માઈક માર્ગોલિસ નામના મેન્ટલ ટ્રેઈનરની એક જાણીતી 'રમત' છે. એ એક ક્લાસરૂપમાં પાણી ભરેલો ગ્લાસ હાથમાં લે છે અને વિધાર્થીઓને પૂછે છે કે આ પાણીનું વજન કેટલું હશે. વિધાર્થીઓ અલગ-અલગ વજનનું અનુમાન કરે છે. માઈક છેલ્લે કહે છે કે વાસ્તવમાં વજનનું અનુમાન કરવું વ્યર્થ છે, કારણ કે તેનું વજન હું કેટલો સમય ગ્લાસને પકડી રાખું છું તેના પર નિર્ભર કરે છે. હું જો તેને એક મિનીટ માટે પકડી રાખીશ તો વજન નહીં લાગે, પણ એક કલાક પકડી રાખીશ તો કાંડું દુઃખશે અને આખો દિવસ પકડી રાખીશ તો પૂરો હાથ જકડાઈ જશે. ગ્લાસનું વજન બદલાતું નથી, પણ હું જેટલો લાંબો સમય તેને પકડી રાખું છું, તેમ તે ભારે બનતો જાય છે.
જીવનમાં ચિંતા અને સ્ટ્રેસ પણ પાણી ભરેલા ગ્લાસ જેવાં હોય છે. થોડો વખત તો તેનો ભાર ન લાગે, પણ જો એ નિયમિત રીતે મનમાં રહે તો પછી નડવા લાગે અને આપણને નિષ્ક્રિય કરી નાખે. ચિંતાના એવા 'ગ્લાસ' નીચે મૂકી દેવાનું શીખવું જોઈએ, પછી એનો ભાર નહીં લાગે. 'ખાલી થવાનો' અસલી અર્થ આ જ છે.

ફોરેસ્ટ!!