خير لتسوي شر ما يجيك ..
هالعبارة هواي اسمعها من تقدم الخير لشخص وينكره ويجازيك بشي سيء اغلب الناس اكتفت بفعل الخير ومشت ع هاي العبارة الي هي محتواها غلط لان اي شخص يقدم الخير لاي شخص ميقدمه حبا لهذا الشخص انما يقدمه لله وبسبب اخلاقة العالية نصيحة لحد يطبق هالمقولة الي مدري منو اخترعها وطبقوا (افعل خيرا تلقى خيرا ) لان فعل الخير ديتلاشى بمجتمعنا الناس صارت اذا تشوف محتاج او شخص عندة مشكلة يكول لنفسه معلية واذا اسوي خير ينقلب ضدي بدل ميفكر اسوي هالشي لله والله يكتبه بميزان حسناتي والله يقدملي الخير مثل ما اقدمه لغيري ........

من تنطي فائض احتمال . فائض تفكير . فائض حب . فائض اهتمام . فائض ثقة . فائض شغل . فائض جهد ، راح يتدخل التوازن الكوني حتى ينطيك درس على هيئه صدمة والم يعيد الك توازنك . وتبتعد عن التعلق وعلى كل فائض ممكن تنطي لشي عبالك يستحق . صير متوازن بكلشي . كلشي سوي بس بتوازن مو بتعلق ولتنطي الشي اكبر من حجمه التحجيم والتوازنات تساعدك بهواي شغلات ومن ضمن هالشغلات راحة بالك

تجيك فرصة تحسن وضعك المادي وما تستغلها عادي والموضوع بسيط ويتعوض
تجيك فرصة دراسة بمكان محترم وتضيعها هم عادي والحياة ما تتوقف

بس من تجيك فرصة لتغيير طريقة تفكيرك ويتوضحلك للحظة معينة انك كنت موهوم وأن الحقيقة مختلفة تماما عن الي شايفه بس تضيعها وتغلس وتكابر وتبقى موهوم هنا انت ضيعت حياتك ومعنى حياتك واحترامك لنفسك وعقلك

راح يبقى الله يعاقبنا بالناس الغلط إلي أن نتعلم الدرس صح . إلي أن نتعلم نعتمد على نفسنا ، نحب نفسنا ، نسعد نفسنا بنفسنا ، اذا بقيت گاعد بمكانك و تنتظر يجي أحد ياخذ بأيدك و يطلعك للنور ساعتها راح تستحق أن يكسرك و يخذلك ذلك الشخص ، أنت مو نصف ، أنت مو شخص ضعيف حتى تنتنظر جية "البطل إلي يخلصك من وضعك" كل ما زاد اصرارك أن الشخص الجاي أفضل و أحسن خليك على يقين أنه راح يكون أبشع عقاب الك ، أعرف نفسك أصل لنفسك و الباقي هو راح يجي من وحدة بكل سهولة 🤍"

اذكر مره جنت كاعد يم رجال جبير كلي هاي الحجايه

" الأنسان مثل المعدن، أكو معدنه تنك رخيص الي يخيس ويصدأ من أول مطرة، واكو معدنه ذهب، ويبقى ذهب لو هسة مطرت عليه الف سنة!

القصد من الحجي، أكو بشر اذا تصادقه هو خوش أنسان ونبيل وعنده خلق طيب، واذا صار بيناتكم خصام لو خلاف هم رح يبقى عنده هذا النبل والخلق الطيب بخصامه وياك

يبعد البيهَن أبچيلك
شكبُر ليلك؟
شبعد وترد ، لو مَريت أصليلك .

انه اساليب التواصل بيها علتي
شلون اطيح واوگف بطولي
بسبب "تسجيل صوتي"
- عبد الله بيان

...

كلشي بـ آيدك چآن مُمكن ..
‌‎وآنتَ مآ قدمت لـ اليهوآك كلمه !!

ستبقى يتيمًا في غياب من تحب
حتى لو عانقكَ العالم بأسرِه
-

‏"أنا الذي رتّبتني الفوضى، علَّمتني الأخطاء، ملئتني الأحزان بالإنسانية، نجَّحتني كثرة الإخفاقات، وعرفت بأن المُستحيل كذبة عميقة عندما أحببت".

- إللي خفت تكسر بخاطرة ، كسرك أنتَ وخاطرك.

‏تَضيقُ عَلَيَّ الأَرضُ خَوفَ فِراقِكُم
وَيَرحَبُ مِنها ضيقُها إِن دَنَوتُمُ
("
- بهاء الدين زُهير