#نصيحة:
الجذور التربيعية بطريقة الفرضية مال فصل اول
و حل المعادلة بالدستور بالفصل الاول
ومعادلة تربيعية بيهه مجاهيل كذلك بالفصل الاول
ركزو عليهه كلش
ممكن تجي منهن فرع!
الفصل الثالث اذا صار عدكم مجال اقرو وزاريات المعادلات المرتبطة بالزمن وخاصة مسائل المثلث القائم الزاوية 😎

#نصيحة
الطالب الي ماعنده حساب يوتيوب خل يسوي حته الاشعارات توصل مباشرة
وهاي القناة اشتركو بيهه
https://m.youtube.com/channel/UCT78RPLpE6qvaqdaD3adxtw

#نصيحة:
هاي اللحظات الي تمر عليك وانت طالب سادس ما راح ترجع بعد كل ثانية تفوت ماترجع بعد
وزع جهدك ع الايام لا تضغط ع نفسك بنهايات ايام المراجعة
ابدي من اليوم سد النقص الي عندك بالمواد وبحدود 20-3 ابدي جدولك مال مراجعة
شوف الجداول الي يطروحلهه الاساتذة منهم استاذ عقيل الزبيدي مدرس اللغة العربية واذا تحب انت تسوي
لان كل طالب يعرف وين عنده مشكلة انت سوي جدولك الخاص اذا تحب
صراحة هاي اللحظات
#حاسمة #مهمة
هاي اللحظات متخصك انت وبس!!؟
لا تخص اهلك وتخص مستقبلك
الي راح يعتمدون عليه اشخاص اخرين الي همه اطفالك!! وربما زوجتك او زوجك
لان الشهادة مردودهه مو خاص بحت
لا مردود مشترك الك بالدرجة الاولى واشخاص اخرين مو من حقك تضيعهه
ابدي من باجر
لا تكول وقت ماكو
وقت موجود وقت كافي كلش
اعتزل الناس ..اترك كلشي..
انسه المناسبات والاعراس مؤقتاً
انسه الطلعة والونسة والمولات مؤقتاً
بالمراجعة سوي الك وقت ترفيهي ماكولك لا بس مو تطلع ب4 العصر ترجع ب9 بليل بحجة ترفيه عن النفس!! هذا مو ترفيه هذا هروب
ابدي من هسه خطط
ورقة وقلم واحجي ويه نفسي واكتب جدولك من كل گلبك اكتب
احتفط بالمسودة مال جدول لان راح تخط مستقبلك عليهه وتتذكرهه بعد اشهر وتبتسم وتكول صارت سوالف
اي تصير سوالف....
يارب التوفيق للجميع...

#نصيحة
ابتعدوا عن كل الاسئلة الي تنطرح بالفيس بوك والتليكرام
تدخل الخوف لقلوبكم!
نصيحة من استاذ وقبل كلشي هي نصيحة من #محب

#نصيحة:
طلاب ، دائماً من ترجعون من الامتحان وتشوفون صارت اخطاء هاي مو معناها انتو ممضبطين المادة ، مو هيج الحكم
بالعكس الاخطاء هاي بمثابة تنبيه الكم علمود الخطأ ميتكرر
الاخطاء بنص السنة المفروض تخلوهه گدامكم علمود تشخصون المشكلة وتعالجوهه بالطرق المناسبة ، تعرفون بيا موضوع كثر الخطأ بيا مادة تحتاجون اكثر وقت لدراستهه ، اضعف درجة وين صارت ، اكثر مادة شفتو بيهه مشكلة هي يا مادة؟؟
حته تنطوهه حقهه من الوقت والدراسة.
امتحانات نصف السنة هي جرس تنبيه وتشخيص للمشكلة وراها المباشرة بالحل.

#نصيحة 1
مالك/چ علاقة بصاحبك او صديقك الي خلص مادتين وانت بعدك ممخلص بس مادة وحدة
لان مستواك مو مثل مستوى او يجوز هو سريع وما انطه حق المادة وقصّر وكمل قبلك ! و يجوز هو عنده المادة هاي اسهل بنظره وما اخذت من وقته لان مضبطهه سابقاً
بإختصار: (لاتقارن نفسك بأحد اثناء المراجعة)

#نصيحة 2
حاول الابتعاد قدر الامكان عن التواصل بالقنوات والاصدقاء لان كثرة الاراء اضافة الى كثرة الملاحظات والإملاءات عليك راح يعود بمردود سلبي على نفسيتك ،وماراح تعرف شتسوي وبأي رأي تمشي ، كل قناة تنطيك مجموعة من الملاحظات الي تحسسك اذا متمشي عليهه ماراح اطلّع معدل وهذا شي غلط
الملاحظات والجداول المطروحة هي لا دستور ولا قانون ولا فرض شرعي هي مجرد امر اختياري وكل الاختيار هو الك وحدك اختار منهه الي يعجبك ويناسبك ويدخل عقلك وتقتنع بي.

#نصيحة 3
لاتفكر بمسألة (الحگ لو ما الحگ)
تلحگ وزايد هذا التوتر والتفكير مجرد راح يتعب عقلك وحالياً عقلك يحتاج راحة علمود يكون جاهز للمادة العلمية مو للتفكير والقلق والوسواس.

#نصيحة 4
دراستك للمادة متكون بسبب عامل الوقت!!
يعني شلون مفتهمت استاذ؟؟
يعني مثلاً انت مقرر تخلص فصل اول رياضيات بيوم وانت مخلصته بهذا اليوم
مو تروح تشربت المادة بحجة القلق والجدول وتگول لازم اخلص اليوم هذا الفصل لان اذا ما اخلصه كلشي يتخربط وتدخل بدوامة وتفكير وقلق وتسوي ازمة من لا شيء!
اقرة علمود تضبط المادة 100‎%‎ واذا صار عندك خلل بالوقت ومكملت الشي الي مقرر تكمله اليوم
امشي بالمادة لحد ماتخلص وشوف شكد راح يتمدد الوقت
ماكو مشكلة اذا بجدول صار عندك 3 ايام تمديد على مدار دراستك للمواد كلهه.

#نصيحة
اخذ استراحة اسبوع وابدي اقرة
لاتضوج ولا تتوتر ولا تنزعج ❤️❤️
واني ضاملكم هدية تفرحكم وتنسيكم شوية همّ الامتحانات 🌸🌸
اول مصار التأجيل كعدت افكر بشي يخليكم تفرحون وما راح اتأخر والله 🌸🌸

#نصيحة
طلاب السادس من ترجع من امتحانك لاتكعد تحسب درجتك وتشوف الاجوبة وتقارن حلولك ،
الامتحان الي تمتحنه خلي ورة ظهرك ❤️❤️

#نصيحة:
الي يريد معدل عالي لا يقلق ، بالعكس خل يكون عنده ثقة
الثقة هي الي توّلد الواهس والرغبة للدراسة
نصيحة لا تظل تفكر ❤️