છે એક વિચારની વ્યથા, બીજી જીવનનો ભાર છે,
આશા અને નિરાશા એ દર્દના બે પ્રકાર છે…😿❤️‍🔥💔

Pune...

એક માણસ ગુરુ પાસે ગયો,
અને કહ્યું કે તે ખૂબ દુઃખી રહે છે, સમાધાન બતાવો.
ગુરુ તેને એક તળાવ પાસે લઈ ગયા, અને કહ્યું કે તળાવમાંથી એક ગ્લાસ પાણી ભર અને અંદર થોડું મીઠું નાખીને પી જા. માણસે સૂચનાનું પાલન કર્યું.
"કેવું લાગે છે પાણી?" ગુરુએ પૂછ્યું.
"આ તો બહુ ખરાબ લાગે છે," માણસે પાણીને થૂંકીને કહ્યું.
ગુરુએ કહ્યું, " હવે, એટલું જ મીઠું તળાવમાં નાખ અને એમાંથી સીધું જ પાણી પીને કહે કે કેવું લાગે છે."
માણસે કહ્યું, "આ તો સારું લાગે છે?"
ગુરુ : "મીઠાનો સ્વાદ નથી આવતો?"
માણસ : "ના, જરાય નહીં."

ગુરુએ માણસને હાથ પકડીને બેસાડ્યો અને કહ્યું,

"જીવનની પીડા મીઠા જેવી હોય છે. તેની માત્રા સરખી જ હોય છે; ના વધારે, ના ઓછી. પીડાના અનુભવોની માત્રા આપણે કયા 'વાસણ'માંથી તેને ચાખીએ છીએ તેના પર નિર્ભર કરે છે. એટલે બીજી વાર પીડાનો અનુભવ થાય, ત્યારે પરિસ્થિતિની સમજણનો વિસ્તાર કરજે. ગ્લાસ ના બનતો, તળાવ બનજે."