સમગ્ર દેશમાં 1 જુલાઈ 2024થી ભારતીય ન્યાય સંહિતા 2023નો અમલ થઈ ગયો છે.

ફોરેસ્ટ અને CCE Answer Key અપડેટ

વાસ્તવિકતા એટલે શું? તેના જવાબમાં, એક ચીની વાર્તા છે;

એક સમ્રાટનો એકનો એક દીકરો બીમાર પડ્યો. તબીબોએ સારવાર કરી પણ ઠીક ના થયો. તેમણે કહ્યું કે, આ બે-ચાર દિવસનો મહેમાન છે. ઈશ્વરને યાદ કરો. સમ્રાટ રડવા લાગ્યો. એને ચમત્કારની આશા હતી. ખાધા-પીધા વગર, આંખનું મટકું માર્યા વગર દીકરાની પથારીએ બેઠો રહયો. એમાંને એમાં સવાર પડી, અને સામ્રાટની આંખો થાકીને બંધ થઈ ગઈ. ઊંઘમાં એને સપનું આવ્યું. એને 12 દીકરાઓ છે, અને તેનું સામ્રાજ્ય પુરી પૃથ્વી પર છે. દીકરાઓ ખુબસુરત અને જાંબાજ છે. અપાર સમૃધ્ધિમાં જીવે છે.
અચાનક સામ્રાટની પત્નીએ ચીસ પાડીને સમ્રાટને ઉઠાડ્યો. બીમાર દીકરાએ પ્રાણ ત્યજી દીધા હતા. સમ્રાટ હક્કોબક્કો થઈને દીકરીના શરીરને જોતો રહયો. તેનાં આંસુ થીજી ગયાં. હમણાં થોડીવાર પહેલાં તો તેના 12 દીકરાઓ અને વિશ્વ સામ્રાજ્ય હતું, એ બધું ગાયબ થઈ ગયું, અને હવે આ એક દીકરો હતો, તેય ગાયબ થઈ ગયો. સમ્રાટ હક્કોબક્કો બેસી રહ્યો. રાણીને થયું કે તે રડતો કેમ નથી? ગાંડો તો નથી થઈ ગયોને? આ દીકરો કેટલો પ્રિય હતો!
રાણીએ સમ્રાટને હલાવીને પૂછ્યું કે, શું થયું? સુધબુધ ક્યાં ગઇ? સમ્રાટ બોલ્યો કે, કોના માટે રડું? જે 12 જતા રહ્યા, તેના માટે રડું, કે આ એક દીકરી ગયો તેના માટે રડું? 12 દીકરા હતા, તે સપનું હતું કે આ એક દીકરો હતો, તે સપનું હતું? પહેલાં 12 દીકરા ગયા હતા, હવે 13 દીકરા ગયા. કોનો શોક મનાવું? એ જો સપનું હતું, તો આ પણ સપનું ન હતું? રાત્રે હું ઊંઘી જઈશ, તો હું બીજું સપનું જોઇશ, અને હું તને ય ભુલી જઈશ. પાછો જાગીશ, તો તને યાદ કરીશ. હું તો એક સપનામાંથી નીકળીને બીજા સપનામાં જાઉં છું. એ ચક્ર ચાલતું જ રહે છે, પણ હવે હું જાગી ગયો છું. હવે હું સપનાંની સાઇકલમાંથી બહાર આવી ગયો છું. સપનાં માટે શું રડવાનું!
-Raj Goswami