خل اوضح وجهة نظري وسياسة عملي :

طالبات عدهم سين من المدرسين قبلي
فتجي الصبح تحظر يم المدرس (س) وتنتظر حته تفوت بأول كروب عندي حته ما تنتظر كروبهه وتتأخر
والكروب يصير زخم وماكو مكان يكعدون!!!!
اني ممجبور اتحمل تبعيات جداولكم واخربط نظامي وجدولي
اني انسان ماحب العشوائية واحب الالتزام والنظام
هذا الشي الي متحسون بي يم " #البعض "
وهذا مو صوجي من عايشين ب "حالة اللانظام" يم غيري وتريدون تعممون الحالة يمي
لا ماسمح بهذا الشي لحد يمي وتصفنين ويه نفسج وتكولين اني طابة يم استاذ حيدر يعني اجي بكروبي وبوقتي وما ااثر ع بنات الكروب الاول واسوي هوسة وزخم واخربط جدول الاستاذ
اكرر عليج اني اهم شي عندي النظام والترتيب ماتحمل الخربطة اني عدي فوبيا من الهوسة يعني مو بيدي
استوعبي هذا الكلام
شوفو كروبات الولد ونظامهم وكل طالب بوقته واذا يريد طالب يجي يستأذن بكل ادب ويجي مرة وحدة وعده سبب قوي يله يجي
ويجيني " #البعض يكولي الولد مخربطين

شنو مخربطين؟؟ لا الله ارتب من الولد مشفت
رحت فدوة لگلبهم نفر نفر❤️
هذا الگلب الاحمر للولد مو لأحد😒

#تنويه
طالبات المنصور (فقط الطالبات)
لگينه حل بخصوص الحظور بغير اوقات
السبت تتبلغون بي وراح تشوفون النظام بأدق الاساليب

جدول امتحان الفصل الثالث/ زيونة والمنصور / اما الوزيرية فبغير يوم نبلغكم

يعني السبت القادم تبدي المنصور تمتحن والاحد تبدي زيونة❤️❤️
ان شاء الله.

الامتحان الفصل كله ترة

قوانين مطلوب مراجعتهه من كل الكروبات بدون استثناء
تنكتب 5 مرات بأوراق وتسلموها للمساعدين
هاي كل شغل التكامل راح يصير عليهه
يعني مهمممممممممممة كلششششش

طالبات زيونة باجر ان شاء الله امتحان فصل ثالث
لكل الكروبات بدون استثناء
تتقسمون ع الايام
اذا باجر ميجن بنات الغي الموعد الاخير

هذا صح من البعض( بس من البعض) الي احبهم🌚🌚 اليوم ماخذ ع خاطره 😆😆وزعلان بس راضيته واتفقنه يجيبلي هدية لان عيد ميلادي باجر راح انتظر الهدية 🤔 علاوي غير انت الحب كله 😋ولا يزعل حسين الهاشمي بس ماعدي ويا صورة😶

يحدث الان.....الاحتفالية الاولى بعيد ميلادي / كروب T / وزيرية بنين/ مفاجئة مو طبيعية ابد ابد 😍😍 #احبكم_نفراً_نفراً ❤️🌚

طبعا الاحتفالية قبلهه جانت مغلقة وصغيرة
ويه 3 طلاب من اقرب الطلاب الي
عبدالجبار
عبدالله اسامه
عبدالخالق❤️
وكملنه وكصيت الكيكة كتلهم يله صعدو امتحنو تكامل😂😂
حسيت بتأنيب الضمير صراحة
لان بعد الحفلة الصغيرة الي مسويهه والكيك صعدوا امتحنو🤭🤦🏼‍♂️

خاص لاستاذ ماهر نايف

ال طلبتنا الأعزاء ستكون هناك محاظرات العام القادم المنهج الكامل في منطقه ال٦٠٠ فعلى الطلبه الراغبين بالتسجيل الاتصال على الرقم ٠٧٧٣٦٣٧٥٦٧٧
او الحضور إلى اعدادية الحكمه الاهليه للبنات زيونه لاستلام كارت الحجز.

👆🏻👆🏻👆🏻👆🏻
خاص لاستاذ ماهر نايف
الى الطلبة الراغبين بالتسجيل لدى الاستاذ ماهر نايف

#هام
طلاب وطالبات المنصور والوزيرية
مبرهنة 7 ومبرهنة 8 الي شارحناها امتحانكم بيهه يصير وتنكتب مسودة 5 مرات
فجئة افتش عليهه واكولكم اريد الكتابة مال مبرهنة.

احب اشكر كل الطلاب والطالبات
الي قدمولي التهنئة اليوم بعيد ميلادي
مصار عدي مجال ارد ع الكل والله
شكرا من القلب
وفعلا اليوم حسيت بكمية الحب الي موجودة داخل گلوب طلابي تجاهي
رغم اني مرات اكون شخص شوية نحس😅😅 وارزل واصير عصبي😐😐بس يبقون بگلبي شي ثاني واحبهم كلش

بمناسبة عيد ميلادي وهديتي لطلابي
مو الغي الامتحان مال التفاضل لان هذا شي مستحيل اذا الغي امتحان يصير بيه شي 😂😂 انجلط اصلا🤦🏼‍♂️🤦🏼‍♂️
بس الهدية حتصير تمديد فترة الامتحان
وزيادة يوم لزيونة ويوم للمنصور حته تكدرون تمتحنون براحتكم خاف عدكم فاينل عد
" #البعض "