لي ربٌّ إن دعوتهُ بضيق صدرٍ
قال كُن فكانَ خاطري مَجبورا

#تبليغ
الالكتروني (بغداد + محافظات)
امتحان الفصل الاول الثلاثاء 19-1
ان شاء الله
موعد نهائي و اخير ❤️

بنات المتميزات وكلية بغداد
هذا التبليغ نزل بالكروب مالتكم احتمال اكو طالبات مضايفيهن ، اي طالبة ترغب بالتسجيل تحضر هذا الاسبوع تاخذ بطاقة الحجز من معهد الهمسات ( المنشور يخص تسجيل السنة 2021-2022) حصراً ولمنطقة زيونة ❤️

صباح الخير لـ فاقدين الحب ، قليلي الأصدقاء ، للمغتربين ،صباح الخير لكل من حرم من شيء و مازال يقدمه لغيره .
صباح_الخير 🌸

#تبليغ
الالكتروني ( محافظات + بغداد)
المعاهد مفتوحة الكم تمتحنون شوكت ما يعجبكم بالفصل الاول وحسب الايام التالية:
#زيونة:
الجمعة من الـ8 صباحاً الى 4 عصراً
السبت من الـ2 ظهرًا الى 8 مساءًا
الاثنين من الـ12 ظهرًا الى 8 مساءًا
#المنصور:
الاحد والخميس
متواجدين من الساعة 8 صباحاً الى 8 مساءًا
تختارون اي يوم يعجبك و بأي ساعة تعجبك واي معهد يعجبك وتجي تمتحن
وحسب الايام والساعات اعلاه ❤️
وطبعا الامتحان الالكتروني موجود
بس الي يحب يجي للمعهد هلا بي❤️

#اعلان:
بحاجة الى خريج رياضيات ( يكون متفرغ تمامًا )
نوع العمل : تصحيح اوراق امتحانية ومراقبة

اهم شغلة ( خريج رياضيات حصراً وغير مرتبط بعمل وعلى اطلاع بمادة السادس)
الراغبين بالعمل مراجعة معهد الهمسات في زيونة غدًا بعد الساعة 2 ظهرًا ان شاء الله.

#تنويه
غدا لا يوجد محاضرات الكتروني
يرجى منكم دراسة الفصل الاول بتركيز
والاهتمام بالامتحان النهائي بشكل كبير
#تنويه_2
يحق لطلاب الفصل الثاني المشاركة في الامتحان الخاص بالفصل الاول الذي سوف يكون الثلاثاء
ان شاء الله ❤️

للفائدة ❤️ واجبات منهجية وبمستوى الوزاري ❤️ الفصل الاول /

مساء الخير
شكرًا لرسائل الخاص
الي صار اليوم ، انهيار عصبي حاد بسبب ضغوطات كلش چبيرة ما گدرت اتحملهه

نقلوني على اثرها لمستشفى شيخ زايد
والحمدلله هسه طلعت من المستشفى
شكرًا طلابي وطالباتي الي اتصلوا واطمئنوا عليه
الانسان بتركيبته الاعتيادية يوصل مرحلة معينة من التحمل من تجي شغلة ميتحملهه ينهار نفسياً واني الي مريت بي ولا ازال امر بي
مو هين ولا قليل
والازمات تجيني متتالية بشكل مو طبيعي

والحمدلله حمدًا كثيرًا فهو الذي لا يُحمد على مكروهٍ سواه ، وكل شيءٍ عندهُ بمقدار.

عندي شغلة لطلابي مال خصوصي
(واني اكيد ما اكدر اسوي شي بس للخصوصي لازم اعمم الشغلة لطلاب اليوتيوب ما اگدر اعوفهم هيج)
راح اصور محاضرات تنقري قبل امتحانات نصف السنة يعني يقراها الطالب ويروح يلزم الملزمة ويحل الاسئلة ينفض المادة بنص نهار
مال نص السنة ❤️
كاعد هسه ارتاح لان الطبيبة گالت استراح وممنوع تفكر وتجهد نفسك واني سمعت كلامهه ونصيحتهه كلش 🤷🏻‍♂️🤦🏻‍♂️ وكعدت افكر بطلابي عليهم ضغط شلون يلحكون يقرون لنص السنة وهمه ملتهين خصوصي ومحاضرات وماكو وقت
فطلعت بهاي النتيجة وشفتهه حلوة وتفيد
#خُلاصة:
محاضرات سريعة تنزل قبل نصف السنة ان شاء الله بأسبوع بس يحددون شوكت نص السنة
اعتبروا المحاضرات نازلة ان شاء الله قبلهه
للكل خصوصي + الكتروني + يوتيوب

بس خل ارجع لقوتي ان شاء الله ما اقصر ابد
بس الظرف حكمني والحمدلله ❤️

#هام
طلاب وطالبات زيونة عدنه تبليغات ان شاء الله تنزل بكروباتكم ❤️

صباح الخير لمن صافح الصباح حبا،
ولمن سلك طريق التفاؤل والرضى درباً،
تشرق شمس الصباح ،فتشرق معها قلوبنا،بالأمل ،والتفاؤل ،بأن القادم أجمل.
صباح الخير 🌸

#هام
موعدنا مع طالبات 2021-2022 قائم ولا تغيير على الموعد
الساعة الرابعة عصرًا في معهد الهمسات
فقط طالبات المتميزات وكلية بغداد (منهج الرياضيات الانكليزي). #زيونة فقط ❤️

#هام
التسجيل من الفصل الثالث مفتوح لطلاب المعهد
زيونة او منصور
الي يحب يسجل يراجع المعاهد حسب الايام التالية:
1-زيونة يوم الاثنين المصادف 25-1 من الساعة 2 ظهرًا الى 8 مساءًا
2-المنصور يوم الاحد المصادف 24-1 من الساعة 8 صباحاً الى 4 مساءًا .

بالنسبة للالكتروني من الفصل الثالث
هم اكو تسجيل انتظرو مني تبليغ
بغداد + محافظات ❤️

اول مليون مشاهدة للثالث متوسط خلال فترة قياسية حطمنا رقم صعب ودخلنا اوساط باقي المراحل ❤️ #راجعين ان شاء الله

اولياء الامور الاعزاء
رسالة مني وطلب بنفس الوقت:
اليوم مسوي اضافي للطالبات بالمنصور
كروب الصبح محد يجي بي لان الجو بارد
وحضرتهه تتعاجز تگعد الصبح بهذا البرد؟
وكلهه تجي بآخر گروب ويصير زخم ، وطبعاً
الوضع الي بي ميسمح بهلشي وكل ما العدد اقل يكون لصالح الطالبة والاستاذ
فياريت منكم متابعة وخاصة الي يعرف بنته كسولة وتحب تنام وما تگعد الصبح يجبرهه تكعد وتروح لكروب الصبح
اولا نشاط وثانيا هدوء وثالثا العدد اقل مقارنة بالكروبات البقية
ياريت تتحملون مسؤولية المتابعة المنزلية
وعوفو علينة المتابعة العلمية
لان كلش دنتعب من هاي السوالف
وخاصة شغلة الحضور الصباحي
والكسل العدهن مو طبيعي
(طبعاً مو الكل اكيد)
وشكرًا ❤️

بالمناسبة انتو ممجربين الورقة والقلم
ترة فد شيييي كلش قريب للعقل
ههههه مو اعلان للورقة والقلم بس صدكوني تحسون الاستاذ يمكم 🌚 #وبكيفكم