مهم جدا نصائح جدا مهمة بمناسبة قرب الامتحانات الوزارية

القناة الرسمية والوحيدة لنا

- في نشر أخبار وزارة التربية والتعليم العالي الموثوقة حصريا

-تقديم نصائح ذات أهمية كبرى من قبل أطباء وصيادلة متفوقون

تجدونه في القناة

http://t.me/kailan_99

#هام
كروب T ولد/ زيونة
اليوم ساعة شرح وساعة امتحان برسم الدوال

#هام
اعلان يخص كروب S بنات / زيونة
ليلاً جميع طالبات الكروب تتابع القناة بعد الساعة 9 ليلاً

#هام
كروب S
نظراً لسوء السلوك وعدم الانضباط وبعد فصل كامل المجموعة وبتدخل 3 مدرسين للعدول عن قرار الفصل
تقرر استئناف المحاضرات ولكن بشروط وتقرر ما يلي:
محاضرة الخميس ستكون الساعة 4 وتلغى جميع المحاضرات الاضافية
سيتم طرد اي طالبة تتجاوز مدة تأخيرها 15 دقيقة بصرف النظر عن الاسباب
طرد اي طالبة تتغيب لاي سبب من الاسباب وحتى الاسباب القاهرة.

طلاب
كروب k وكروب G
رجاءاً بدون تأخير اليوم ترة مريض وكوة اجر نفس واحجي مابيه حيل اعلق ع التاخير مالتكم والقي محاضرة بالالتزام🤕

الفصل الرابع
الدوال الدائرية/ الخامس العلمي
https://www.youtube.com/playlist?list=PLbb8qWewX0vYLM7JiSxWxbDNml6g2pp-Y

#تنويه
لا يوجد اضافي مراجعة تفاضل لزيونة غداً فقط المحاضرة الاصلية 4-6 بسبب مرضي 🤕

واجبات تكامل جزء 2 / اريدهن كلهن الجمعة ان شاء الله

طلاب طالبات الصيفي / زيونة+ الامين +البنوك + المنصور
سيتم خلال ايام تحديد ايام لمراجعة الفصلين الاول والثاني
للتحضير لامتحان نصف السنة 🤷‍♂️
الجدول يتم تحديدة قريباً حال تحسن وضعي الصحي ان شاء الله سنباشر

طلاب السادس تابعو قناتي مال يوتيوب بالساعات القادمة 😌😉

#هام
غداً اضافي قطوع كروب G / ولد/ زيونة
طلاب كروب T الصيفي الي يحب يجي يراجع باجر ان شاء الله يكدر يحظر ساعة 2 ظهراً

كثرة التلفونات الي تجيني بخصوص التصوير
والي توصل اكثر من 100 اتصال بمعدل يومي
خليتو برگبتي امانة كلش جبيرة !
مايمر يوم اذا ما اخطط للتصوير وافكر واحجي ويه نفسي شون اكدر اكمل وشوكت اخلص منهج للطلاب
والمحاضرة مرات اصور واباوعها اشوف نفسي ممقتنع بيهه ارجع اعيدهه😣😣
شوية صبركم عليه ضغط مو طبيعي صا شهر
وكثرة الضغط طلع بشكل مباشر بوضعي الصحي الي صار. اسبوع تقريباً ممستقر
#دعواتكم وبس

تم رفع محاضرة 1 فصل الثالث / التفاضل للسادس العلمي
سيكون الرفع مستمر لمدة يومين ان شاء الله بعدها نكمل منهج الخامس العلمي
https://youtu.be/REuHcq1OPdM

سادس علمي/ فصل ثالث/ محاضرة 2
https://youtu.be/_sNkvXzTEOY

الجدول المعلن للدراسة الاعدادية وفق مديرية التقويم والامتحانات وهو جدول اكيد 🤷‍♂️

عيني طلابي ...مجاميع باجر
تعذروني ماكو محاضرات يوم غدا
راح اسوي جدول تعويضي للجميع بس تتحسن حالتي الصحية
لان وضعي بالنازل بين ضغط الدم الغير مستقر واعراض اخرى
دعواتكم وبس
شكرا للطلاب واولياء الامور الي اتصلو للاطمئنان ع وضعي
ان شاء الله تتعوض كل محاضرة تاجلت بسبب حالتي الصحية.

احس الدعوة بالشفاء اهم من الطبيب نفسه 😞

المدرسين المحيطين بيه
يسالوني ليش مهتم للتصوير؟ اسمك وصل وصعد بعد شتريد؟ حيدر اترك
تصوير تعب وجهد التفت لطلابك الخصوصي
جوابي... اني التصوير ما ردت منه يصّعد اسمي ولا ردت اشتهر بي
ليش اريد اكمل؟
#حالة_من_بين_مئات
مرة اتصلت بية امرأة من الناصرية حسب ماتذكر صدفت سافرت تركيا 10 ايام. ماصورت ولا نشرت توقعو عفت التصوير
كالتلي انت استاذ حيدر ؟ كتلهه اي نعم
سكتت هي وجرت نفس عميق كالت بشنو احلفك؟ كتلهه تفضلي كالت بيني وبينك رب العباد والعباس وغربة اخته
عدي يتيمات اذا متكمل تصوير ذني يضيعن بركبتك ذني خالة اعتبرهن منك وبيك
اني بذيج اللحظة مادري شكول
اني مقرر اكمل بس اعتقد اذا كتلهه اني مقرر اكمل تصدم وراح تظل بشك
كتلهه ان شاء الله وسدته
اني من يومها كلت هاي اتصلت كم وحدة مثلها؟ كم واحد بعد اصعب من حالتها؟
لهذا السبب اني قررت المنهج انطي بكل تفاصيلة واسوي كلشي اكدر عليه علمود هاي الناس مو علمود شهرة مثل ما يحسبوهه المحيطين بيه من اساتذة!
صراحتي مفرطة بس هاي حقيقة اني احب نفسي بيهه و ردي بحزم تجاه اي شخص يطلب مني ترك التصوير او نشر جزء من المنهج بهدف جذب الطلاب
لو جنت نيتي مو خالصة لله جان مصار توفيق من الله والمحاضرات هيج اثرت بالطلاب..
خلال هذا الشهر صورت بحدود 60 محاضرة هي الي دهورت وضعي الصحي لان ضغط وتعب وتفكير وتحضير
وارجع اكول بدعواتكم كل خير يصير

#هام
مجاميع المنصور نظراً لتأجيل محاضرة اليوم الجمعة وغدا السبت سيتم اخذ اول محاضرة اضافية تعويضية للكروب الصيفي E يوم الثلاثاء القادم ان شاء الله.
وسيتم تبليغ كروب w بالاضافي فيما بعد

اعتذر من طلاب المنصور لان المواعيد الي تأثرت بمرضي هي المنصور اكثر شي
اشكركم من كل گلبي على تفهمكم واتصالاتكم للاطمئنان
ربي يحفظكم 🤷‍♂️
وكلشي اعوضه ان شاء الله