ઉષ્ણ કટિબંધીય વરસાદી જંગલો: જ્યાં વરસાદનું પ્રમાણ વધારે હોય છે ત્યાં આવેલાં હોય છે. આ જંગલોના વૃક્ષો ઘેઘૂર અને ઘટાદાર હોવાથી સૂર્યનાં કિરણો જમીન સુધી પહોંચી શકતાં નથી. અનેક જાતના વૃક્ષો, વેલાઓ અને છોડવા ત્યાં જોવા મળે છે. વળી, બધી જાતના વૃક્ષોમાં એક સાથે પાનખર નથી આવતી પણ વર્ષભરમાં અલગ અલગ સમયે આવતી હોવાથી હમેશા લીલાછમ દેખાય છે.
સૂકાં ઝાંખરાંવાળા જંગલો: આ પ્રકારના જંગલો ઓછા વરસાદના વિસ્તારમાં જોવા મળે છે. અહી થતાં વૃક્ષો કંટાળા હોય છે. થોર, ખેર, ખીજડો, બાવળ, બોરડી વગેરે મુખ્ય છે. રાજસ્થાન, હરિયાણા, પશ્ચિમઘાટના પૂર્વીય ઢાળ અને ગુજરાતમાં મળે છે.

સિક્કાઓ ઇતિહાસ જાણવા માટેનું બહુ જ અગત્યનું સાધન ગણાય છે. સિક્કાઓ ઉપર જોવા મળતાં પ્રતીકો અને ચિત્રોની મદદથી પણ ઇતિહાસ જાણવા મળે છે. ભારતના સૌથી જૂના સિક્કા પંચમાર્ક સિક્કાઓ છે. તે ચાંદી અને તાંબાના બનેલા હતા અને તેનો સમયગાળો ઇ.સ. પૂર્વે પંચમી સદીનો ગણાય છે.