امنيات  مني ماخذها القدر
ابني مات من يدي خطفاه الدهر
بيك رت افرح مثل هاي الشباب
ليش مو شمعة فرح شمعة مصاب
ابني مات  ابني مات
.....
الشمع نفس الشمع  للفرح لو للدمع
بس فرق بيناتهن كلش جبير
شمعة الفرحه ردت  وبزفافك حضرت
هاي صينيتك بعد المن تصير
روح يالب الكلب نارك بروحي تشب
نار مومثل الخيم تسعر سعير
والله لوبيدي القدر جان وياك النحر
يمه جاسم العمر  بعدك كصير

بالهموم  شمعتك تطفه واصيح
من اكوم  اعثر بثوبي وطيح
يبني ياجاسم نصيبي بس عذاب
ليش موشمعة فرح شمعة مصاب

.....

اوكف اباب الخيم ويعصر بروحي الالم
من اشوف حسين اضم منه الدموع
خاف اكسر خاطره اماثره بيه الكنطره
اعله ابوفاضل ركد حيله ويلوع
لاجن اتكرب الي وصاح يابويه علي
وحدي ضليت وعلي دارت جموع
صوته يفسر الحجر  دمعته ترسم نحر
اليا مصيبه بكربله احني الضلوع

يامصايب  كربله ذبحت زلم
بالعذاب لبني كلبي منجسم
يمه اشمن ريحتك بين التراب
ليش موشمعة فرح شمعة مصاب
....
يخنك بريتي الهوه ويجرح بعيني الضوه
يادنيتي ويابعد روحي وحياتي
عندي مايفرق ابد موتي وموت الولد
روحتي ماتت من رحت شلي بحياتي
ادري بي جسمك ترف ابد ماتحمل نزف
حين ذبحوك شكلت يبني وغلاتي
سيفهم مابي رحم تارك بروحي الم
اخذمني بالذبح كل ٳمنياتي

كون اموت ياحلات الموته ويه الي احب
بعله صوت  وين ياجسم رحت صوت الكلب
يبني ماينفع بعد نوح وعتاب
ليش موشمعة فرح شمعة مصاب
...

الماعرف شنهي الورد بجفه يمرده مرد
ونته اجمل ورده بهاي الطبيعه
بعطرك الفايح اشم وبيك اشم غيرة زلم
بعدك اني تموت روحي بهالفجيعه
بمذبحك نمت شعجب ومك بنوح وعتب
رايحه العمك ابو جفوف الكطيعه
اشتكيله غيبتك وعله الناس الذبحتك
ولو فزع عباس يكلبها الوسيعه

صبري راح  بعد ماينفع صبر
بالنياح  ودمعتي تطفي الجمر
يبني بالمذبح اشوفه وكلبي ذاب
ليش موشمعة فرح شمعة مصاب
....
يبني ريعان الكلب بيك امنته الدرب
ماتفكر امك اترد اعله هزله
مكيده بذاك الحبل ودمعت عيوني تهل
من عله ضهور النياك وراسه اصدله
درب مايشبه درب والضرب اه الضرب
عمتك ضربوها والسوط شيحمله
اه ياام المصاب زينب اتشوف العذاب
يبني محملنه الوقع ياهو اليعدله

بهالدروب  شفنه انواع الهضم
والكلوب ذابت ونسمع شتم
ناس مارحمتنه وذانه الغياب
ليش شمعة فرح شمعة مصاب
.....
علي الفرطوسي

      
عاشور هل هلاله .. عاشور هل هلاله
ياصاحب الزمان  ياصاحب الزمان

&&&&&&&&&&&&&&&&&

هل شهر عاشور لينه ياشهر نوح ومصيبه
بالنجم راسم علايم خيمه وجثه خضيبه
وكت الغروب ونشوفك لاﭼـم بگلب الغريبه
لونك الاحمر يترجم فاجعه وقصه عجيبه

بالنوح استهلاله .. عاشور هل هلاله
ياصاحب الزمان  ياصاحب الزمان

&&&&&&&&&&&&&&&&&

مثل ماشفناه احنه انته هم تبـﭼـي وتصده
ينتهي موسم ربيعك بالگلب تنذبح ورده
اﭼـم محرم ال اجانه وبوصالح ماله رده
يمته اشوفه بالمواكب يبـﭼـي ودمعه ٳعله خده

هالنوح لجل عياله .. عاشور هل هلاله
ياصاحب الزمان  ياصاحب الزمان

&&&&&&&&&&&&&&&&&

اليسمع بموتت حبيبه حالته تصبح رزيه
وبوصالح ينضر الطف كل صباح وكل مسيه
اتخيل ابحالة امامك لونضر صطرة رقيه
هوه عايش بالمصيبه ودمعته من دم جريه

الدمعات دم هماله.. عاشور هل هلاله
ياصاحب الزمان  ياصاحب الزمان

&&&&&&&&&&&&&&&&&

امنيات وشوگ عندي بهالمواكب والمجالس
تحله لطماتي ونحيبي المهدي كون وياي جالس
حته من انزع ثيابي وبجنوني ﭼـني عابس
اني شيعي بهذه عشكي تعلمت مني النوارس

مفجوع كلبي شماله.. عاشور هل هلاله
ياصاحب الزمان  ياصاحب الزمان

&&&&&&&&&&&&&&&&&

اني كل هذه بقصوري مستحي وماتكفي دمعه
من تمر ليلة القاسم كون اذوب بزفته شمعه
وليلة العباس وحشه وﭼـني صوت حسين اسمعه
يابوفاضل بيش اعوضك راح اخوي ومن يرجعه

ماعاد يسكي اطفاله .. عاشور هل هلاله
ياصاحب الزمان  ياصاحب الزمان

&&&&&&&&&&&&&&&&&

ادري هذه الليل مضلم وبعد اكثر بالصحاري
زينب بوحدها ضلت وبوضعها الله داري
يمته تضهر ياامامي خِلص صبري ونتضاري
رتك بهذه محرم ودمعك اعله الوجنه جاري

يانوح كلبي الشاله  ... عاشور هل هلاله
ياصاحب الزمان  ياصاحب الزمان

&&&&&&&&&&&&&&&&&

للشاعر علي الفرطوسي

 حنت روحي اعليك
مدري شصاير بيك
مرعوبه اني اتفز جروحي
غالي انته واغله من روحي
مدري شصاير بيك
......
دنيه بعدتنه ومحت اثاركم
المسافه جروح اذا امر داركم
رحتو وكلبي مشه يبرالكم
 المسافه اشكد طويله ابينه
حلم ماإدري بوهم مرينه
الجنت احبه يكلي امأذينه
ياكلبي المسكين
حضك بس ونين
مرعوبه اني تفز جروحي
غالي انته واغله من روحي
...
حلم عندي هم مثل كل البنات
اعله كلمة بابا ارد اغفه وبات
لجن هاذه هوه قانون الحياة
المفارك يخطف العشره خطف
واني طفله وفاركت جف العطف
المثلي ابوها حسين لا ماتنوصف
راح ودربه طْوّيل
وماخذ نجمة ليل
مرعوبه اني تفز جروحي
غالي انته واغله من روحي
.....
شعندي وياه ويعذبني الدهر
ماخذ عيوني ونفس ريتي القدر
من يهجره الطير يغتاض الشجر
شني نفع الريه من دون الهوه
الفراشه تموت اذا ماكو ضوه
يالعفتني وجانت عيونك دوه
تخنكني العبرات
تنشدني الشمات
مرعوبه اني تفز جروحي
غالي انته واغله من روحي
...
روحي حنت والدرب كلش بعيد
ومن يمر طرواكم ايموت الوريد
دنيه دون احباب كلبي ماتفيد
بروحتك يابويه موت الورد
انشد ومافاد يحسين النشد
بس صوركم تمرد بكلبي مرد
لعبدالله اشتاكيت
بكماطه شتميت
مرعوبه اني تفز جروحي
غالي انته وغله من روحي
...
بعد ماشميت الكماط بونين
اسمعت سوت السمه كلش حزين
فاطمه اهلج اضاحي مجزرين
امل ماكو المات مذبوح الوريد
والنسه مسبيه وماضل عضيد
من بعد هالفاجعه حزني يزيد
داست جسمه الخيل
حسينج ذابل حيل
مرعوبه اني تفز جروحي
غالي انته وغله من روحي
...
للشاعر علي الفرطوسي

بدرب السبي ... بهـيبـة نَبي
    بت حَيدر الاسيره
؛؛؛؛؛؛؛؛؛؛؛؛؛؛؛؛؛؛؛؛؛؛
سبحانه رب الصورج رب السماوات
هيبتج هيبة نبي وحجابج أيات
ينزل اعليج الوحي بهيئة كرامات
راس أخوج أويه الضعن ضّوه لمسافات
لامومره ... ومخدره
بعالي السمه أميره
؛؛؛؛؛؛؛؛؛؛؛؛؛؛؛؛؛؛؛؛؛؛
لوننضرج يازينب بعين البصيره
كون نتوضه بدمع ونصلي غيره
مانصدگ عالهزل راحت اسيره
راح اخوهه اويه الضعن شيخ لعشيره
صوط الشمر ... تارك اثر
حيرتهه والله حيره
؛؛؛؛؛؛؛؛؛؛؛؛؛؛؛؛؛؛؛؛؛؛
عفيه اخوهه الماتركهه بكل الاحوال
وده راسه اوياها يحمي كل الاعيال
ينضر بحسره العقيله فوك الاجمال
راسه يمطر غيره لوشاف لضعن مال
لمن هوه ... راسه ضوه
راسه لحده وضميره
؛؛؛؛؛؛؛؛؛؛؛؛؛؛؛؛؛؛؛؛؛؛
راس اخوهه ايباوع لهيبة عبيهن
لو بجن يمه خواته ايصد عليهن
راسه غطه الشمس حته ايفيي ليهن
من كثر ضرب الصياط أمعذبيهن
الهمْ ينجلي ... ياكافلي
براسك وَحِي للغيره
؛؛؛؛؛؛؛؛؛؛؛؛؛؛؛؛؛؛؛؛؛؛
زينب انتي اعضم لغز صار بعباتج
بيج هيبة حيدره وغيره بصفاتج
مصحف براسج يرتك ابصلاتج
صرتي كافل زينب وتحمي خواتج
بروحج علي ... براسج ولي
 يالبوة العشيره
؛؛؛؛؛؛؛؛؛؛؛؛؛؛؛؛؛؛؛؛؛؛
للشاعر علي الفرطوسي

دنيه وحشه ابلا امان
مضلم الليله المكان
كلبي يشعر بالضياع
راح عباس رفعت الراس

***************
مختنك صدري وحس وحشه الخيم
جفك ابلاجود لاشايل علم
اني اخبرك كلبي نيران التهم
ريحة الدخان من هسه اشم
ياحسافه اتعوفني بين الزلم
غابه هاي الدنيه صارت ياشهم

من فكد جف الحنان
مضلم الليله المكان
حسبت من هالوداع
كلبي يشعر بالضياع
راح عباس رفعت الراس

***************

حضرت متني على سياط الشمر
هذه اخوك حسين بعدك منكسر
يبجي بين اخيامي ويدك عالصدر
الاخو حزام الضهر يابوالفضل
فركة الخوان ابد ماتنحمل
خويه حاجيني اذا بعدك عدل

حزام ضهري الكمرجان
مضلم الليله المكان
جنت الي خيمه وشراع
كلبي يشعر بالضياع
راح عباس  رفعت الراس

***************

انه زينب يااخو زينب بقيت
ناطريتك اشكثر بس مااجيت
وين رايح تدري حيل اتاخريت
ماهو طبعك تترك اختك حايره
اني اعرفك زين سبع الكنطره
شلون باجر والخيام موجره

ماوصل ليك الدخان
مضلم الليله المكان
اسمي بين اعدانه شاع
كلبي يشعر بالضياع
راح عباس رفعت الراس

***************

من اجيت الكربله بهيبة علي
ونته ياخويه التباري محملي
هاي ياعباس جانت وين الي
انته مذبوح واروح اعله الهزل
جفي الامس جفوفك بي حبل
ترضه ياعباس يسبيني نذل

خويه هضماني الزمان
مضلم الليله المكان
امشي قدر المستاع
كلبي يشعر بالضياع
راح عباس رفعت الراس

***************
جنت مهيوبه واميره موقره
حته مالي اخيال وادم تنضره
هسه مابين العدو متحيره
اشلون حالي واني حرمه بلا اهل
مالي اخ عن حالي اشصاير سئل
من كثر نضراتهم جسمي نحل

اسمي صار بكل لسان
مضلم الليله المكان
سبيي بالمجلس يذاع
كلبي يشعر بالضياع
راح عباس  رفعت الراس

***************
للشاعر علي الفرطوسي

وحدي يجدي ضليت ...... ﻠﮔﺒرك أنوحن ﮔﺼديت
خلاني حسين وشال ...... أنه العليله أبهل الحال
         ﻠﮔﺒرك أنوحن ﮔﺼديت
٭٭٭*************************٭٭٭
           جيتك يجدي يارسول الرحمه
           يم ﮔﺒرك أﮔﻌد أنتحب وشتمه
           أشعر يجدي الوسعه صارت ضلمه
           ليت أندفن يمك ينور الامه
راحو هلي من الدار ...... وﮔﺼديت ألك يالمختار
دمعي عله أخدودي سال ...... أنه العليله أبهل الحال
٭٭٭*************************٭٭٭
           جيتك عليله أمن الهضم مكسوره
           بعد الجفوني البيت طافي نوره
           أتخيل أباب الاهل ﭼم صوره
           ضلت نزلهم موحشه ومهجوره
ماأﮔدر أدخل للبيت ...... ضلمه وصورهم صديت
ياجدي عشت أبأمال ...... أنه العليله أبهل الحال
٭٭٭*************************٭٭٭
           ياجدي كلشي طلع عكس أحسابي
           لاطارش ولاسائل الدﮒ بابي
           أبقه أبأملهم عيني دوم أترابي
           خليني يمك وستمع لعتابي
يم ﮔﺒرك أﺒﭼﻲ وأنعاه ...... ولغالي لاما أنساه
وحشه وتنوح الانزال ...... أنه العليله أبهل الحال
٭٭٭*************************٭٭٭


            ياجدي ليليه أبحلم ﭼﻧﻲ أﻧﻄﮒ
            أو متني مابين أحمر وبين أزرﮒ
            مهضومه أشوفن عمتي وﺗﺗﺷﺒﮒ
            وفرت رقيه أعله الجمر هل ﺗﺳﺤﮒ
عبد الله ضامي ومذبوح ...... من نومي أفزن بالنوح
محتاره وين الكفال ...... أنه العليله أبهل الحال
٭٭٭*************************٭٭٭
             أخبرني جدي أبحلمي وتفسيره
             أبحلمي شوما شفته راعي الغيره
             ولاشفته أبويه  جدي أنه أبحيره
             بس عمتي مرعوبه ونضرهه أديره
بسلا ﺗﮔﻠﻲ التفسير ......جسمه توذر توذير
وراسه عله أرماح أنشال...... أنه العليله أبهل الحال
٭٭٭*************************٭٭٭
             لحسين أبويه أبكل وكت محتاجه
             ياجدي منهاجك صبح منهاجه
             يخبرني ﮔﻠﺒﻲ أﻤﮔﻄﻌﻴﻥ أوداجه
             أستشهد أبوي وأعتله أبمعراجه
ﭼﺎيمته ترجع ليتام ...... مسبيه راحت للشام
مسبيه فوﮒ الاهزال ...... أنه العليله أبهل الحال
٭٭٭*************************٭٭٭
             للشاعر علي الفرطوسي

يختي وشمعت أسنيني
لخدرﭺ أهـدي ﭽـﻓـﻴﻧﻲ
مرفوع العلم .... والموت أبتسم
♣♣♣
يختي تدريني أمن أهد أعله الجمع
بـيـه غـيـرة حـيـدره ونـفس الطبع
يخـتي أطـشـر ﮔـومها أشما تنجمع
خرسه أخلي الـحـومـه وما تنسمع
بالطف يصبح المنضر .... ﭽﻧﻪ سـاعـة الـمحشر
مامونه الخيم .... والموت أبتسم
♣♣♣
أستعد وستانس أمن أدخل حرب
لـجـل ﻋـﻴـﻧـﭻ زيـنب أﮔلبهه ﮔلب
رايـتـي مـن تـنـرفـع تدخل رعب
مـن صـغـر أمـدرب ومـا أنـغـلب
رايتي أترجف الهوه .... مـنـها خـافـت نـيـنـوه
رافعهه الشهم .... والموت أبتسم
♣♣♣
لبس درعه وبسمته أﺒﮔد الفضه
ﺴﺤﮓ عاﻠﮔﺎع وبقة مترضرضه
مـن طـلـع ﭽـﻧـﻪ عـلـي المرتضه
بسمه غص ﺤﻠﮓ الزلم مايلفضه
يخطف عالزلم رسمه .... يرعب اﻠﮔمر اسمه
ﻴﺴﮔﻴﻬﻢ ألم ..... والموت أبتسم
♣♣♣



من دخل سبعين الف جندي أختلس
و الـعـسـاﭽـر والـقـيـاده تـحـتـرس
بالـحـوافـر عـثـرت اليـوم الفـرس
فـرغة الـحـومـه وبـد ماضـل حرس
راس الكافر أيحزه .... ماخذ شمره من حمزه
ماواحد سلم ......... والموت أبتسم
♣♣♣
دخناهه الدنيه وتعله الضباب
والحوافر عجنة الدم بالتراب
سبحة اخيول العده ابدم الرﮔﺎب
الي شايف يومه ﭽن يوم الحساب
عالموت ازدحام اصبح .... سيفه بالزلم يذبح
نثرهم لحم ..... والموت أبتسم
...............................................................
للشاعر علي الفرطوسي

بويه هاي انه رقيه .. العزيزه الهاشميه
بابه وينك ماتجي .. أوياك الي اعتاب وحجي
؛؛؛؛؛؛؛***؛؛؛؛؛؛***؛؛؛؛؛؛؛
ابتدي ابقصة عذابي بابه اسمع
بين سوط وبين جمره عيني تدمع
بابه من نار المخيم جمره تلسع
ونته جسمك ويه دمك هالتوزع

تحيرت بجفوفي المه .. وينه جسمه وينه عضمه
اتوزعت فوك الوطيه
؛؛؛؛؛؛؛***؛؛؛؛؛؛***؛؛؛؛؛؛؛
بابه وينك ماتجي البتك يغالي
عذبتني بغيبتك تدري الليالي
جنت اغفه بصدرك وجفك دلالي
هسه صدرك يلجمه الريح الشمالي

هذه صدرك لوتغير .. اهوايه مطحون وتكسر
الله لاينطي اميه
؛؛؛؛؛؛؛***؛؛؛؛؛؛***؛؛؛؛؛؛؛
بويه من ماجيت لينه اني أجيتك
بهدوة الليل وعله الغبره لكيتك
ابلايه راس ومنسحك استغربيتك
ضني تكعد يبو الاكبر حركيتك

من احركك خاف الجمك .. ماترد ليه امن اكلمك
رته يفتح صدره اليه
؛؛؛؛؛؛؛***؛؛؛؛؛؛***؛؛؛؛؛؛؛
بويه ماخذني الرعب وعيون صلفه
سلبو حته التراجي وذني ترفه
بويه مد جفك اليه بلكي اغفه
ماأريد اويه الشمر امشي اعله عجفه

الشمر مايرحم النه .. بسوطه تدري اهوايه طكنه
واني ما أحمل اذيه
؛؛؛؛؛؛؛***؛؛؛؛؛؛***؛؛؛؛؛؛؛
جم تعال وجم تعال اصرخ يبابه
الطفله ابعازت ابوها مو لعابه
بصدرك اتضم السهم واني بخرابه
ابالي اغفه حته لو اشتم ثيابه

ادري ثوبه ملطخ ابدم .. ودري ريحه يجلي الهم
واني مهمومه وسبيه
؛؛؛؛؛؛؛***؛؛؛؛؛؛***؛؛؛؛؛؛؛
تدري من حركو خيم مشوني حافي
بويه جم جمر بجمر بجفوفي طافي
كون احسب تدري جم سوط ابجتافي
بويه ابشرك عذبوني ونته غافي

بويه محروكه انه جدمي .. وبعده يغلي منها دمي
والحبل جارح بديه

؛؛؛؛؛؛؛***؛؛؛؛؛؛***؛؛؛؛؛؛؛
للشاعر علي الفرطوسي

سبوني وهذه حالي .. بقية ابلايه والي
شفة نار امضه من نار .. بصيطه اللهبت الدار
الصعب ضيعة دلالي
......
محتاره ودموعي تهل .. بين الخيم والمصرع
بالخيمه نيران اشكثر .. و جمره بعباتي تلسع
عندي عليل بهل الخيم .. وبل خيمه اطب واطلع
غطاني رماد اللهب .. وين الكفل مايفزع
الجمر لاح العبايه .. خذونه احنه سبايه
العساكر كلها تندار .. بصيطه اللهبت الدار
....

الدنيه وحشه بلاكمر .. وحنه كمرنه اعله الماي
متوذر وراسه نهشم .. مارد الي وجاب الواي
اذكر وعوده لطوله احن .. وعداني هوه الحماي
وجفه أعله جفي اتذكرت .. وهسه حبل ابيمناي
بعد عين الغوالي .. سبيه وهذه حالي
صحت شتفيد الاعذار .. بصيطه اللهبت الدار
.....
من امشي وبهذه السفر .. وعدواني تنضر طولي
والهودج بنار حترك .. وخت الكمر نادولي
ياهو اليركبني انتضر .. وهزله الركب جابولي
دون اليساره الكل علي .. تنضرلي ونهد حيلي
الكلب خويه تفطر .. بعد مابيه اكدر
جبيره انه اعله الاسفار .. بصيطه اللهبت الدار

....

المحترك بيته بهضم .. يذكر هضمها الحره
ولجفه ملسوع بجمر .. يعرف الم كل جمره
الفاكد ابوه بسن صغر .. يعرف غلاته وكدره
زينب بقت ابلاولي .. وكلهن خذوهن اسره
على زينب يشيعه .. نون ونه فجيعه
عليه الزمن دار .. بصيطه اللهبت الدار
...
انشاهد انواع البله .. بطف كربله اعله الاطفال
محتاره زينب والدمع .. يجري اعله طروه الكفال
من بعد عزي ياهلي .. مجتوفه هسه بحبال
خارجيه اخت الكمر .. بحلك الشماته تنكال
صفة بحلوك الانذال .. زينب وسفه تنكال
سوت بيها الاقدار ... بصيطه اللهبت الدار
...
علي الفرطوسي

مسبيه رحت اويه الغرب     خويه ياعباس
وبمتني اثار الضرب             خويه ياعباس
بغربه وتنوخ اضعوني  ... بنوك الهزل يحدوني
               *،،،،،،،،،،*،،،،،،،،،***
موحلوه اطلع وحدي    بلاكافل ولارايه
وحدك دكوم وانتهض    زينب سبوها سبايه
ياخويه شك صدر النهر  شوفتك بيها كفايه
يل غيرتك غيرة علي     اسمك يخوف اعدايه
                    
طولك يبعد اختك حلو    خويه يعباس
عالمشرعه باقي شكو      خويه يعباس
ماتدري من يسبوني .... بنوك الهزل يحدوني
                *،،،،،،،،،،*،،،،،،،،،***
لمن رحت ياكافلي      وضعني حداه الضالم
خويه تمنيتك تجي     مومنذبح لوسالم
جابيدك اترجع الضعن   كلبي لرجوعك هايم
يل طولك مخوف الزلم   يمته انه اشوفك قادم

ابمتني جم سوط انطبع     خويه يعباس
بكل ضربه لحمي ينشلع     خويه يعباس
دم ينزف امن متوني         بنوك الهزل يحدوني
              *،،،،،،،،،،*،،،،،،،،،***
اتعثر بذاك الدرب           ليتك تكض اجفوفي
زينب جبيره اعله ليسر  وكافر لفضها احروفي
ويايه اطفال اشكثر        عد كل طفل ضل خوفي
لوطاحو وراح الضعن      ولوما لمحهم شوفي

طاحت رقيه امن الضعن       خويه يعباس
وراس الحسين اشكد يحن    خويه يعباس
ينضر بقه اعله عيوني       بنوك الهزل يحدوني
                 *،،،،،،،،،،*،،،،،،،،،***
اتأملك غيرة علي          أمن اشتاق اباوع راسك
صلى عليك اهل السما    صل الله اعله احساسك
طبتم وطابت كربلا        وطابت يخويه انفاسك
ريحة مراجل بيك اشم    والمرجله من ساسك

انفاسك انشمها ونحن        خويه يعباس
هضمتني كل هاي المحن    خويه يعباس
عيون الغرب نضروني        بنوك الهزل يحدوني
                 *،،،،،،،،،،*،،،،،،،،،***
خليني اشوفك لوحلم    لامنذبح لاضامي
الطولك اشتاق اشكثر     اتقرب أ وّكف حامي
معقوله موتك اخرك       معقوله مو جدامي
مو وعدك اني اتذكره     وشكد بنيت احلامي

حته بحلم شوما تجي        خويه يعباس
وعيوني عاشرها البجي       خويه يعباس
بحلمي وكطعت اضنوني    بنوك الهزل يحدوني
               *،،،،،،،،،،*،،،،،،،،،***
   للشاعر علي الفرطوسي

يبني كسر كلبي الدهر من عندي اخذ غالي
اكعد اهزن بالمهد وادري المهد خالي
يادللول الولد .. يبجي الحالي المهد
           وادري المهد خالي
                ******
منجرح گلب امك الليله لمصابك  منجرح
ليل المفارگله غالي يفضح عيونه الصبح
بغبشة الله لمهدك اركض بلكي عينك تنفتح
          بوجهك انضر يالولد ماتبتسم
        وماتناغي بسكتتك طاح النجم
      هاك روحي ابدونك انترست هضم

الموت يختار الاحبهم ونته اعز ناسي
يبني يعبد الله عشت نص گلبي وحساسي
ونتحل يبني الجسد .. يبـﭼـي الحالي المهد
 
                   ******
يبني غذيتك ابروحي وعشت مابين الضلع
وعيني الجانت تنضرك هسه تغرك بالدمع
مني اخذو گمر  ليلي وباعو الگمره بشمع
        ناس تركت دينها وعبدت وثن
        مهدك انته من خشب باب ام حسن
        صاير بروحي جمر كلبي انسحن

متواعد اويل المحسن وهاليله مسافر
ماتدري حالي بغيبتك يوليدي اشصاير
 هذه حزني للابد  يبجي الحالي المهد
 
              ******
تصعد وتنزل ييمه بالنفس مثل الهوه
اشد من جمر المخيم بيك گلبي انه نجوه
يبني تالي ارباك بالطف بالسهم يمه نحوه
بصدري ياعبدالله مخنوگ النفس
بعد عينك ضيم گلبي انه انترس
رايح وامك سبيه بلا حرس

مسبيه يالغالي وشمر هوه الي يحديني
سوطه عله متني ضرب يوليدي ياذيني
ضالم ويانه وحقد .. يبجي لحالي المهد

          ******
يبني ياوردة حياتي واترف انته من الترف
نحرك الي جنت اقبله ادري مايحمل نزف
حرمله ونبلة مصابه فاجعه ماتنوصف
بروحي خلت جرح مايشبه جرح
بحضن ابوك بعيني شفتك منذبح
اليل باگك مني يالـﭼـنك صبح

نارك تشب وصط الكلب ياسلوت سنيني
الدمعه تكبر يالولد بعدك وصط عيني
عزازي بالطف تنفكد .. يبحي الحالي المهد

               ******
افز مرعوبه وجروحي تِلجم من هالحلم
بحضن ابوك ورافع ايدك يبني ادري منلجم
امك تعيش بهضمها وادري انته منهضم
اشتم اگماطك واشم ريحة دمه
من بعد عينك عسن عيني العمه
صح صغير وتارس عيون السمه

الفاكد حباب الكلب مالحضه ينسه ونينه
حسين ابوك لمقتلك المدمع ترس عينه
جروحه ماتنعد عدد .. يبجي الحالي المهد
            ******
علي الفرطوسي

            بالله يا أسد احرس جثثهم
          إني امسافره وراح ابطي عنهم
           فوك الناكه لاجن كلبي يمك 
            اضلوع حسين متكسرات اعلمك
                   *،،،،،،،،،،،،،*،،،،،،،،،،،***
           يا أسد ابقه اعله خوتي احرس الليل
           انه عل الناكه خذوني ودمعتي تسيل
           ونته يم أخواني هل ضلو  مجاتيل
           وهلله هلله حسين تدري داسته لخيل
         
           ضل فوك الارض متبتر حسين
           بعدهي بروحه حسره عالصواوين
           أدري ايون اخوي وخل يألمك
          اضلوع حسين متكسرات اعلمك
                *،،،،،،،،،،،،،*،،،،،،،،،،،***
            لو يجن الليل ونته أبصوت عالي
            صدره متألم أنه ابن امي شكالي
            عالسهم لبصدره اشكد اشرالي
            يكلي ضمديه انسحن كلبي وبجالي
          
           ضمدي أجروحي لاجن صدري خليه
           السهم واصل الكلبه وخاف أذيه
           يخويه من احركه خاف الجمك
           اضلوع حسين متكسرات اعلمك
                 
                *،،،،،،،،،،،،،*،،،،،،،،،،،***
             يا أسد لوتحرس بهاي البراري
            جسم عبدالله احفضه امن الضهاري
           عمره بعده ازغير ودري بدمه جاري
           والرمل خوفي يغيره ومن يداري

               عبدالله الصغيروني اعله التراب
               موكلش ترف من الشمس ذاب
               نام ولا تفز عمه اعله امك
            اضلوع حسين متكسرات اعلمك
               *،،،،،،،،،،،،،*،،،،،،،،،،،***

            أنه قصتي أويه الدمع قصه عجيبه
            أمن انذبح ابن أمي ودمومه خضيبه
             شفته رافس نوبه ون ونه غريبه
          صوت من نحره استمع يختي السليبه

                 حته وهوه ميت بيه فكره
                 راسه اوي الضعن بعيوني انضره
                    ذبحاك الشمر وما يرحمك
                   اضلوع حسين متكسرات اعلمك
                    *،،،،،،،،،،،،،*،،،،،،،،،،،***
                 ياأسد ونوب اخبرك عالشريعه
               بطل بيها امجندل اجفوفه كطيعه
                جوده لمن طاح رواها الطبيعه
           جوده زمزم جوده بيه قصه وفجيعه

                 كافل خدري عباس وعفافي
             اكصدله ايا أسد بس خله غافي
                 خاف ايفز عليه لو يكلمك
              اضلوع حسين متكسرات اعلمك
                 *،،،،،،،،،،،،،*،،،،،،،،،،،***
           محتوى القصه أعله كلبي ونايباتي
            حته دمعي لونزل يحمل صفاتي
             امبركع ومهيوب يتغطه بعباتي
             بهيبة العباس محنيه الخواتي

            دمعي لو نزل يكتب جروحي
        وروحي الفاجده تبجي اعله روحي
        خويه حسين وبنحرك اشمك
         اضلوع حسين متكسرات اعلمك
              *،،،،،،،،،،،،،*،،،،،،،،،،،***
               للشاع علي الفرطوسي




..

  



          

يبني كسر كلبي الدهر من عندي اخذ غالي
اكعد اهزن بالمهد وادري المهد خالي
يادللول الولد .. يبجي الحالي المهد
           وادري المهد خالي
                ******
منجرح گلب امك الليله لمصابك  منجرح
ليل المفارگله غالي يفضح عيونه الصبح
بغبشة الله لمهدك اركض بلكي عينك تنفتح
          بوجهك انضر يالولد ماتبتسم
        وماتناغي بسكتتك طاح النجم
      هاك روحي ابدونك انترست هضم

الموت يختار الاحبهم ونته اعز ناسي
يبني يعبد الله عشت نص گلبي وحساسي
ونتحل يبني الجسد .. يبـﭼـي الحالي المهد
 
                   ******
يبني غذيتك ابروحي وعشت مابين الضلع
وعيني الجانت تنضرك هسه تغرك بالدمع
مني اخذو گمر  ليلي وباعو الگمره بشمع
        ناس تركت دينها وعبدت وثن
        مهدك انته من خشب باب ام حسن
        صاير بروحي جمر كلبي انسحن

متواعد اويل المحسن وهاليله مسافر
ماتدري حالي بغيبتك يوليدي اشصاير
 هذه حزني للابد  يبجي الحالي المهد
 
              ******
تصعد وتنزل ييمه بالنفس مثل الهوه
اشد من جمر المخيم بيك گلبي انه نجوه
يبني تالي ارباك بالطف بالسهم يمه نحوه
بصدري ياعبدالله مخنوگ النفس
بعد عينك ضيم گلبي انه انترس
رايح وامك سبيه بلا حرس

مسبيه يالغالي وشمر هوه الي يحديني
سوطه عله متني ضرب يوليدي ياذيني
ضالم ويانه وحقد .. يبجي لحالي المهد

          ******
يبني ياوردة حياتي واترف انته من الترف
نحرك الي جنت اقبله ادري مايحمل نزف
حرمله ونبلة مصابه فاجعه ماتنوصف
بروحي خلت جرح مايشبه جرح
بحضن ابوك بعيني شفتك منذبح
اليل باگك مني يالـﭼـنك صبح

نارك تشب وصط الكلب ياسلوت سنيني
الدمعه تكبر يالولد بعدك وصط عيني
عزازي بالطف تنفكد .. يبحي الحالي المهد

               ******
افز مرعوبه وجروحي تِلجم من هالحلم
بحضن ابوك ورافع ايدك يبني ادري منلجم
امك تعيش بهضمها وادري انته منهضم
اشتم اگماطك واشم ريحة دمه
من بعد عينك عسن عيني العمه
صح صغير وتارس عيون السمه

الفاكد حباب الكلب مالحضه ينسه ونينه
حسين ابوك لمقتلك المدمع ترس عينه
جروحه ماتنعد عدد .. يبجي الحالي المهد
            ******
علي الفرطوسي

سابع ألآم الليله ................ زينب مدمعها أتسيله
الليله أتحس أبغربتها ..... بـاﭽـر طـايـح هـيـبـتـها
♣♣♣♣
سابع الليله من شهر عـاشور
زينب أبلوعه واﻠﮔﻠب مـفـطـور
معركه وأهوال والرعب منشور
تعنت العباس واﻠﮔـﻠـب مـكـسور
مرعوبه أبجمع العسكر.......... محتاره بهاذه المنضر
سالت عالخد دمعتها ....... بـاﭽـر طـايـح هـيـبـتـها
♣♣♣♣
يـم ﮔـمـر هـاشـم زيـنب الحره
تشتكي الحاله وللعطش جمره
لزم بيده السيف وعتنه المهره
للنهـر ﮔـﺎصـد يـلـتـهـب صـدره
متعني وشايل جوده ............. وخبر زينب بوعوده
صارت تشبح نضرتها ....... بـاﭽـر طـايـح هـيـبـتـها
♣♣♣♣
من طلع عباس بـالـخيم وكفت
تـشـبـح الـعـيـنين للنهر صدت
ﭽن ابو النومـاس مايرد حست
ﺸـﺑـﭽـت الـعشره وللدمع هلت
تنضر مكسورة خاطر ......... للشاطي ادير الناضر
صارت تصعب حالتها ....... بـاﭽـر طـايـح هـيـبـتـها
♣♣♣♣



عالنهـر طاحـن زنـده وجـوده
وغيرته أتنادي يوفي بوعوده
وبالسهم عباس عينه ممروده
وﮔـطـع الـبـتار جسمه وزنوده
تنضر يرجع ليتامه ........... لاﭽن متهشم هامه
زينب حست غربتها ....... بـاﭽـر طـايـح هـيـبـتـها
♣♣♣♣
من مشاله حسين الضهر محني
من بـعـد عـبـاس دهـري عذبني
وزيـنـب اتـنـادي أى ياكـافـلـني
لـهـلـي يـاخـويـه مـن يـرجـعني
ليتك أنته أترجعني ................ دهري بفكدك يفجعني
اختك تصعب حالتها ............ بـاﭽـر طـايـح هـيـبـتـها
♣♣♣♣♣♣♣♣♣♣♣♣♣♣♣♣♣♣♣♣♣♣♣♣♣♣♣♣
للشاعر علي الفرطوسي

مبارك يجسام العرس ﭽﺎوينه            مبارك يجسام
                       ٭٭٭٭٭٭٭٭
ﮔﺎلو عرس بالحومه  
وعرسك تشيع اعلومه 
فَرح امك المالومه    
 ومن الفرح محرومه
نشعل شمع هل جينه       مبارك يجسام
                        ٭٭٭٭٭٭
الشمعه شو طفوها  
  والحنه دم دافوها
والفرحه ما خلوها     
رمله بحزن هنوها
والحنه دم اجبينه           مبارك يجسام
                        ٭٭٭٭٭٭
الحومه لا تدناهه        
امك تحن شفناهه
وزينب تون اوياهه     
  عكبك شمر يرعاهه
بس نسمع احنه اونينه      مبارك يجسام
                        ٭٭٭٭٭٭
بالعرس لازم تفرح     
صار الزفاف المذبح
دمك يجاسم ينضح     
 بيك الصوارم تذبح
ومن وﮔﻊ تشبح عينه       مبارك يجسام
                       ٭٭٭٭٭

ابن اثنعش عام انته    
  المثلك تهنه بزفته
أمن الضمه ذبلت شفته    
 امه اسمعت بس ونته
معفر وأمبترينه              مبارك يجسام
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
                 للشاعرعلي الفرطوسي

يالمجبل اعله الجنه ابدماك
امك وصيح أﺒﺣﮕﻲ ورباك
لا لا تطب لحراب يبني انته بعدك شاب
٭٭٭٭
ياثمرت لب احشاي يبني يجاسم
يالواحد وين تريد يبن الهواشم
ياوردة هاي الروح ردليه سالم
من تبعد يجسام كلبي انه هايم
لعرسك يجاسم نشعل شمع
كلبي بغيابك ضل منفجع
بنار الكلب ومصاب يبني أنته بعدك شاب
٭٭٭٭
موسهله ياجسام عمرك تخسره
بعيونك شفت اوداع وبروحي حسره
ضويت الليله أشموع لعرسك أحَضره
يصعب علي بالعين دمك أنضره
عمك ينادي لاتخذله
وموتك يجاسم اتقبله
انته النسيم الهاب يبني انته بعدك شاب

ابجفك شيل السيف وبئأبتسامه
رخص دمك جسام لجل الامامه
أدخل يبني الميدان وردلي ابسلامه
حلمك عليه أيحوم مثل الحمامه
بالحومه تدري أسيوف ونبال
لاتخشه يبني افنون القتال
كلبي يضل مرتاب يبني انته بعدك شاب
٭٭٭٭
كل أم يابعد الروح نعرف حلمها
أتزف أبنها المدلول وبكل هممها
لاجن لوطب أحراب واضح ألمها
تخلص العمر لوعات ويشتد لطمها
يالرايد أتروح تجويني نارك
عذبني تدري يبني انتضارك
بنار الخيم وعتاب يبني انته بعدك شاب
٭٭٭٭



الخيمه يبني اتطح ونته عمدها
لوغابت الشبان ربي يردها
كل ام لوصار اغروب تدعي لودها
ولمثلي ربي ليش ضالم زمنها
عرسك تاخر عن الوعد
كالولي طايح كلبي انمرد
شفتك متوسد اتراب يبني انته بعدك شاب
٭٭٭٭
لمن يجن الليل يوليدي أهيمن
ولي نضرني ايكول اتدور عليمن
وتأمل مامذبوح ترجع سليماً
يبني اجينه بيش ورجعينه بيمن
يبني اجينه أل النبي
ولمن رجعنه بلوعه وسبي
نذبحت كل الاحباب يبني انته بعدك شاب
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
للشاعر علي الفرطوسي

اني بحسين افتخر جنوني
تسولف اوياه العشگ عِيوني
             ❃❃❃❃
انه بعيوني دمعتي تختلف عن الدمع
تسولف بحب ابوالاكبر يالتحب منها استمع
غير حب احسين والله ماٳريد واقتنع
حسين عايش وسط روحي ومندفن جوه الضلع
تكتب اسمه زغرفت جفوني
اني بحسين افتخر جنوني
  
            ❃❃❃❃
يالتحاربنه وتضدنه هاك مني حـﭼـايه
احنه وفايه طبعنه وهم نضل وفايه
باﭼر بثورة مشينه ترتفع هالرايه
وننشر المعموره كلها مجلس اويه قرايه
عاشگ وماانهزم لگوني
اني بحسين افتخر جنوني

             ❃❃❃❃
لليضدنه دوم نضحك مايهم تفجيره
احنه شيعه ومن طبعنه الغيره تنزف غيره
دمنه لوينزف عباره وكاتب بتعبيره
حبنه بس احنه نفهمه شكد صعب تفسيره
شافو الحب عاصمه ٳمن ٲجوني
اني بحسين افتخر جنوني

               ❃❃❃❃
من طبعنه لليصدنه نبقه دوم نعاند
لٲن كافل خدر زينب هوه النه القائد
صوتنه يهز الضماير صوتنه يضل صاعد
من يجنه الموت نبشر واحد ايزف واحد
احنه ثوار بگلب حنوني
اني بحسين افتخر جنوني

               ❃❃❃❃
احنه مثل الجبل راسخ مايهزه العاصف
يالتضد اهل المجالس بعد منه اشايف
لوهجمنه مثل حيدر واگف ايكض واگف
احنه شجعان واشاوس بينه ماكو الخايف
هم لوشجعان گابلوني
اني بحسين افتخر جنوني

               ❃❃❃❃
اني اطباعي حسيني وحيدري وعباسي
اني مثل النخله شامخ مااطخن راسي
شيعي والدنيه اتعرفني الشجاعه ساسي
من كمر عدنان ماخذ عزتي ونوماسي
عاشگ ومنطي عهد دروني
اني بحسين افتخر جنوني
              ❃❃❃❃
       للشاعر علي الفرطوسي

اجيتك ياحبيبي ونور الانضار

أنذرت عمري بخدمتك وأمشي الك يحسين
وذا اتعب اجيك ازحف على الجفين

اجيك ومن اجيك أبلهفه وبعبره
طريقك لو جمر امشي عله جمره
وراقب بالموكب يحضر المهدي
على طول الدرب اعيوني تنتضره

اراقب بالمواكب بلكي الكاه
يحالفني البخت ومشي إويه ممشاه
علي طال البعد ضل كلبي محتار
      ،،،،،،،،***،،،،،،،،،***،،،،،،،،
 نشاهد كل سنه بدربك عجايب
الك يخدم صغير وحته شايب
عله ادروبك اجت  هاي الخدم تلتم
الشوارع تمتلي أبهاي الموكب

يزاير كل تعب ماضل هله بيك
على طول الدرب كلها تحييك
مناضر للخدامه أكبار وصغار
،،،،،،،،***،،،،،،،،،***،،،،،،،،
عله الموعد اجيتك معتني مشاي
الخدم طول الدرب تخدمني يامولاي
هله بجيتك يكاصد للحبيب حسين
طفل ايصب اكل والشايب اعله الجاي

الصغير اتحزم وسراها العيون
وبعد شايب يعزب للي يمشون
وعجوز الوكفت وتطبخ عله النار

،،،،،،،،***،،،،،،،،،***،،،،،،،،
الغني ويل الفقير أبدربك اتساوه
البعيد اويل القريب انشوفه أتخاوه
طريق الجنه هذه وماكو كل تفريق
البشر من كل مكان ابحبه تتهاوه

من كل فج زحف تتعنه هالناس
تشيل امحبتك ياسيدي احساس
تتوجه الك يارمز الاحرار
،،،،،،،،***،،،،،،،،،***،،،،،،،،
التعب شنهي التعب بدروب ابو اليمه
اخذني الشوك الك ومشيلك بهمه
على هذه الامل عايشهن اسنيني
إلزاير لو تعب الزهره اتحزمه

أم حسين اجت وبجفها رايه
تفتر بالمشي اتزور العزايه
نكلها الكم نواسي ونفدي الاعمار
،،،،،،،،***،،،،،،،،،***،،،،،،،،
اجيتك معتنيلك ما أهم بالخوف
بطريقك امشي لو يصبح خطر وسيوف
المهم اوصل ضريحك ياحبيب الروح
وعلى كعبة عشكنه بالنياح انطوف

نطوفك ياحُسين وكعبة العشاك
الك متعني والله سيدي مشتاك
بكثر حبي الك ينزل دمع حار
،،،،،،،،***،،،،،،،،،***،،،،،،،،
الزيارة أبأربعينه اشلون أفوتها
ابأمل اكصدلك انه الروح أعودها
بشعوري هاالامل ضل عايش وروحي
رجلي الما مشتلك اله اموتها

لوما يِنكل جدمي الك يحسين
اكصه وما اعوفه وبتر الجفين
عالموعد اجيلك رغم الاخطار
،،،،،،،،***،،،،،،،،،***،،،،،،،،

للشاعر علي الفرطوسي