خل اسولفلكم شغلة قبل العيد
هاي صارت شغلة جديدة للكذب والتلفيق والترويج وخداع الطلاب كالتالي:
يفتحون ملف النتائج يسوون حساب بأسم طالب معدله 99 وبالاسم الثلاثي الصريح
ومن ينسأل بالتعليقات شلون طلعت هذا المعدل؟؟؟؟؟
يكعد يسوي دعاية للمدرسين ويكول قريت يم فلان خصوصي يم فلان يوتيوب
زين استاذ حيدر شمدريك هذا كذب؟؟
عيني ربك يفضحهم بسبب النوايا الخبيثة
ذاك اليوم ناشرين
الحساب بأسم طالبة متخرجة ب2018 والنتيجة ناشرتهه ع اساس هي الطالبة خريجة 2018
والاستاذ الي مسويله دعاية بالتعليقات بادي يشرح ب2020 😂😂
لاتصدكون بيهم 99‎%‎ من هاي الحسابات وهمية معروفة شنو غايتهم.

ثلاثة ادلة على تزييف الحساب
1-كاتب الاسلامية اختاريت (......)
والاسلامية محذوفة ب2020 واصلاً النتيجة الي ناشرهه بدون اسلامية ! بس شوف ربك من يريد يكشف كذب شخص
2-اختاريت خصوصي استاذ (.....)
وهو الطالب ساكن بالديوانية والمدرس المذكور ببغداد وصديقي واخوية طبعاً الاستاذ
3- اسم الجد دليهم وهو كاتبه دلهيم بالحساب
#تنويه:
الاخوة المدرسين المذكورين بالمنشور مال هذا الشخص اصدقائي واخوتي والمنشور ما يستهدف اي استاذ ابداً اني انسان مُحب للجميع
والاسم ( امير) مجرد ماخذين الاسم والنتيجة يعني بدون علمه خطية

بس اني اريد ابين الحقيقة لان هاي السوالف وراها شخص اصلا مو استاذ
شخص شغلته ابتزاز المدرسين و24 ساعة يحجي عليه بالفيس بوك واني عايفه اكول حرامات اخلي عقلي ويه هيج شخص بس من وصلت الشغلة يم الطلاب والطلاب دتصير ضحية كلت لازم اتحرك بشكل سريع.

الاسم مو حقيقي وبلكي نكدر نوصل للشخص صاحب النتيجة الحقيقي ونبين الكم هذا الحساب وهمي ومستغلين الاسم فقط ❤️

ربي يوفقكم ويسهل الكم ايام الامتحانات يارب❤️🥺

الحساب الحقيقي للطالب الخلوق المهذب امير فرحان ابن الديوانية ❤️
بهذا يتم نسف كذبة الحساب الوهمي الي يديره شخص مُبتز ومعروف ايضاً
مقابل استحصال مبالغ مالية من الاساتذة لغرض مدحهم والطعن بآخرين
هذا اخر تنبيه للشخص المعني
وبعدها راح يتم التعامل مع هؤلاء قانونياً ❤️

شكراً للطلاب والطالبات الداعمين لنا
وشكراً للطالب الخلوق امير فرحان
شكر موصول لموقفكم المشرف ولدعمكم المستمر وشكراً لتصديكم ودفاعكم وقولكم الحق ❤️

طلاب الثالث باليوتيوب هواية دزولي درجاتهم ماكدرت انشرهه لان بدون مبالغة الرسائل بالالاف جانت وخاصة الي ماخذين 100
وكلش فرحت بدرجاتكم
ربي يوفقكم بمسيرتكم الجديدة بالاعدادية ❤️

كل عام وانتم بخير ❤️

#هام
وصلتنا آلاف الرسائل من الطلاب
تُناشد معالي وزير التربية الاستاذ علي الدليمي
و أذ اننا نقف مع الطلاب في هذه المناشدة
نتطلع من معالي الوزير النظر اليهم والى مناشداتهم بعين الابوة
والسلام.

#خبر |
لجنة التربية النيابية: امتحانات طلبة السادس الإعدادي قائمة في موعدها.

#تنويه:
اني قليل انشر اخبار بقناتي بس الشغلات المهمة
لأن صراحة كلش اقلق من الاخبار الي ممكن تشغل الطالب
فكلش حريص اختار الاخبار بعناية
مراعاة للطلاب وهي وجهة نظر شخصية.

https://instagram.com/math_nawar?igshid=YmMyMTA2M2Y=
حساب لطلاب الدراسيات العُليا
والرياضيات المتقدمة
للدكتور نوار الاسدي

#خبر |

التربية تحسم الجدل بشأن تغيير جدول امتحانات السادس الإعدادي وتؤكد :
"لا تغيير في جدول الإمتحانات" .

طلاب اني كاعد اليوم اراقب الطلاب
اطب لكروباتي مال خصوصي والالكتروني اشوف ثلث الطلاب نشط!
افوت الانستا الگاهم ناشرين ستوريات
افوت للفيس اشوفهم يعلقون!! ومتفاعلين

صدك جذب امشي اقرة وعوف التلفون من ايدك
و الي يكول نقرة ع النت
ترة اسلامية تقراها بملزمة و ورقة وقلم
شسوي بالانستا والفيس بوك!
ذمة برگبته الي لازم تلفونه وعايف الكتاب
وديضيع وقت🙂🙂

#خبر |
المديرية العامة للمناهج توجه السماح للطلبة التحويل من التطبيقي الى الاحيائي والعكس للصف السادس الاعدادي نظراً لان العام الدراسي 2023 يعد اخر عام لنظام تنوع التعليم.

اسأل الله العظيم رب العرش العظيم
ان يُسددكم ويوفقكم يوم غدٍ
انهُ وليُّ ذلك والقادرُ عليه.

انسوووو الامتحان الاول ولاتفكرون بي ، ولا تحلون وتشوفون الاجوبة النموذجية
تركيزك خلي للعربي حالياً

ابو التطبيقي لا تشغل نفسك بالاحيائي وتسألهم وتظل قلق
ركز ومعليك

#هام
طلاب اليوتيوب مناسيكم
هليومين ان شاء الله اكمل ديموافر