#ЛюбимыйБрест

XXXIII Дзень беларускага пісьменства кожная ўстанова адукацыі горада адзначае па-свойму: каларытна, адметна, каб данесці да ўсіх святло друкаванага слова.

⭐️ У святочных імпрэзах узялі ўдзел вучні і настаўнікі ўстаноў адукацыі. Свята было прадстаўлена рознымі формамі: інтэлектуальныя гульні, літаратурна-музычныя кампазіцыі, завочныя экскурсіі,квэсты “Па старонках беларускага пісьменства”, інтэрнэт-пляцоўкі “Пагуляем са словамі”, марафоны ” Чытаем кнігі класікаў”, музычныя перапынкі “Спяваем разам”, літаратурныя гасцёўні “Часоў былых і новых повязь”, экспрэс-віктарыны “Гістарычная памяць”. У рэкрэацыях школ з густам падрыхтаваныя ўтульныя фотазоны “Любіце кнігу”.

У Год беларускай жанчыны ўвага зроблена да творчасці жанчын-пісьменніц нашай краіны,іх ролі ў грамадстве.

У музеях школ прайшлі экскурсіі “ Ад прадзедаў спакон вякоў…”. На класных гадзінах вучні змаглі зрабіць віртуальныя падарожжы ў Нацыянальную бібліятэку, музеі беларускіх класікаў.

Вучні змаглі глыбей спазнаць таямніцы слова, спасцігнуць прыгажосць беларускай мовы, успомніць значныя для Беларусі імёны і падзеі, а таксама яшчэ раз далучыцца да скарбаў беларускай культуры.