#تنويه:
طلاب التسجيل الجديد لدورات 2018
اذا ما ارد ع التلفون ارسل رسالة بمعلوماتك ع رقمي
لان اني مشغول بالمحاضرات اسف
07701780364

طبعا اكو طلاب متابعين الاشعار ع الفيس مو كلهه اني كاتبهه
هذا من اشعاري ولو هو شي بسيط ع گد الحال ههههه
#بقلمي
حَملتِِ انتِ خِصال المحاسنِ كُلِها
وخصّكِ بالجمالِ الخالقُ الباري

العينُ صائمةٌ عن كلِ غَضَاضَةٍ
حتى يكون عليكِ انتِ افطاري

لا شي اجمل منكِ والذهاب لكِ
فيا ليتكِ انتِ كنتِ لي جاري

فأمسي عليكِ ماتركتُكِ لحظةً
حتى اطفأ ببحرِ الهوى ناري

وهاي ثانية: 😆😆
اتذكرُ فدتكَ روحي يوم لقائنا
لما تناظرنا عَشِقتُك يَشهَدُ اللهُ

ونداءًا جاءَ من روحي يُبشرها
فأســرعَ القلـبُ فَـوراً ولبّاهُ

أحبك لستُ ادري كم حملتُ لك
فــي القـلب حباً مـبهماً معنـاهُ

انتَ الذي إنْ اصبحتُ ذكرتُك
بــعدَ الالهِ إذْ إنهُ واجباً ذكراهُ

#هام
المنصور باجر ان شاء الله امتحان تكامل
اول 34 مثال
الى تكامل الدوال المثلية مداخل
اقرو زيييييين

#هام
تم غلق التسجيل لنصف المادة (من التفاضل) الى نهاية الكتاب لكروبات زيونة "البنات" بسبب وصول الاعداد الى الحدود القصوى
نعتذر عن الطالبات الذين تم رفض قبولهم.
اكرر غلق التسجيل لكروبات التفاضل وليس كروبات صيف 2018 فما زال التسجيل مفتوح لهم.

طالبات الامين
الامتحان ساعة 3 ان شاء الله مو ب8 الصبح
والوقت لل7 او 6
لان طالبات يردن وقت يقرن فطلبو العصر يكون والصبح يقرون
الوقت مفتوح من 3 عصراً لل7 او 7 ونص هم اوووكي
ارجو التعميم والتبيلغ

من تعدي فترة ونلتهي بالشرح ويتاخر الامتحان
كلها تصيح نريد نمتحن شنو ماكو امتحان.
من اجي احدد توقيتات للامتحان
نفسهن اليحجن ويطالبن بالامتحانات يتصلن للتاجيل!
الي تغيب عن امتحاني ماستقبلها بعد لو تصير بنت وزير !
وصلت مرحلة بعد ماعدي استعداد استقبل اعذار سخيفة وتأجيل امتحانات لاسباب تافهه

اكثر شي احبه من اكون ضايج ومعصب واحس الطلاب كلهم يردون يرسمون ابتسامة ع وجهي
شكراً لكل طالب وطالبة اليوم حاول بكل الطرق يخليني ابتسم
لان اليوم جان سلبي للغاية
الضوجة صايرة "نقطة نهاية عظمى محلية" 😂

استاذ انت بس اصفن بهاي وتضحك😂 وعدي ثانيه اذا تشوفهة تخرب ضحك من طالب صدمني صدمني

اسكت جبتلي شبهة اليوم كلهه تكولي شنو بشهر 6 تتزوج'!! عمي منو كلكم
يكولون انت ناشر بالقناة!!
لايابة اي مشروع زواج ماكو اريد اسوي مراجعة مركزة واصورهه 😾😾

والله اني اجوني يكلولي وين عرس الاستاذ نريد نجي الله عليك واحد دزلي صورة قاط واحد كوافير يسوي شعرك واحد ابو كمارو يريد يزفك لا نوب الكمارو مالته حمرة اكلهم شقه ميصدكون 😂🌚

اني زفتي بعد عمر طويل وسنوات طويله متصير غير بسيارة المساعد مالتي الي هو نفسه ابو الخط مالتي "اكسنت" صفرة تكسي 😌😌 انسان متواضع اني شنو كمارو ولگزز وغيرها😎

واني علي القاط اول شي القميص ابيض ساده وحذاء روغان عاليه سوده القاط زيتوني السترة والبنطرون واليلگ والجفيه سوده والارباط اسود بلون الجفيه 🙊😂
#MUSTAFA_JAWAD

واذا تريد قميص ابيض وقاط اسود السترة والبنطرون واليلك والحذاء روغان جوزي عالي ورباط جوزي وجفيه جوزيه 🙊😂
#MUSTAFA_JAWAD

لا تسلم ماريد
اني احتفظ بحق الرد لان الدعوة الى الزواج اعتبرهه اني تحريض صريح يرتقي للتهديد بنزع الراحة النفسية قسراً والدعوة الى مشاكل مستمرة
وعقوبتهه "النزول من الادمنية" وفصل من المحاضرات 😌😌 وانت بكيفك بعد

ماكو وياهن غرامه وسجن شعجب 🙄 ماشي ما اريد بس اني راح ازوج قبلك واريدك زفني 😄
#MUSTAFA_JAWAD

عود اسويلك العرس بقاعتي الدراسية بزيونة واجيبلك كيكة موضوعة بالصيغة العادية للكيك يعني بدون كريم 🤓 بشكل قطع ناقص طول محورها الكبير ضعف الصغير واخلي بالبؤرة شمعات ثنين
والهدية " 20 سؤال اثرائي محلول ع التكامل اخليهم بظرف وادزهن" 🤓

استاذ 😂 هاي حفله طلاگ مو عرررس ليش شمسويلك اني حببباب ماشي شكرا 😭 تصبح على خير رايح انام وراي دراسه احياء وشكرا عل عرس 😭💔
#MUSTAFA_JAWAD

مصطفى عيد ميلادي السبت 10-2 اني اشوف لو تفكر شراح تجيبلي هدية احسن متفكر بالاعراس 😎😜