نموذج من الاجماع المتواتر🌚👆🏻

طالب يسأل:
ليش متنزل تشجيع وتحفيز للطلاب بالقناة
#وجهة_نظري
اني نزلت مرة وحدة وهذا كافي جداً
لسبب:
كثرة الكبس ع الطالب وتشجيعة ايجابية نعم صحيح استدرك ب "لكن"

تولّد عند الطالب رهبة ، كثرة التشجيع تصنع من الامتحان الوزاري شبح يحتاج الى ردع بالكلام
اني ضد وصف الامتحان الوزاري اوصاف اكبر من حجمة لان هاي تولّد نظرية عند الطالب انو هو متوجه الى مسألة حياة او موت!!
اني احب يكون الموضوع طبيعي جدا
امتحان مهم يتوقف عليه المستقبل يحتاج همة وشغل استثنائي هذا كل الموضوع

كثرة التحفيز والرهبة اثناء الوصف تحسسني انو اكو شي حيصير
حرب راح تندلع!!!!

هذا سلبي يأثر ع نفسية الطالب تخلي يفسر التحفيز ع اساس انو الامتحان هو الموت نفسه!
كلشي يزيد عن حدوده ينطي نتيجة عكسية
حتى العلاج اذا اخذنا بجرعة زايدة ما راح نتعالج ، بالعكس راح ينعكس مفعوله الى انتكاسة
تمنياتي للجميع بالتوفيق.

عندما يرى الطالب انه متشائم
فهناك عدة طرق و لكل طالب طريقة:

البعض يذهب لصديق يخفف عنه

واخر يذهب الى الطباخ والدلّة لصنع فنجان القهوة الذي يُذهِب عنه كل تفكير سلبي
اخر يذهب الى تسجيل نادر لعبدالباسط عبدالصمد يستمع الى تلاوة من الذكر الحكيم ليبكي مع خامة عبدالباسط وصعوده بطبقة صوتهِ الذهبية وهو يقول "ان مع العسر يسرا" فيذهب الهم مع ختام التلاوة

اخر يذهب ليستمع الى موسيقى هادئة وربما صاخبة وربما يتذكر ما يحب استاذهُ ليرى نفسه يستمع الى السيدة نجاة الصغيرة وهي تطرب "ماذا اقول له" ففيها بصمة نزار وموسيقار الاجيال محمد عبدالوهاب وفيها ختمة مفرحة تُذهب الشُئم

واخرين يذهبون الى النوم للتخلص من الهموم
لانحتاج للمزيد
#الامر_سهل
#لاتتشائم
#الامور_ماشية

#اعلان
تعلن الست سهاد صلاح مدرسة مادة الاقتصاد للصف السادس الادبي
والسادس التطبيقي عن دورة مركزة في مادة الاقتصاد تتناول مهمات المنهج ومرشحاتهِ
في منطقتي زيونة والامين
للاستفسار الاتصال على الرقم:

0770 982 8337

ملزمة الواجبات الي سويناها لطلاب العام القادم تحوي قرابة ال500 سؤال يخص المنهج 💪🏻💪🏻 خطط جديدة ونظام جديد وترتيبات اخرى للعام المقبل ان شاء الله // الترتيب مضاعف والمتابعة مضاعفة // بيهه اسئلة قوية جداً لطلابي من المتميزين وكلية بغداد والطلبة من ذوي المستويات العليا بباقي المدارس

بخصوص التكامل تأخر حيل اعتذر والله جنت حاير بمصور
والحمدلله صار اتفاق ويه مصور جديد
نبدي نصور ان شاء الله باجر او عگبة❤️❤️

#هام
توضيح مهم
بالنسبة لكروب طلاب كلية بغداد ، المتميزين بكل فروعها (الاولى ، الثانية والصدرين والكرادة....الخ)
التوقيت من صار مساءاً من 7-9
الاسباب كانت هي التضاربات حته اجنب كل الطلاب الي جايين من كلية بغداد والمتميزين التضاربات سويته مسائي وخليته ب7
لان جنت حريص انو كل طالب من هاي المدارس يكون بهذا الكروب
ولصعوبة جمعهم بكروب واحد كان الحل الامثل يصير ب7 حته الكل متفرغ🌸🌸
وبالصيف ساعة 7 مو ليل ترة
بوقت المدارس وعد مني يكون بتوقيت اقرب وافضل وتدللون ❤️❤️

غلاف سجل الواجبات الذي سوف يوُزع لطلاب العام المقبل "سجل لايحوي حلول بل يستخدمه الطالب لحل اسئلة ملزمة الاثرائيات" ويُوزع مجاناً لطلابي❤️❤️

#هام
طلاب وطالبات #زيونة لسنة 2019-2020
الكلام هذا فقط #لزيونة
ستكون المباشرة بأول محاضرة يوم الاحد المصادف 2-6-2019 ان شاء الله
المكان سيكون في معهد (محمد المصطفى)
ويبعد امتار عن الحكمة والريحاني بنفس المكان وبنفس الشارع
فقط فرق امتار حيث ان المعهد مجاور لمعهد الريحاني والحكمة.
الايام والمجاميع والجدول كلها بدون اي تغيير فقط المكان تغيّر للمعهد الجديد وذلك لمصلحة الطلاب و لتوفّر قاعة اكبر.
ارجوا التعميم ونشر الخبر بين الطلاب والطالبات
أ.حيدر وليد.

اريد اوجه شكر خاص
للطلاب والطالبات الي مخلين صوري
كصور شخصية بالفيس بوك او التلي او الانستا
والله افرح كلش من اشوف نفسي مؤثر داخل نفسيات الطلاب وافرح بهذا الحب ❤️❤️ اصلا يشجعني اقدم المزيد لهاي الطلاب الي تستاهل التعب
واعتذر عن عدم الرد بالخاص والله زخم حيييل فما الحگ❤️❤️
كلش فرحان بهذا الشي 😄😄

ستسقُط ، ثم تنهض وحدك ، ثم تتزن ثم تتحول إلى شخص لا أحد يقدر على إيذائك..💪 ستكون الرقم الاصعب في معادلة من حولك!

ترة هذا يخص الطلاب البنين مو البنات / صار هواي رسايل تجيني علموده
المنشور واضح والصياغة هي للمذكر والمضمون واضح

بسم الله الرحمن الرحيم

((كُلُّ مَنْ عَلَيْهَا فَانٍ ۝ وَيَبْقَى وَجْهُ رَبِّكَ ذُو الْجَلالِ وَالإِكْرَامِ))

بالاصالة عن نفسي ونيابة عن كادر المساعدين العاملين معي اتقدم بخالص التعازي لأهل الطالبة (ديمة شهاب)
فقيدتنا الخلوقة الطالبة المؤدبة الراقية والتي رحلت بصمت
ان العين لتدمع وان القلب ليحزن وان لفقدانك لمحزنون ولا نقول الا ما يرضي العزيز الجليل

اسأل الله العلي القدير السميع المجيب ان يدخلها فسيح جناتهِ ويلهم ذويها الصبر والسلوان
إنا لله وإنا اليه راجعون