King of Mirzapur 👑

સફળતા એટલે સમસ્યાની ગેરહાજરી નહીં, પણ સમસ્યાનું સમાધાન શોધવાની ક્ષમતા. સમસ્યાઓ સુલઝાવવી અને અવરોધોને પાર કરવા એ રાજાથી રંક સુધીના લોકોના જીવનને સફળ બનાવે છે. ચાર બેડરૂમવાળું ઘર હોવું એ સફળતા નથી, સફળતા એ ઘર ખરીદવા પાછળના સંઘર્ષમાં અને તેમાં શાંતિથી રહેવામાં છે. સાદી ભાષામાં કહીએ તો, જીવનમાં જ્યારે ગમતી સમસ્યાઓ હોય, ત્યારે આપણે સુખી છીએ એવું કહેવાય. સમસ્યાઓ કે દુઃખ વગરનું જીવન તો નાના કે મોટાનું, કોઈનું નથી હોતું. એ સમસ્યાઓ આપણા ઇચ્છીત જીવન પ્રમાણેની છે કે પછી અનિચ્છાએ માથે આવી પડેલી છે, તેના પરથી આપણી સફળતા-નિષ્ફળતા નક્કી થાય છે. દાખલા તરીકે, ન ગમતી નોકરીમાં 8 કલાક કામ કરવાની મજબૂરી અનિચ્છનીય સમસ્યા છે, પરંતુ ગમતા ધંધામાં 12 કલાક આપવા પડે છે તે ગમતી સમસ્યા છે. પ્રયોજન, સમસ્યા અને સંઘર્ષ વગરનું જીવન વ્યર્થ છે. જીવન ત્યારે જ સાર્થક અને દિલચસ્પ બને છે જ્યારે આપણે સમસ્યાઓને ઉકેલવા મહેનત કરતા હોઈએ છે. શરત એટલી જ છે કે તે સમસ્યાઓ આપણી ઈચ્છા પ્રમાણેની હોવી જોઈએ. લોકો આત્મહત્યા એટલા માટે કરે છે કેમ કે સમસ્યાઓ વણજોઈતી હોય છે. જોઈતી સમસ્યા અને વણજોઈતી સમસ્યા આપણા જીવનની સફળતા અને નિષ્ફળતાનો ફરક કરે છે.
- Raj Goswami