#هام
طلاب وطالبات المنصور عدكم تبليغات مهمة بالكروب شوفوهه

يمكن اصعب ايام حياتي هي حالياً الي اعيشهه ، كلشي مُعلق
داخلي مطفي ، ابتسامة وهمية ، كلامي ويه الناس شكلي لا اكثر ، اختلاطي ويه طلابي وهمي ، احاول اكون قوي بس مداگدر اكون بالقوة الي تناسب الموقف الي اني بي
اني ماعرف ليش داكتب هنا
جيت اكتب بدون شعور وبدون مقدمات وبدون ترتيب للكلام
باللاوعي اكتبلكم ، عن رسالة تعبر عن داخلي المنهار
كل يوم انتظر رب العالمين يفرجهه عليه
وينزل عليه السكينة وراحة البال
اريد اشخاص يتوجهولي بدعاء ينهي معاناتي الي محد يدري بيهه
دعوة صادقة بهاي الليلة
يجوز رب العاملين يستجيب الهه وتكون كفيلة بخروجي من هاي العتمة وتفرّج همّي
ادعولي 💔 بس اريد دعوة صادقة

#تبليغ
بالنسبة للدورة الالكترونية (محافظات + بغداد)
فاينل الاول حيصير بغير يوم مو باجر يعني
لان اغلب الطلاب عدهم فاينل الجمعة
فقررت اسوي توقيتين باجر ان شاء الله ابلغكم بيهن.

الي يحب يتابع الانستا مالتي ❤️

#بنين_زيونة كروب 6-8 مال يوم
اني گلبي ما ينطيني اسوي عقاب جماعي
والاربعاء اعوضكم ان شاء الله 🥺🥺
بس الي كاتب الاسم واسم صاحبه بالحضور
وهو مجاي محاضرة هذا اوصله ولو بعد حين 🙂
ماكو شي يعبر ترة😚

#هام
راح انزل اسئلة + اجوبة نموذجية للفصلين الاول والثاني تهيئة لامتحان نصف السنة
خلال ايام ان شاء الله ❤️
للصف السادس
وكذلك اكو امتحان للثالث متوسط ❤️

‏"يا الله، أتمنى ألا أنطفئ وألا يجفَّ صبري، ولا تتوه مسارات أيامي، وألا تصفر ضحكاتي، ولا أعيش قلقًا وأنت في قلبي."

لي ربٌّ إن دعوتهُ بضيق صدرٍ
قال كُن فكانَ خاطري مَجبورا

#تبليغ
الالكتروني (بغداد + محافظات)
امتحان الفصل الاول الثلاثاء 19-1
ان شاء الله
موعد نهائي و اخير ❤️

بنات المتميزات وكلية بغداد
هذا التبليغ نزل بالكروب مالتكم احتمال اكو طالبات مضايفيهن ، اي طالبة ترغب بالتسجيل تحضر هذا الاسبوع تاخذ بطاقة الحجز من معهد الهمسات ( المنشور يخص تسجيل السنة 2021-2022) حصراً ولمنطقة زيونة ❤️

صباح الخير لـ فاقدين الحب ، قليلي الأصدقاء ، للمغتربين ،صباح الخير لكل من حرم من شيء و مازال يقدمه لغيره .
صباح_الخير 🌸

#تبليغ
الالكتروني ( محافظات + بغداد)
المعاهد مفتوحة الكم تمتحنون شوكت ما يعجبكم بالفصل الاول وحسب الايام التالية:
#زيونة:
الجمعة من الـ8 صباحاً الى 4 عصراً
السبت من الـ2 ظهرًا الى 8 مساءًا
الاثنين من الـ12 ظهرًا الى 8 مساءًا
#المنصور:
الاحد والخميس
متواجدين من الساعة 8 صباحاً الى 8 مساءًا
تختارون اي يوم يعجبك و بأي ساعة تعجبك واي معهد يعجبك وتجي تمتحن
وحسب الايام والساعات اعلاه ❤️
وطبعا الامتحان الالكتروني موجود
بس الي يحب يجي للمعهد هلا بي❤️

#اعلان:
بحاجة الى خريج رياضيات ( يكون متفرغ تمامًا )
نوع العمل : تصحيح اوراق امتحانية ومراقبة

اهم شغلة ( خريج رياضيات حصراً وغير مرتبط بعمل وعلى اطلاع بمادة السادس)
الراغبين بالعمل مراجعة معهد الهمسات في زيونة غدًا بعد الساعة 2 ظهرًا ان شاء الله.

#تنويه
غدا لا يوجد محاضرات الكتروني
يرجى منكم دراسة الفصل الاول بتركيز
والاهتمام بالامتحان النهائي بشكل كبير
#تنويه_2
يحق لطلاب الفصل الثاني المشاركة في الامتحان الخاص بالفصل الاول الذي سوف يكون الثلاثاء
ان شاء الله ❤️

للفائدة ❤️ واجبات منهجية وبمستوى الوزاري ❤️ الفصل الاول /

مساء الخير
شكرًا لرسائل الخاص
الي صار اليوم ، انهيار عصبي حاد بسبب ضغوطات كلش چبيرة ما گدرت اتحملهه

نقلوني على اثرها لمستشفى شيخ زايد
والحمدلله هسه طلعت من المستشفى
شكرًا طلابي وطالباتي الي اتصلوا واطمئنوا عليه
الانسان بتركيبته الاعتيادية يوصل مرحلة معينة من التحمل من تجي شغلة ميتحملهه ينهار نفسياً واني الي مريت بي ولا ازال امر بي
مو هين ولا قليل
والازمات تجيني متتالية بشكل مو طبيعي

والحمدلله حمدًا كثيرًا فهو الذي لا يُحمد على مكروهٍ سواه ، وكل شيءٍ عندهُ بمقدار.