21 лютага – Міжнародны дзень роднай мовы. Для нас беларусаў роднай мовай з’яўляецца беларуская. У ёй захавана гісторыя нашага народа, сіла і прыгажосць народнага мастацкага слова. Да гэтай даты бібліятэкі правялі шэраг цікавых і пазнавальных мерапрыемстваў: гадзіна беларускамоўя “Мова мая – мая спадчына” (Нязбодзіцкая бібліятэка-цэнтр краязнаўства), дзень інфармацыі “Родная мова – жыцця аснова” (Поразаўская бібліятэка-цэнтр краязнаўства), моўны турнір “Таямніцы беларускіх слоў” (Ханявіцкая бібліятэка-цэнтр краязнаўства), гадзіна паэтычнага настрою “Роднай мовы пералівы” (Навадворская бібліятэка-цэнтр краязнаўства).

Знаёмцеся: Якута Леанід Іванавіч – удзельнік гурткоў і аматарскіх аб’яднанняў Поразаўскага сектару культуры і вольнага часу. Наш герой – любіць і шануе даўніну. Таму, адзін з пакояў , сямейнага гняздзечка Якутаў, ператварыўся ў сапраўдны музейны пакой. Чаго тут толькі няма! На полках і сценах побач размясціліся і самавары, і клінкі, і размаітыя статуэткі. А старадаўніх гадзіннікаў так многа, што здаецца менавіта тут - у гэтым месцы, больш яўна адчуваецца, як ідзе час. Гадзіннікі – гэта асобная любоў Леаніда. У яго ўмелых руках, часта пасля доўгага часу крапатлівай працы, яны пачынаюць цікаць… нават тыя, што ўжо доўгі час не падавалі прыкмет жыцця. З кожным годам, калекцыя Леаніда Іванавіча папаўняецца ўсё новымі і новымі экспанатамі. Бо мясцовыя людзі ведаюць, што выкідаць сапсаваныя рэчы не трэба. Лепш аднясці іх цудоўнаму майстру, які ўдыхне ў кожную жалязяку, у кожную дзеравяку новае жыццё.

🔹 Тыдзень роднай мовы афіцыйна адкрываецца  дыялогавай пляцоўкай «Беларуская мова – духоўны пашпарт народа», якая пройдзе на філалагічным факультэце БДУ.

Удзельнікамі мерапрыемства з'яўляюцца начальнік Галоўнага ўпраўлення Міністэрства адукацыі Беларусі Сяргей Пішчаў, прарэктар па вучэбнай працы і адукацыйным інавацыям БДУ Алеся Прахарэнка, старшыня Пастаяннай камісіі па адукацыі, культуры і навуцы Палаты прадстаўнікоў Нацыянальнага сходу Беларусі Ігар Марзалюк, дэкан філалагічнага факультэта Сяргей Важнік, студэнты і выкладчыкі факультэта.