મુખ્યમંત્રી ભૂપેન્દ્ર પટેલે વિશ્વાસ વ્યક્ત કર્યો છે કે 2047 સુધીમાં ગુજરાત એક ટ્રિલિયન ડોલરનું અર્થતંત્ર બની જશે

ગુજરાતના મુખ્યમંત્રી ભૂપેન્દ્ર પટેલે વિશ્વાસ વ્યક્ત કર્યો છે કે દેશ આઝાદીના 100 વર્ષ પૂર્ણ કરશે ત્યારે 2047 સુધીમાં ગુજરાત એક ટ્રિલિયન ડોલરનું અર્થતંત્ર બની જશે.
ગઇકાલે ગાંધીનગરમાં યોજાયેલી ભારતીય વાણિજ્ય અને ઉદ્યોગ મહાસંઘ-FICCIની રાષ્ટ્રીય કારોબારી સમિતિની બેઠકના ઉદ્ઘાટન પ્રસંગે મુખ્યમંત્રીએ જણાવ્યું હતું કે, FICCI એ ગુજરાતને ભારતના ગ્રોથ એન્જિન તરીકે દર્શાવવામાં મહત્વની ભૂમિકા ભજવી છે.

મુખ્યમંત્રીએ કહ્યું કે, ગુજરાત દેશના ભૌગોલિક વિસ્તારના માત્ર 6 ટકા સાથે રાષ્ટ્રીય જીડીપીમાં આઠ ટકા યોગદાન આપે છે. ગુજરાત કુલ ઔદ્યોગિક ઉત્પાદનમાં 18 ટકા અને દેશની કુલ નિકાસમાં 30 ટકા હિસ્સો ધરાવે છે. બે દાયકા પહેલા રાજ્યનું કુલ ઔદ્યોગિક ઉત્પાદન 1.27 લાખ કરોડ રૂપિયા હતું, જે વધીને 16.19 લાખ કરોડ રૂપિયા થયું છે.

Join:-@focusgpsc