2022 & 2024

અંગ્રેજીમાં એક કથન છે; એકની એક ભૂલ વારંવાર કરો, તો તે ભૂલ ન કહેવાય, પણ નિર્ણય કહેવાય. દાખલા તરીકે, આપણે પરીક્ષાની આગલી રાતે ભણવા બેસીએ છીએ. આપણે નાપાસ થયા. આપણને ખ્યાલ આવવો જોઈએ કે ભણવાની આ રીત ભૂલભરેલી છે. એટલે, બીજી વાર પરીક્ષાની આગલી રાતે આપણે ભણવા બેસીએ, તો તે આપણી ચોઇસ ગણાય. આપણે 'ભૂલથી' નહીં, પણ ખોટા નિર્ણયથી નાપાસ થઈએ છીએ.
બીજું ઉદાહરણ જોઈએ; આપણને ડાયાબિટીસ છે. ફ્રિજમાં ચોકોલેટ છે. આપણે કોઈ જોતું ન હોય તેમ ફ્રિજ ખોલીએ છીએ. 1. ફ્રિજમાંથી એક ચોકોલેટ ઓછી થાય તો તે ભૂલ કહેવાય. 2. ફ્રિજમાંથી બધી જ ચોકોલેટ સફાચટ થઈ જાય તો તે ચોઇસ કહેવાય.
ભૂલ અને ખોટા નિર્ણય વચ્ચે ફરક ઈરાદાનો છે. ભૂલમાં ઈરાદો ન હોય. ખોટો નિર્ણય ઇરાદાપૂર્વક હોય...!
- Raj Goswami