسة موزعة ع كل الايام

الي يگول مالحگ اكمل المنهج راح اسويلكم منشور خاص اكلكم شلون تتصرفون

اول شي اذا متكدر تكمل المنهج كله وتكول ما الحگ
اول متبدي تخصص ساعتين لكل فصل اول متبدي بالفصل تراجع بي قوانين وهيكلة الفصل بشكل عام
ساعتين تقرة بيهه قوانين مصطلحات رموز .....الخ
وتلزم الوزاريات من 2012 الى 2018
وتكعد تحل
ومن توگف بسؤال ترجع للملزمة الاصلية
(((((عليكم بالوزاريات ما استطعتم))))
❤️❤️
طبعا تحل بفهم مو يجي طالب يكول يعني تجي نصاً!!!!
اتخبل من هاي الكلمة مال تجي نصاً
ماكو شي اسمه نصاً
حل بفهم وشيريد يسوي خل يسوي ماطولك فاهم

مستحيل ارد ع الخاص
لان الرسائل الي توصلني بالالاف بلا مبالغة والله💔 تعذروني

اني راح انزل اختبارات للفصلين الرابع الخامس باجر ان شاء الله
الي يحلهم بفهم
يعني خل يطمن ع نفسه بعد ❤️❤️
بفهم مو يحفظهن! لان هي مو مرشحات وانما هي اختبار للفهم من خلالهه تشخص الاخطاء العندك وتعالج الخلل
وهم تساعدك حته تعرف شتقرة وشنو الي تقرا بحيث يفيدك كفكرة
#تعبت😓

#هام
طلاب السادس راح انزل اختبار للتكامل
هاي الاسئلة عبارة عن توجيه للطالب يعني الطالب اذا يحلهه راح تمرّ عليه كل افكار الفصل بحيث الطالب الي ميعرف شنو يقرة يروح يحلهن بفهم واكرر هي مو مرشحات وانما اسئلة توجيهية للطلاب الحايرين شيقرون لان الطالب ميعرف شنو الاسئلة الي تكون شاملة لكل الافكار مال الفصل.
ماريد طلاب ينشروهه بصفة مرشحات لان هاي امانة الطالب اذا راح يحفظهه وتجي تغيير ارقام راح يكول استاذ حيدر ورطنة واني الي اريده من هاي الاسئلة هو تسهيل امر الطلاب ودراسة التكامل بترتيب ونظام

المسافة والتعجيل+ المساحات
مواضيع سهلة تنقري بساعتين فما كتبت عليها اسئلة❤️❤️
ذني حلوهن بتركيز وفهم ماراح يعبر عليكم شي ان شاء الله
گلبي وياكم
ودعواتي مستمرة الكم❤️❤️

ملخص قوانين وكل ملاحظات القطوع
اقراهن وبعدين بلش حل اسئلة❤️❤️