DySO

Nothing worth living happens in the comfort zone...!!!

"કમ્ફર્ટ ઝોનમાંથી બહાર કેવી રીતે અવાય?"

કમ્ફર્ટ ઝોન એટલે જેમાં સલામતી અને સહુલિયતનો અહેસાસ થાય તે. માણસ કામના, સંબંધના, વિચારોના, લાગણીઓના, પૈસાના સુખના, ઇવન દુઃખના કમ્ફર્ટ ઝોનમાં હોઈ શકે. કોઈપણ બાબતની પરિચિતતા કમ્ફર્ટ ઝોન બનાવે. આપણે એવું માનતા થઈ જઈએ કે આ જે છે તે ઓછામાં ઓછું ખરાબ છે અને તેની બહાર જે છે તે આના કરતાં પણ ખરાબ છે.
સાદી ભાષામાં પરપોટામાં રહેવું તે. તેમાં વ્યક્તિને એવો અહેસાસ થાય કે તેની આસપાસની પરિસ્થિતિ પર તેનો અંકુશ છે અને બહાર નીકળીશ તો હું નોંધારો થઈ જઈશ. ચિંતામુક્ત અને સ્ટ્રેસમુક્ત રહેવાય છે એટલે આપણે આપણી આસપાસ એક સુરક્ષિત પરપોટો ઉભો કરી દઈએ છીએ.
કમ્ફર્ટ ઝોન એટલે જોખમ વગરની જિંદગી. આત્મવિશ્વાસનો અભાવ હોય, મોટિવેશન ન હોય અને ક્ષમતાઓ પ્રત્યે આત્મસન્માનની ભાવના ન હોય, ત્યારે વ્યક્તિ કમ્ફર્ટ ઝોનમાં સીમિત થઈ જાય છે.
કમ્ફર્ટ ઝોનમાંથી બહાર આવવાનો સોથી સરળ રસ્તો એ વિચારવાનો છે કે સવારે ઉઠીને આખા દિવસ દરમિયાન હું એવું શું કરું છે ગઇકાલે કર્યું હતું તેના કરતાં જુદું અને ચેલેન્જિંગ હોય?
દાખલા તરીકે, મેં હમણાં 30 દિવસની અંદર એક પુસ્તક પૂરું કરવાની ચેલેન્જ જાતને આપી છે. તેના પરિણામે મારુ બધું રૂટિન અસ્તવ્યસ્ત થઈ ગયું છે અને 'ઊંઘ હરામ' થઈ ગઈ છે. મને આ ચેલેન્જ લેવાની કોઈ અન્ય મજબૂરી નથી, હું એ ન કરું તે માટે પાસે એક હજાર કારણો અથવા બહાનાં (કમ્ફર્ટ ઝોન) છે, પરંતુ કરવા માટેનું એક જ કારણ છે; જાતને નિયમિત ધાર પર રાખવી. આ એક કારણ એક હજાર કારણો પર ભારે પડે છે.
આપણે જ્યારે આપણી બનાવેલી આઇડેન્ટિટી ( "હું તો આવો જ છું" અથવા "હું તો આવી જ છું")ને તોડીને નવી આઇડેન્ટિટી ઉભી કરવા પ્રયાસ કરીએ છીએ ત્યારે આપણે કમ્ફર્ટ ઝોનમાંથી બહાર નીકળીને ગ્રોથ ઝોનમાં પ્રવેશીએ છીએ.
એક અઘરું લક્ષ્ય નક્કી કરો અને તેને સાકાર કરવા માટેની યોજના પર કામ કરો. થોડી-થોડી સફળતા મળશે તો પણ કમ્ફર્ટ ઝોનમાંથી બહાર નીકળવાની પ્રોસેસ શરૂ થશે. બચ્ચું આવી જ રીતે ઈંડુ તોડીને બહાર આવે છે. ઇંડાની અંદર કમ્ફર્ટ છે, બહાર ગ્રોથ છે.
- Raj Goswami

King of Mirzapur 👑