kya lagta hai ?🧐

એક માણસ ધસમસતી નદીના એક કિનારે અટવાઈ ગયો હતો. એ સામે કિનારે જતો ન રહે તો પાણીમાં ખેંચાઈ જવાનું જોખમ હતું. નદી પર ન તો પૂલ હતો કે ન તો નાવડી. માણસે આમતેમથી લાકડાં એકઠાં કરીને તરાપો બનાવ્યો. એના સહારે એ સામેના કિનારે સલામત પહોંચી ગયો.
બુદ્ધે શ્રોતાઓને પૂછ્યું, "તમને શું લાગે છે, માણસે સામે કિનારે જઈને એવું વિચાર્યું હશે કે આ તરાપાએ મારો જીવ બચાવ્યો છે એટલે હું એને ખભા પર ઊંચકીને સાથે લઈ જાઉં?"
શિષ્યોએ કહ્યું કે એ તો મૂર્ખામી કહેવાય.
બુદ્ધે પછી પૂછ્યું, "માણસ તરાપાને પ્રેમથી કિનારે મૂકી દે તો કેવું?"
શિષ્યોએ કહ્યું કે એ જ બરાબર છે, તરાપાની જરૂર નદીમાં હોય, એને જોડે લઈને ન ફરાય.
બુદ્ધે કહ્યું, "તો પછી મારી શિક્ષાનું પણ એવું જ છે. એ નદી પસાર કરવાનો તરાપો છે. એનો ભાર ઊંચકીને બધે ન ફરાય."

"The raft of knowledge ferries the worst sinner to safety"
- Bhagavat Gita