ઈસ્ટ ઈન્ડિયા કંપનીએ ગુજરાતનાં સુરતમાં કોઠી નાંખવા નિશ્ચય કર્યો. કેપ્ટન હોકીન્સ આ વેપારી કોઠીની પરવાનગી લેવા માટે તત્કાલીન મુઘલ સમ્રાટ જહાંગીરને વિનંતી કરતો રહ્યો તેથી જહાંગીરે એક શાહી ફરમાન દ્વારા અંગ્રેજ કંપનીને આવી કોથીઓ સ્થાપવા આજ્ઞા (ઇ.સ. 1612-13) આપી. બ્રિટિશ કંપનીએ પોતાના દૂત થોમસ રો ને મુઘલ શહેનશાહ સમક્ષ મોકલ્યો (ઇ.સ. 1615), રો ના પ્રયત્નોથી બ્રિટિશ ઈસ્ટ ઈન્ડિયા કંપનીને મુઘલ સામ્રાજ્યના તમામ વિસ્તારોમાં વેપાર કરવાનો અને કોઠીઓ સ્થાપવાનો અધિકાર પ્રાપ્ત થયો.