વર્તમાન સમયની એક સૌથી પડકાજનક બાબત છે લોકોનું મોડે સુધી જાગવું અને સવારે મોડેથી ઉઠવું. તેની પાછળ અનેક અંગત, સામાજિક, આર્થિક કારણો હોય છે, પણ જે લોકોને એવી મજબૂરી ન હોય અને માત્ર આદતવશ મોડે સુધી પથારીમાંથી બહાર નીકળવાની વૃત્તિ ન હોય, તેમણે આ પુસ્તક The 5 am club ની વાતો ગાંઠે બાંધવા જેવી છે. બહુ ઓછા લોકોને ખ્યાલ છે (આ લખનારને પણ નહોતો) કે વહેલા ઉઠવાને અને તન-મનની તંદુરસ્તીને ઊંડો સંબંધ છે. વહેલું ઊઠવાનું માત્ર કામકાજ માટે જ નથી હોતું. આખા દિવસની તમારી માનસિક અને શારીરિક ગુણવત્તા પણ તમે કેટલા વહેલા ઊઠીને સક્રિય થાવ છો તેના પર નિર્ભર કરે છે.
તમે આખા દિવસમાં કેટલું કામ કરી શકો છો, તેમાં તમારું કેટલું ઉત્તમ આપી શકો છો, કેટલું સમયસર કરી શકો છો, સફળ રીતે કરી શકો છો વગેરે બાબતોનું રૂટિન તમારા સવારના રૂટિનથી પ્રભાવિત થાય છે. બહુ બધા લોકોની એવી ફરિયાદ હોય છે મારી પાસે એકાદ બે કલાક વધુ હોય તો બહુ ફરક પડી જાય. એ "એકાદ બે કલાક" આપણી પાસે જ, આપણી પથારીમાં જ હોય છે, પણ આપણી આંખો બંધ હોય છે એટલે દેખાતા નથી.
રોજ વહેલા (૫ વાગે) ઉઠીને એક કલાક શરીરને અને મનને તંદુરસ્ત કરવા માટે આપો. વહેલી સવારે આપણું મગજ અને શરીર સૌથી વધુ શાંત, એકાગ્ર અને પ્રોડક્ટિવ હોય છે. દિવસની ઊર્જાસભર શરૂઆત કરવા માટેનો આ શ્રેષ્ઠ સમય છે. તમે જો પોઝિટિવ માનસિકતા સાથે દિવસની શરૂઆત કરો, તો તે આનંદિત મૂડ પૂરા દિવસની પ્રવૃતિઓને પ્રભાવિત કરે છે.
તમને નવાઈ ન લાગવી જોઈએ કે દુનિયાના અમુક સફળ લોકો (નરેન્દ્ર મોદી, એપલ સીઈઓ ટિમ કૂક, મિશેલ ઓબામા, બિઝનેસવુમન ઇન્દ્રા નૂઇ, સ્ટારબક સીઈઓ હોવર્ડ શુલત્ઝ) રોજ સવારે વહેલા ઊઠે છે. તેઓ શરીર અને મનને ટ્રેઈન કરે છે એટલું જ નહીં, બાકી દિવસમાં શું કરવાનું છે તેનું આયોજન પણ કરે છે. અને આ માત્ર બાકીના દિવસની જ વાત નથી. વહેલી સવારે શરીર અને મનને તૈયાર કરતા લોકોની સમગ્ર જિંદગી અને જિંદગીના સમગ્ર હિસ્સાઓમાં આશ્ચર્યનજક બદલાવ આવે છે.
"Own your morning. Elevate your life.”
- Robin Sharma, The 5 am club.

પૃથ્વીના ગોળા ઉપર દોરેલી ઊભી કલ્પિત રેખાઓને રેખાંશ કહેવામા આવે છે. રેખાંશ ધ્રુવ પાસે એકબીજાને મળે છે. ધ્રુવ તરફ જતાં આ રેખાઓ એકબીજાની નજીક આવતી જાય છે. કુલ રેખાંશવૃતની સંખ્યા 360 છે, જેમાં 0° રેખાંશ અને 180° રેખાંશ મહત્વના છે.