Паважаныя навагрудчане, мужчыны-бацькі, дзядулі!

Выхаванне дзіцяці, надзейнасць і ўпэўненасць сям'і немагчымыя без клапатлівага галавы сям’і. Ён з'яўляецца для дзяцей прыкладам сілы, гонару, мэтанакіраванасці, абаронцам міру і спакою ў сям'і. Асабліва важная роля бацькі ў жыцці сыноў, выхаванні ў іх пачуцця павагі да жанчыны, бязмежнай любові да сваёй Радзімы.

Дарагія сябры! Сярод вас нямала тых, хто з'яўляецца прыкладам адказнага стаўлення да бацькоўства, калі бацька не толькі апора сям’і, але яшчэ і абаронца, сябар і настаўнік для сваіх дзяцей. Асаблівай павагі заслугоўваюць шматдзетныя бацькі і тыя, хто выхоўвае дзяцей у адзіночку.

Паважаныя таты! Жадаем вам моцнага здароўя, шчасця і дабрабыту. Няхай заўсёды ў вашых дамах пануюць цяпло, утульнасць і дастатак!

Паважаныя мужчыны!

Прыміце самыя цёплыя, шчырыя віншаванні з Днём бацькі!

Гэта адно з самых маладых святаў, якое падкрэслівае важнасць умацавання інстытута сям’і. Бацька – гэта падмурак сям’і, яе надзейная апора, ён забяспечвае абарону і ўпэўненасць, дапамагае дзецям вызначыцца з жыццёвымі прыярытэтамі, дзеліцца мудрымі жыццёвымі парадамі.

Дарагія бацькі, няхай ваш дом будзе напоўнены цяплом, дастаткам і ўтульнасцю, а вашы сыны і дочкі як мага часцей становяцца падставай для гонару. Жадаем моцнага здароўя, любові і ўвагі блізкіх людзей, дабрабыту вам і вашым сем’ям!