തന്നെ സ്‌നേഹിക്കുന്നവര്‍ക്ക്‌ അവിടുന്ന്‌ അവളെ സമൃദ്‌ധമായി നല്‍കിയിരിക്കുന്നു.
പ്രഭാഷകന്‍ 1 : 10

കഠിന വേദനകളിൽ മരുന്ന് രോഗിക്ക് ആശ്വാസകനാകുന്നതുപോലെ ഈ ലോക ജീവിതത്തിൽ നമുക്ക് അനുഭവിക്കാൻ കഴിയുന്ന വലിയൊരു ആശ്വാസവും സന്തോഷവുമാണ് പരിശുദ്ധ കന്യകാമറിയം.

പരിശുദ്ധ കന്യകാമറിയത്തിൻ്റെ ജനന തിരുനാളിന് ഒരുക്കമായുള്ള 8 ദിനങ്ങൾ ദൈവാനുഗ്രഹം കരകവിഞ്ഞൊഴുകു ചാലുകളാണ്, ആ ചാലുകളിൽ നിന്ന് അനുഗ്രഹം സ്വീകരിച്ചവരോ അനേകരും. നമുക്കും ഈ അനേകരിൽ ഒരാളായി മാറാം.

സ്വർഗത്തിലേക്കുള്ള ഗോവണിയാണ് പരിശുദ്ധ അമ്മ, അമ്മയിലേക്കുള്ള ഗോവണി ജപമാലയും. ജപമാല ആകട്ടെ ഈ ദിവസങ്ങളിൽ നമ്മുടെ ആശ്രയവും. കുറഞ്ഞപക്ഷം ഒരു നന്മ നിറഞ്ഞ മറിയമേ എന്ന പ്രാർത്ഥനയെങ്കിലും ആത്മാർത്ഥതയോടെ ചൊല്ലി നമ്മുടെ വേദനകളും നിയോഗങ്ങളും മാതാവിലൂടെ ഈശോ സമർപ്പിക്കാം......