#تبليغ:
الاحد ان شاء الله تنزل محاضرة مراجعة التكامل ❤️

اختبار الفصل الثالث / الجزء الثاني

هواية راح يخلي عدكم فرق بليلة الامتحان وتتوجهون صح ، ما تظل حاير شتقرة
بالتوفيق طلابي ( الحضوري ، الالكتروني ، وطلاب اليوتيوب) ❤️

الدوال المثلثية في ليلة الامتحان
تم تصوير محاضرة لمدة ساعة تعادل دراسة نصف نهار ❤️❤️
غداً ان شاء الله على يوتيوب
لطلاب الحضوري والالكتروني واليوتيوب ❤️❤️

#هام
طلاب الحضوري ، الالكتروني ، اليوتيوب
تابع القناة
حتنزل 35 دقيقة تخص القطوع ان شاء الله بعد شوية

لازم تشوفهه علمود تعرف تتصرف ويه القطوع من توكف بشي
وتعرف هو شلون هو يغير السؤال ويسوي اللوفات وشلون تعرف تستنتج الفكرة + بيهه مراجعة سريعة للتعريف لان شوية مزعج❤️❤️

اسئلة التطبيقي

الاسئلة واضحة منهجية ومكررة وزارياً
الطالب يكدر يترك (الهندسة والتطبيقات والمعدلات الزمنية)
واسهل معادلة تفاضلية جاية مباشرة الحل مالتها
واسهل سؤال بالمساحات مال التكامل ❤️❤️
فقط السؤال الاول فرع A غير مطروق بهاي الصيغة ولكن كفكرة واردة وزاري اكثر من مرة

موفقين

#خبر |
العراق يخطف لقب الصدارة مرة أخرى في بطولة الحساب الذهني الدولية متفوقاً على أكثر من ٢٠ دولة عربية واجنبية تألق فيها ٣٠ تلميذ حصلوا جميعهم على المراكز الاولى

حيث حصل التلميذ خطاب عمر من صلاح الدين الحاصل على جائزة بطل الSuper champion في البطولة.

#توجيهات:
1- التكامل الموضوع الاول مال الدالة المقابلة
مو ياخذك الواهس تقرة دوال مثلثية واسئلة باقي المواضيع وتحير بالصعب وتنسى!
ترة جاي وزاري ومهم ! تقرة كلشي بدون متكول ويه نفسك (هذا سهل ميجي).

2- المعادلات التفاضلية ما انصحك تقرة مرشحات لان هو موضوعين وعليهن 20 درجة من تحلهن كلهن انت نفسياً تحس نفسك مسيطر.

مو تحل 4 اسئلة وتعوف الباقي بحجة مرشحات
وبعدين تخسر فائدة الفصل.

3- مبرهنة رول الدالة الشطرية بدايتها مثل بداية الدالة الشطرية بالتكامل هم استمرارية
يعني ماكو اختلاف بالحل من ناحية الاستمرارية.

4- المعدلات الزمنية اسئلة الظل والسلم والمخروط ذني مطلوب رسم بيهن
مو تحفظ السؤال وتنسخه بالحل بدون متبين منين جتي العلاقة وشلون صارت
بسبب الحفظ دير بالك كلش هنا

5- الفصل الاول تكدر تعتمد ع مراجعة اليوتيوب لان كلشي بيهه.

دعواتي لكم بالتوفيق.

دعواتي الكم بالتوفيق طلابي
حرفياً كاعد هسه وحدي ومن كل گلبي اكول ياربي طلعهم من القاعة باجر فرحانين والفرحة ما تسع صدروهم والابتسامة متفارق وجوه اهاليهم ياربي ما يضيع تعب الشهور

كل يوم افوت من يم المراكز الامتحانية الصبح اشوف الاهالي بره ينتظرون

اكول ياربي لا تكسرهم وفرحهم بأولادهم ❤️
الله يوفقكم طلابي ❤️

#تقييم_الاسئلة
1- اصعب من التطبيقي نسبياً
2- السؤال 2 ربط بين المساحة والثوابت اول مرة ينطرق هيج سؤال وبأرقام تخلي الطالب يشك بالحل

3- السؤال 4 فرع B صعب ع الطلاب مموجود بالمنهج كفكرة عكس التعريف تماماً

4- السؤال الخامس C الدالة نسبية مو مثل سؤال الكتاب كثيرة حدود

5- رسم الدوال كلها تكول ميجي دور اول واني امشي واكلهم ماكو هيج شي ماكو هيج شي!!
وهسه اجه دور 1 والطلاب من تنحصر بالوقت بليلة الامتحان تترك رسم الدوال

الاسئلة متوسطة الى مركزة
هذا رأيي الخاص والله اعلى واعلم.

سؤال رسم الدوال ضمن اسئلة المراجعة المركزة نصاً

2016 😶 بالقناة
2023 / دور 1 🙆🏻‍♂️

السؤال الرابع فرع c نقطة 3

اسئلة الاحيائي