1) ગાંધીજી બ્રિટનની યુનિવર્સિટીમાંથી કાયદાની ઉપાધિ પ્રાપ્ત કરી ભારત પરત ફર્યા. ત્યાર બાદ વકીલાત કરવા દક્ષિણ આફ્રિકા પહોચ્યાં (1893). દક્ષિણ આફ્રિકામાં રગભેદ અને સામાજિક અસમાનતા સામે ન્યાયની ઉચ્ચ ભાવના સાથે લડતનો પ્રારંભ કર્યો. ભારતમાં અસ્પૃશ્યો જેવી હાલત દક્ષિણ આફ્રિકામાં ભારતીયોની હતી. તેમણે કોઈ માનવ અધિકારો મળ્યા ન હતા. ગાંધીજીએ દક્ષિણ આફ્રિકામાં સત્ય અને અહિંસા પર આધારિત સત્યાગ્રહ નામનું મહત્વપૂર્ણ આંદોલન ચાલુ કર્યું.
2) 46 વર્ષની વયે તેઓ જ્યારે ભારત આવ્યા (ઇ.સ. 1915). ત્યારબાદ (ઇ.સ. 1916 સુધી) તેમણે ગોપાલક્રુષ્ણ ગોખલેની સલાહથી ભારતભ્રમણ કર્યું અને (ઇ.સ. 1916માં) અમદાવાદ મુકામે કોચરબ આશ્રમની સ્થાપના કરી.
3) ગાંધીજીએ રોલેટ એક્ટને ‘કાળો કાયદો’ કહ્યો.
4) જલિયાંવાલા બાગના હત્યાકાંડ પછી આ ઘટનાથી વ્યથિત થઈ ગાંધીજીએ સરકાર દ્વારા અપાયેલો ‘કેસરે હિન્દ’નો ઇલકાબ ત્યજી દીધો જ્યારે રવીન્દ્રનાથ ટાગોરે નાઇટની પદવી પાછી આપી.
5) અસહકારના આંદોલન દરમિયાન સંયુક્ત પ્રાંતના ગોરખપુર જીલ્લામાં ચૌરીચોરા નામના ગામમાં (5 ફેબ્રુઆરી, 1922) 3 હજાર ખેડૂતો ઉપર પોલીસે ગોળીબાર કર્યો. આથી ક્રોધિત ભીડે પોલીસસ્ટેશન પર હુમલો કરી આગ ચાંપી દીધી જેને કારણે 22 જેટલા પોલીસ કર્મચારીઓ માર્યા ગયા. આ ઘટનાથી દુખી થઈ ગાંધીજીએ બારડોલી ખાતે (12 ફેબ્રુઆરી, 1922) આંદોલન પાછું ખેચવાનો નિર્ણય લીધો.