WebSankul Official™

"અર્થ" ફિલ્મમાં, કૈફી આઝમીએ લખ્યું હતું;
રેખાઓ કા ખેલ હૈ મુકદ્દર
રેખાઓં સે માત ખા રહે હો
મુકદ્દર, એટલે કે નસીબ તમારા હાથમાં છે. તમે જે કરો છો તેનાથી નસીબનું નિર્માણ થાય છે. આપણે રોજ સવારે ઊઠીને આપણું નસીબ બનાવીએ છીએ. આપણે જેને પ્રયાસો કહીએ છીએ તે નસીબ નિર્માણની પ્રક્રિયા છે. એમાં સફળતા કે નિષ્ફળતાનો આધાર પ્રયાસ કરવાની રીત પર છે. રીત બરાબર હોય તો પ્રયાસ સફળ થાય, બરાબર ન હોય તો નિષ્ફળ જાય. આપણા પ્રયાસો આપણી આદતોથી નિયંત્રિત હોય છે. તમે જો સફળ લોકોના જીવનનો અભ્યાસ કરો, તો એક પેટર્ન જરૂર દેખાશે; તેઓ રોજે રોજ, વર્ષો સુધી, અમુક સારી બાબતો કરતા રહે છે. સારી આદતો, આઝમી સા'બની ભાષામાં, રેખાઓ દોરે છે.
વ્યવહારિક રીતે કહેવું હોય તો, નસીબ સર્જવાની બે રીતો છે: પહેલી રીત એવી આદતોનો પરિચય કરવાની છે, જે તમને તંદુરસ્ત, હોંશિયાર અને શાંત વ્યક્તિ બનાવે. બીજી રીત, જીવનમાં ગમે તેવી ઉથલપાથલ થાય, તે આદતોને કેવી રીતે જાળવી રાખવી તે શોધી કાઢવાની છે. તમને જીવનમાં આગળ લઇ જાય તેવી આદતો કેળવતાં આવડી જાય, પછી તમને તમારુ નસીબ લખતાં કોઈ નહિ રોકે. ખુદનું નસીબ પેદા કરવા માટે આ બે પ્રશ્નો જાતને જરૂર પૂછવા:
૧. તમે કોણ છો, તમને શું જોઈએ છે અને તે કેવી રીતે મેળવવું છે તેની તમને ખબર છે?
૨. તમને જ્યાં પહોંચવું છે તે તરફ તમે થાક્યા-હાર્યા વગર, લગાતાર ચાલી શકશો?
આ બે સિવાયની બીજી બધી બાબતો પૂરક છે.
✍️ Raj Goswami

Please open Telegram to view this post

VIEW IN TELEGRAM

👍228❤40👌17🔥11👏5💯2🤩1

33K views17:29