અસલમાં હોંશિયાર વ્યક્તિ તેની હોંશિયારીની તુલનામાં જિજ્ઞાસુ વધુ હોય. હોંશિયારી ૧૦૦ માર્કસનું પેપર નથી કે તેનું સર્ટિફિકેટ મળી જાય. તે આજીવન ચાલતી મેરેથોન છે. હોંશિયાર વ્યક્તિ શીખવાનું ક્યારેય બંધ ન કરે. તે જેટલું વધુ જાણે, તેટલા વધુ પ્રશ્નો પૂછે. તે જેટલા વધુ જવાબો મેળવે, વિષય અંગે તે તેટલી વધુ સ્પષ્ટતા કેળવે. નવા વિચારો અને નવું જ્ઞાન આ રીતે એકઠું થાય છે. જે જ્ઞાની છે તે જ વધુ પ્રશ્નો પૂછે. પ્રશ્નો પૂછવા, જિજ્ઞાસા વ્યક્ત કરવી, નવું જાણવું, જૂનું ભૂલવું તે અજ્ઞાનની નહીં, જ્ઞાનની નિશાની છે.
હોંશિયાર લોકોની આ દસ ખાસિયતો હોય છે:
૧. તેમને દરેક બાબત સમજવી હોય
૨. તે ઘણું બધું વાંચે અને વિચારે
૩. તેમની એકાગ્રતા ખૂબ હોય
૪. તે ગમતા વિષયમાં ખૂબ ઉંડે ઉતરે
૫. તે તેના કામમાં ખૂબ મહેનત કરે
૬. તે પ્રયોગ ખૂબ કરે, નિષ્ફળતાનો ડર ના રાખે
૭. તે પરિવર્તનોને આસાનીથી સ્વીકારે
૮. તે ખુલ્લા મનના હોય
૯. તે બીજાઓ કરતાં જુદું વિચારે
૧૦. તેમને ઘણા બધા વિષયોમાં રસ હોય