👉પ્રધાનમંત્રી આજથી બે દિવસીય ગુજરાતની મુલાકાતે

📌📌પ્રધાનમંત્રી નરેન્દ્ર મોદી આજથી બે દિવસીય ગુજરાતની મુલાકાતે આવશે મુલાકાત દરમિયાન પ્રધાનમંત્રી આજે મહેસાણામાં લગભગ 5800 કરોડના મૂલ્યના વિવિધ વિકાસ પ્રોજેક્ટ્સનું ઉદ્ઘાટન અને શિલાન્યાસ કરશે પ્રધાનમંત્રી આજે અંબાજી મંદિરમાં પૂજા પણ કરશે.

📌📌આવતીકાલે, તેઓ સ્ટેચ્યુ ઓફ યુનિટી ખાતે રાષ્ટ્રીય એકતા દિવસની ઉજવણીમાં ભાગ લેશે અને એકતા નગર ખાતે વિવિધ પ્રવાસન કેન્દ્રીત સુવિધાઓનું ઉદઘાટન પણ કરશે.

📌📌પ્રધાનમંત્રી કોમન ફાઉન્ડેશન કોર્સના ઓફિસર ટ્રેઇનીઓને પણ સંબોધિત કરશે. પ્રધાનમંત્રી આજે મહેસાણા જિલ્લાના ડભોડા ખાતે રેલ, માર્ગ, પીવાનું પાણી અને સિંચાઈ જેવા વિવિધ ક્ષેત્રોમાં વિવિધ વિકાસ પ્રોજેક્ટનો શિલાન્યાસ અને ઉદઘાટન કરશે.

📌📌આ પ્રોજેક્ટ્સથી બનાસકાંઠા, મહેસાણા, પાટણ, અમદાવાદ અને ગાંધીનગર સહિત ઉત્તર અને મધ્ય ગુજરાતના સાત જિલ્લાઓને ફાયદો થશે. પ્રધાનમંત્રી 3000 કરોડથી વધુના ખર્ચે બાંધવામાં આવેલા વેસ્ટર્ન ડેડિકેટેડ ફ્રેટ કોરિડોરના નવા ભાંડુ- સાણંદ વિભાગ, 182 કિમી લાંબી વિરમગામ-સામખિયાળી રેલ્વે લાઇન ડબલિંગ પ્રોજેક્ટ; અને કટોસણ રોડ-બેચરાજી રેલ પ્રોજેક્ટનું ઉદઘાટન કરશે. શ્રી મોદી મહેસાણા અને ગાંધીનગર જિલ્લાના વિવિધ ગામોના તળાવોના રિચાર્જ પ્રોજેક્ટનું પણ ઉદઘાટન કરશે.

📌📌આ ઉપરાંત શ્રી મોદી મહીસાગર જિલ્લાના સંતરામપુર તાલુકામાં સિંચાઈ યોજનાનો, સાબરકાંઠામાં નરોડા દહેગામ-હરસોલ-ધનસુરા રોડના વિસ્તૃતિકરણ પ્રોજ્રેક્ટ તથા ઉત્તર ગુજરાતના પાલનપુર, સિદ્ધપુર, બાયડ અને વડનગરમાં સુએજ ટ્રીટમેન્ટ પ્લાન્ટ માટેના પ્રોજેક્ટનો શિલાન્યાસ પણ કરશે.

⭐⭐⭐⭐⭐⭐⭐
Join:- @focus4gpsc
⭐⭐⭐⭐⭐⭐⭐