*ഉണ്ണിയോടൊപ്പം*

"തന്റെ സ്നേഹിതന്മാർക്ക് വേണ്ടി പ്രാർത്ഥിച്ചപ്പോൾ അവനുണ്ടായിരുന്ന ഐശ്വര്യം കർത്താവ് തിരിയെകൊടുത്തു അവിടുന്നത് അത് ഇരട്ടിയായി കൊടുത്തു."(ജോബ് 42:10)

ശാന്തിയുടെയും സമാധാനത്തിന്റയും.....എന്ന വരികളോടെ തുടങ്ങുന്ന ക്രിസ്തുമസ് കാർഡുകളും കത്തുകളും നമ്മുടെ ഹൃദയത്തിൽ സന്തോഷത്തെ ജനിപ്പിച്ചിരുന്നു.പുതുയുഗ മാധ്യമങ്ങൾക്ക് സന്ദേശം കൈമാറാനാകുന്നുണ്ടെങ്കിലും ഹൃദയത്തിലെ സന്തോഷത്തെ ഉദിപ്പിക്കാൻ ആവുന്നില്ല, കാരണം ക്രിസ്തുമസ് കാർഡുകളോടൊപ്പം അവയും ആഴിയിൽ അസ്തമിച്ചിരിക്കുന്നു.

പ്രതിസന്ധികളിൽ ദൈവത്തിലുള്ള തന്റെ വിശ്വാസത്തെ കൈവിടാത്ത പഴയനിയമത്തിലെ ജോബിനെ അത്ഭുതത്തോടെയാണ് നാമിന്നും വായിക്കുക. അദ്ദേഹത്തിൻറെ ജീവിതത്തിലെ സന്തോഷത്തിന്റെ വാതിൽ തുറക്കുന്നതിന് സാധ്യമാക്കിയത് "സഹോദരന്മാർക്ക് വേണ്ടിയുള്ള പ്രാർത്ഥനയാകുന്ന താക്കോലാണ്". ഈ താക്കോൽ ഉപയോഗിച്ച് ആകട്ടെ വരുന്ന 25 ദിവസങ്ങളിലെ വാതിലുകളെ തുറക്കാൻ.

ക്രിസ്തുമസ്സിനു ഒരുക്കമായുള്ള 25 ദിവസങ്ങളിൽ 25 വ്യക്തികൾക്കായി നമുക്ക് പ്രാർത്ഥിക്കാം. മനസ്സിൽ ആദ്യം ഓർമ്മ വരുന്ന 25 പേരെ (സ്വന്തം ഭവനത്തിലുള്ളവർ ആകരുത്,ബന്ധുക്കളാവാം) ശത്രുവെന്നോ മിത്രമെന്നോ കരുതാതെ (അവരുടെ പേരുകൾ ഒരു പേപ്പറിൽ എഴുതി സൂക്ഷിക്കാം) അവർക്ക് ഓരോരുത്തർക്കു മായി പ്രാർത്ഥനയിലൂടെ നമ്മുടെ ഓരോ ദിവസങ്ങളും പിന്നിടുമ്പോൾ കുറഞ്ഞപക്ഷം ഒരു ജപമാല രഹസ്യമെങ്കിലും ചൊല്ലി പ്രാർത്ഥിക്കാം ശ്രമിക്കാം.

രഹസ്യങ്ങൾ അറിയുന്ന പിതാവ് നിനക്ക് പ്രതിഫലം നൽകേണ്ടത്(മത്തായി 6:6)നിങ്ങളുടെ ഈ പുണ്യപ്രവർത്തികൾ അറിയുന്ന ഒരേ ഒരു വ്യക്തി അവിടുന്നായിരിക്കട്ടെ.

മംഗളവാർത്തക്കാല ആശംസകളോടെ..........

വചനം മാംസമായി ഞങ്ങളുടെ ഇടയിൽ വസിച്ച യേശുവേ, ലോകത്തിലായിരിക്കുമ്പോഴും ലോകത്തിന്റേതല്ലാതായി ജീവിക്കുവാൻ നിന്റെ വചനം എന്റെ ഹൃദയത്തിൽ നിറയ്ക്കണമേ.

English

Malayalam

English

Malayalam

ദൈവമേ, “ഭയപ്പെടേണ്ട, ഞാൻ നിന്റെ കൂടെയുണ്ട് എന്ന് അരുളിച്ചെയ്തവനാണ് അങ്ങ്. അതിനാൽ അങ്ങയോടുള്ള വിശ്വസ്ത തയിൽ നിലനിൽക്കാനും ജീവിതത്തിലുള്ള പ്രത്യാശ കൈവിടാതിരിക്കാനും എന്നെ അനുഗ്രഹിക്കേണമേ.

English

Malayalam

ഇരുട്ടിൽ നടന്നിരുന്ന ജനങ്ങൾ ദർശിച്ച വെളിച്ചമായ മിശിഹായേ, ബോധമിരുട്ടിയിരിക്കുന്ന ഞങ്ങളെ നീതിസൂര്യനായ അങ്ങയുടെ വെളിച്ചത്താൽ പ്രകാശിപ്പിക്കണം. വെളിച്ചത്തിന്റെ മക്കളായി വ്യാ പരിക്കുവാൻ അനുനിമിഷം ഞങ്ങളെ സഹായിക്കണമേ.

English

Malayalam

എന്നോടുള്ള സ്നേഹത്തെപ്രതി സ്വയം ശൂന്യനായിത്തീർന്ന ഈശോയേ നിന്നോടുള്ള സ്നേഹത്താൽ താഴ്ത്തപ്പെടാൻ വിനീതനാകാൻ, ശൂന്യനാകാൻ ഞാൻ ആഗ്രഹിക്കുന്നു. അതിനായി എന്നിലെ ഞാൻ എന്ന ഭാവത്തെ ഇല്ലായ്മചെയ്ത് എന്നെ അനുഗ്രഹിച്ച് ശക്തിപ്പെടുത്തണമേ.

Malayalam

English