હડપ્પાકાલીન સભાયાતના લોજોના વપરાશના પાણીના નિકાલ માટે અત્યંત વિકદિત અને પદ્ધતિસરની વ્યવસ્થા હતી. દરેક મકાનનું પાણી નાની ગટરમાં અને નાની ગટરનું પાણી મોટી ગટરમાં જતું. મોટી ગટરમાથી પાણી નગરની બહાર જતું.

એક દીપડો ઘણા વખતથી એક કાચબાને શોધી રહ્યો હતો, પણ હાથમાં આવતો નહોતો. એક દિવસ, એક સુમસામ રસ્તા પર, તેણે અચાનક કાચબાને જોયો અને એ બોલ્યો, "આહ! છેવટે તું મારા હાથમાં આવી જ ગયો. હવે મરવા માટે તૈયાર થઇ જા."
કાચબાને સમજાઈ ગયું કે તેના દિવસો પુરા થઇ ગયા છે, એટલે એ બોલ્યો, "સારું, પણ એક મહેરબાની કરીશ?"
દીપડાએ કહ્યું, "કેમ નહીં, બોલ ને."
કાચબાએ કહ્યું, "તું મને મારી નાખે તે પહેલાં મને અમુક બાબતો પર વિચાર કરવા માટે સમય આપ."
દીપડાએ વિચાર કર્યો- એમાં શું મોટી વાત છે, અને બોલ્યો, "ભલે, હું તને સમય આપું છું."
એ સાંભળીને કાચબો કશું વિચારવા માટે બેસવાને બદલે જોર જોરથી તેની આસપાસની જમીન ખોતરવા લાગ્યો અને આમતેમ ધૂળ ઉડાડવા લાગ્યો. એનું વર્તન વિચિત્ર હતું. દીપડાને વિસ્મય થયું.
તેણે પૂછ્યું, "આ શું? તું આવું કેમ કરે છે?"
કાચબો બોલ્યો, "હું આવું એટલા માટે કરું છું કારણ કે હું ઈચ્છું છું કે હું મરી જાઉં તે પછી જે લોકો અહીંથી પસાર થાય તે ઘડીક ઉભા રહીને વિચારે કે- બે જણાએ અહીં સંઘર્ષ કર્યો હતો, અને એક જણાને તેના માથાનો મળ્યો હતો."
- નાઇજીરિયન લેખક ચિનુઆ અચેબેની નવલકથા 'ધ લિયોપાર્ડ એન્ડ ધ ટોર્ટોઇસ'માંથી.

સાર: સફળતા જ નહીં, ઘણીવાર સંઘર્ષ પણ જીવનને સાર્થક બનાવે છે. હિટલરની યાતના શિબિરમાંથી જીવતા બચેલા યહૂદી સાઇકિયાટ્રિસ્ટ વિકટર ફ્રેન્કલ 'મેન્સ સર્ચ ફોર મીનિંગ' પુસ્તકમાં કહે છે કે વિપત્તિમાં કેવી રીતે પ્રતિભાવ આપવો તેના વિકલ્પો હંમેશાં આપણી પાસે હોય છે, અને આપણે કયો વિકલ્પ પસંદ કરીએ છીએ તેમાં આપણું ચારિત્ર્ય ઉજાગર થાય છે.