مساء الخير 🌸
شغلة مهمة اريد انشرهه على قناتي برسالة مفتوحة ولكل من يرى انها تعنيه حق الرد:

الاخوة والاخوات من زملاء وزميلات العمل
اني ما اخلي شخص عدو الي
ممخلي بأولوياتي بالحياة صناعة عدو
ابد ابد
احتمال المقابل هو يشوفني او هي تشوفني عدو
بس اني مو بالضرورة مخليهم بخانة الاعداء مثل ما همه مخليني!
ويحجون كدام الطلاب عليه وهلشي ما يقلل مني لان الطالب يقيّم حيدر مو غيرهم!

واني اساساً بقاعتي ماعندي وقت اذكر اسماء مدرسين
واذا صار وقت لو اسمعهم شعر لو اضحك شوية لو اعصب عليهم لان ميقرون
ماعدنه وقت نجيب طاري الاخرين والله!
فياريت كل واحد او #وحدة يحسون هم اعدائي ، فهذا من الخيال والوهم والسراب! اكرر ماعندي عدو او بعبارة ادق وقتي ما اضيعه ع هيج تفاصيل
والسلام عليكم ورحمة الله وبركاته.

هناك دومًا صدمة صغيرة ستشعرك بألم كبير، لا شيء بإمكانه أن يعيد ارتياحك لشخصٍ أو مكانٍ ما حتى لو اعتذر لك العالم بأسره.

جدول الدور الثاني التكميلي

صباح⁩ الخير؛ ثم؛مهما رمت الحياة أثقالها على عاتقك، اعلم أن الله لا يُكلف نفسا إلا وسعها واطمئِن .
صباح_الخير🌸

ربي يسهل اموركم ويوصل صوتكم للجهات المعنية ❤️ هاشتاك يتصدر تويتر لانصاف طلاب السادس ❤️

السلام عليكم
تحية طيبة وبعد :
المنشور هذا الغاية منه اخلص من الاحراجات الي تصير ويه الاصدقاء بخصوص الملازم

بالنسبة لطباعة ملازمي بكل المراحل
فتطبعهه دار المغرب حصراً وتوزعهه كذلك
وقبل ميكون عقد بيني وبين المطبعة
فالكلمة اهم من العقد

وماكو اي نية انتقل لمطبعة اخرى
ويُرجى من الاخوة عدم احراجي بهذا الموضوع
العمل مابي خواطر ولا مجاملات واني من النوع الي ينحرج كلش من هيج امور وماريد اكون بهيج موقف ويه اي صديق..
وشكراً ❤️

#خبر |
تعطيل الدوام الرسمي ليوم الأحد الموافق 26/12/2021، في الوزارات والجهات غير المرتبطة بوزارة ومؤسسات الدولة كافة بمناسبة عيد ميلاد السيد المسيح (ع).

السلام عليكم
تحية طيبة وبعد:
اولياء الامور الي متابعين قناتي ، من بنتك تكلك الاستاذ طلعني من المحاضرة
لان ((اني مقارية درجتي مو تمام ومخلاني احضر ))
تجي تصف ويانة مو تصف ضدنا ، ترة
من حرصنا هذا على بنتك
ونريد تبذل اقصى ماعدهه وكل طاقتهه
نگدر نبقي بنتك بدون منطلعه ولا نحاسبهه وانت متدري شنو وضعهه وبعدين تتفاجئ!
بس اني يهمني مصلحة الطالب
ولا يجي ولي امر يكلي ليش تخليهه تطلع!!!!!!
اني ممطلع بنتك برة اني اكلهه تفضلي نزلي اقري المادة وامتحني ورجعي
مو مطلعهه بالشارع ترة!

افهم الموضوع من الاطراف قبل لاتجي تتهجم لان طاقة ماعدنا بعد صراحة
اي ولي امر يجي يعترض لان نحاسب
اكله تفضل قسط بنتك وشوفلهه استاذ اخر

لان مو فوك الحرص نشوف هيج ناس متقدر
اني لهنا وبعد ماعندي اي مجال اناقش ولي امر قافل على شي وميقتنع بحرصي..
طبعا شكري وتقدري لاولياء الامور الي يجون ممنونين ويتشكرون والله على راسي هذوله
لو يجي يفتهم مني واشرحله ويقتنع ويتشكر ويروح ذوله مني الهم الشكر والامتنان.

بسم الله الرحمن الرحيم
يُعلن الاستاذ حيدر وليد عن فتح باب التسجيل لدورات الخصوصي لعام 2022-2023
على الراغبين بالتسجيل مراجعة المعاهد التالية وبحسب الايام:
#زيونة
معهد الهمسات / زيونة شارع اسواق آلاء (الفرع الواقع بين اعدادية الحكمة وثانوية الريحاني)
#الايام:
يوم الجمعة من الساعة 8 صباحاً الى 8 مساءًا
يوم الثلاثاء من الساعة 2 ظهراً الى 9 مساءًا

#المنصور :
معهد قمة المنصور / شارع 14 رمضان / فرع مطعم الساعة / الفرع المقابل للسفارة الفنزويلية
#الايام:
السبت من الساعة 8 صباحاً الى 4 عصراً
الاربعاء من الساعة 2 ظهراً الى 7 مساءًا

سيتم نشر الاعلان بشكل مستمر بين فترة واخرى.

اسماء ابطال 2020-2021
في نهاية ملزمة الوزاريات التي صدرت مؤخرا
اسماءكم فخر الي
وطبعا فقط (الخصوصي + الالكتروني لبغداد فقط)
ماكدرنا نخلي المحافظات الالكتروني
ابطال والله
فقط الـ100 عددهم 231 طالب وطالبة ماخذ يمي 100 مابين الخصوصي والالكتروني
ابطال كلهم ابطال وافتخر بيهم ، رفعة راسي والله ❤️