GCC BOOKS STORE

ભગવાન શ્રીકૃષ્ણે કુરુક્ષેત્રના મેદાનમાં અર્જુન સાથે જ્ઞાનથી પરિપૂર્ણ કરેલો સંવાદ એટલે જ ગીતા. તે સ્વયં ભગવાનના મુખથી નીકળેલી વાણી સમભાવ, સમદૃષ્ટિ અને પ્રેમનો સંદેશ આપે છે અને ઈશ્વરપ્રાપ્તિનો માર્ગ બતાવે છે. ગીતા તમામ વેદો અને ઉપનિષદોનો સાર છે. ઉપનિષદ રૂપી ગાયને સૌપ્રથમ દોહનાર ગોપાલક ભગવાન શ્રીકૃષ્ણ છે. જે ગીતારૂપી અમૃત દૂધનું સૌપ્રથમ અર્જુન રૂપી વાછરડાએ પાન કર્યું અને ત્યારબાદ મહર્ષિ વેદવ્યાસે મહાભારત રૂપી પાત્રમાં તેનો સંગ્ર કરી પ્રાણીમાત્રના હિત માટે લોકો સમક્ષ આ ઈશ્વરીય અમૃતનો પ્રચાર કર્યો. આ અમૃતનું પાન કર્યા પછી અજ્ઞાનના અંધકારમાં ડૂબેલા કંઈક મૂઢ લોકો દિવ્ય પ્રકાશને પામ્યા. સંસારસાગરમાં દ્વંદ્વો અને મોહમાયાના દુર્ગમ અને દુષ્કર ખડકોમાં અટવાયેલા કંઈક અવિવેકીઓની જીવન નૌકાને ભવપાર ઉતારવું, ગીતા એ દૃઢ જહાજ છે. ઈશ્વરની અદ્ભુત દિવ્ય વિભૂતિઓનું વર્ણન જેમાં છે તે ગીતા જ્ઞાનનો સાગર છે અને સ્વર્ગપ્રાપ્તિ કરાવતું કલ્પવૃક્ષ છે. જે ગીતા વાંચે છે, સાંભળે છે અને તેનો પ્રચાર કરે છે તેના તમામ જન્મોનાં પાપ નાશ પામે છે અને તે જન્મ-મરણના બંધનથી છૂટી મોક્ષને પ્રાપ્ત થાય છે.

આ ગીતાના પુસ્તકને બાળકો-વૃદ્ધો સ્ત્રીઓ અને ઓછું ભણેલા સારી રીતે સમજી શકે તે માટે એકદમ સરળ ભાષામાં અને શ્લોકોનું ભાષાંતર મોટા ટાઇપમાં કરેલ છે. આ ગ્રંથમાં મહાત્મ્ય તથા અધ્યાય મુજબ સમજી શકાય તેવા સારરૂપ ચિત્રો અને નીચે તેની માહિતી આપેલી છે. અન્ય સામગ્રી આરતી, થાળ, ચાલીસા, સ્તવનો, બાવનીઓ, ભજન, પ્રાર્થનાઓ અને કલ્યાણકારી મંત્રો આપેલા છે. ભાવિક ભક્તોને આ પુસ્તક ચોક્કસ ગમશે તેવી આશા છે.

-

2.9K viewsHello123, 15:30