الكوفه بغدرها تـتـنطرك .... لازم تضحي دمْ منحرك
      ثوره وتوضح الثار .... أﮔﺼد طوعه للدار
                           ♣♣♣♣
            مسلم سفيرحسين برض السفاره
            ولـثـورة الـمـضـلـوم أول شـراره
            تنشد عليه اﻠـﮔـوم طـال أنـتضاره
            كتبو كـتـب لحسين ومسلم بشاره
مسلم تعنه منقذ بشير .... مصلح ﮔﺼدهم ضنو أمير
       ﮔﺎصد يصلح الصار .... أﮔﺼد طوعه للدار
                           ♣♣♣♣
            اهـل الـغـدر بـحـقـاد كـتـبـو ولاهم
            لاﭽـن أبـن سـفـيـان هوه الشراهم
            وضيع أصول الدين بحكم الدراهم
            مـسـلـم يـصـلـح الحال منقذ أجاهم
بسنة محمد مسلم يصيح .... وحكم الدراهم ضنو صحيح
        صارو عليه أشرار .... أﮔﺼد طوعه للدار
                           ♣♣♣♣
             طوعه أبلهف عالباب جيتك تراقب
             لـكـتـبو لـبـو الـسجاد أﺷﮔد مطالب
             ضنو قـدومـك هـاذ أعله المناصب
             مـسـلـم شبل معروف من الغوالب
عدهم خليفه أصبح يزيد .... للعمله صارو كلهم عبيد
        كلهم صفو كفار .... أﮔﺼد طوعه للدار
                        ♣♣♣♣
             


               بـديـرة غـرب وجناب محد يعرفك
              الكوفه أبذعر ونذار وينه اليضيفك
              سيـفـك يـصـلح الـحال لوﮔﻈﻪ ﭽﻓﻚ
              صارالضمه والجوع هوه اليضعفك
   دمك يمسلم من ينتصر .... لازم يـهـدم اهـل الـغـدر
            يصبح رمل وحجار .... أﮔﺼد طوعه للدار
                        ♣♣♣♣
                طـوعه تحشم ليه وصـلـتـك الكوم
                صول عله الكفار اليوم ألك هاليوم
                وزلزل أرض كوفان وعالساﭽر حوم 
                أبصدر الكتايب صير مـثـل حـيـدر ﮔـوم
ذكرها يبني أبفارس مضر .... غيضك يمسلم خل ينفجر
              أصلي العساﭽر نار.... أﮔﺼد طوعه للدار
♣♣♣♣♣♣♣♣♣♣♣♣♣♣♣♣♣♣♣♣♣♣♣♣♣♣♣♣  
              للشاعر علي الفرطوسي

عباس عباس  زلزل كربله
عباس عباس  غيره ومرجله
،،،،،،،،،،،،،،،،،،،،،،،،،،،،،،،،،،،،،،،،،،،،
زلزل الحومه من نزل ليها
حالف اعليها اله يفنيها
من دمه المذبح عزم يسكيها
عباس عباس جله النزله
***************
حمل حملاته الي معروفه
هل لاسم عباس ترعب احروفه
طشر الجيمان زلزل الكوفه
عباس عباس هالصوت اعتله
   ***************
هذه الكافل اعز مكفوله
صال عالجيمان صوله من صوله
طرد ماخذهم ما يوگفوله
عباس عباس مصحف رتله
   ***************
سيفه يذبحهم سيفه يخطفهم
صال طشرهم ورجع اليمهم
الارض بركان تحت ارجلهم
عباس عباس جن عقد الوله
   ***************
لجل اخوه حسين ولضلع ثاره
شعل الميدان ماطفت ناره
ذبح بيهم زود شبع بتاره
عباس عباس ياميت هله
   ***************
بجفه ملك الموت خاضع الامره
ايريد ثاراته ومه الزهره
صوت ياكرار عسكر ايطشره
عباس عباس سيفك زلزله

  ***************
للشاعر علي الفرطوسي

يامن ﮔﻠـت أمشي وياي        كافل انه وحماي
عتبي عليك وشكواي         دولبني البين . انه أخت حسين
.....
ﭼﻨـت بل الرايه ألوذ ٳمن الضوه
ولو يمر يمي نسيم من الهوه
ﭼﻨﺖ  تزعل  يا بطلها  نينوه
وﭼﻨﺖ لجروحي يعباس الدوه
بعدك بعباتي النار            وركض محتاره افكار
صار عليه الما صار         مووحده ثنين . انه أخت حسين
.....
رايتك  ﭼﺎ نـﺘﻠﻲ  يا  خويه  الستر
وﭼﺎن ميهمني بوجودك أي خطر
وﭼﻨﺖ بسماي المضلمه انته الكمر
بعد عينك  ما ا ريـﺪنه العمر
ﭼﺎ نـﺘﻠﻲ الرايه حجاب        جيتك وبكلبي عتاب
يابن حيدر بوتراب           بين النارين انه . أخت حسين
....
الك  عباس  امن  وجه  شكوتي
ويجري بل الطف الفرات ودمعتي
مالي عين اكبالي اشوفن اخوتي
يا بشر  ٳكبر   مصيبه  مصيبتي
مصابك اكبر امصاب        دمعي اعله الخد سجاب
جيتك اعرف لسباب          اصفك جفين . انه أخت حسين
....
بعيني لن شفت الكمر طاح وهوه
جسمه وجسمي هون كلهن سوه
من كثر أجروحه حن ٳو التوه
ضامي ضل أعله الفرات ومرتوه
حركو خيمتنه اعداك        طايح جفك ولواك
بدموع اعيوني انخاك        يالكافل وين . انه أخت حسين

...
ها يبعد اختك  وروحي وسلوتي
ارد اعاتب يمك اهمل دمعتي
حركو الهودج وحركو خيمتي
ياكفيلي اشلون حالي وعيلتي
وحدي ابين العدوان  حركو خويه الصيوان
اسحك فوك النيران    بدموع العين .  انه أخت حسين
..........
علي الفرطوسي

نزل صكار الزلم .. من علي ماخذ عزم
ياهله بطاعونها .. فكس بيده اعيونها
.....
فكس بيده عباس عين الحرب
هلهلتله اخته وصاح ادخل رعب
انه عودي الكرار ماأنغلب
جف احطه عالجيش جف عالدرب
الحرب يدري فنونها .. فكس بيده عيونها
كمر بيهم مايهم .. من علي ماخذ عزم
.....
اليوم اعيدن ثارات هامه وضلع
والشريعه من كال ماتنشلع
بيدي اشيلنها اليوم وصط الفزع
ماٳهمن بالجيش من تنجمع
الحومه مايدنونها .. فكس بيده عيونها
منه واحد ماسلم .. من علي ماخذ عزم
.....
ياهله براعي الزود حامي الحرم
غيرته براسه تفور بخصمه نتقم
الريح والطف اليوم ماضن سلم
للشجاعه العباس راس الهرم
الحومه غير لونها .. فكس بيده عيونها
يطشر بسيفه ويلم .. من علي ماخذ عزم
......
نازل يصّول يجول ياهيبته
مخلي الطف عباس بجربته
ينخطف هب الريح من نضرته
ملك من رب الكون الكل بمرته
حومتك يدرونها .. فكس بيده عيونها
يموت حته الينهزم .. من علي ماخذ عزم
.....
ماكو حل عند اعداه بس المفر
حته بهبة الريح خوف وخطر
هوه  نافخ بالصور عل هالبشر
شنهي بالطف ايصير كلشي انكسر
فگر الي يطبونها .. فكس بيده عيونها
فقط انته التبتسم .. من علي ماخذ عزم
....
للشاعر علي الفرطوسي

صار اغروب وعيالك غريبه    غريبه
ونته اعله الارض جثه خضيبه  خضيبه
        ###########

صار اغروب وهل الخيل اجتنه
حركت كل خيمنه وفرهدتنه
ناس اجناب ضلمتنه وسبتنه

وين ابطال هاشم يامصيبه مصيبه
صار غروب وعيالك غريبه  غريبه

 ###########

من وصلو خيمنه ال اميه
نار وخيل وسياط واذيه
ويلي اشلون من ضربو رقيه 

طفله وهاشميه  وهم سليبه  سليبه
صار غروب وعيالك غريبه غريبه

 ###########

يبن امي على التربان نايم
وماتدري اسده اعليها الحرايم 
ريتك لو تردلي اليوم سالم

ودري بحالتك جثه خضيبه خضيبه
صار غروب وعيالك غريبه غريبه

 ###########

عسن نهر الفرات انكطع مايه
ويردلي الكمر وبجفه رايه 
يشوف اصياط شمسويه بگفايه

ويطفي خيم اخته الهيبه الهيبه
صار غروب وعيالك غريبه غريبه

 ###########

بعدك سلوتي نوح وبواﭼـي 
رايح مني ابو حلو المحاﭼـي
مايدري برقيه والتراﭼـي 

سلبوهن يخويه امنل الحبيبه الحبيبه
صار غروب وعيالك غريبه غريبه

 ###########
علي الفرطوسي

ياشبل الكرار حل يوم البتار
اطفالك تصرخ ضميانه
حل يوم البتار
*
حـل يـومـك ياعـبـاس هــاي الـبـوادي
صـول مـــثـل الـكـرار اعـلـه الاعــادي
ياضـنـوة حـامـي الـجـار اشـفي فؤادي
خل يصرخ جانه الموت صوت المنادي
يل يومك تذكار حيرها الكفار
خل ترجع مرعوبه اعدانه
حل يوم البتار
*
عودك لجل هل اليوم ياخويه ضمك
أخطفهه أرواح الجيش بشرهه امك
اشـعـر بـعـد مـتـعـود خـلـيني اشمك
الغيره والنوماس تجري اويـه دمـك
لاتخشه الاخطار ياكعبة لشفار
انته الصنديد انته احمانه
حل يوم البتار
*
عطشانـه لـدمـك روح هاي الترايب
جني اسمعها اتناديك خويه الحرايب
اتعنت مثل الريح خويه الـمـصـايـب
يصعب علي ياناس اوداع الحبايـب
عكبك جمر ونار تسعروصط الدار
من عكبك محد رحمانه
حل يوم البتار
*
سبعين الف رمح وسيف كامت تبضعك
وينك ياخويه حسين من صحت اسمعك
حـيـلي يـخـي يـنـبـاد لو لحضه اضيعك
يـم الـنـهـر ضـلـيـت وشـلـون اودعـك
كل حيلي ينهار عكبك يامغوار
ماترجع لجلك ولهانه
حل يوم البتار
*
لوتدري بيه اشصار عكبك ولوني
مـاضـل سـتـرعبـاس مـن طلعوني
جروني اعله التربان ويشـتـمـوني
كالو اخت عباس خويه اضربوني
ستر العالي انهار ماضل ليه استار
نتودع لاماخلانه
حل يوم البتار
***************************************

علي الفرطوسي

           قصيده ليلة الثامن محرم ليلة القاسم ابن الحسن عليه السلام
...........
ويلا يبن الحسن    ...    ويلا يبن الحسن
                            ..........
الليله ياجاسم نولّك بالدموع 
  من عضيم آمصيبتك نحني الضلوع
ونشعل بذكراك هاليله الشموع
 والمدامع دمّ هِلن
                            ..........
بحركه لونلطم عليك أحنه الصدور
منفجع بمصيبتك هذه الحضور
ونـذكـر آدمـّاك الـتـي بلـطف تفور
لابس اثياب الجفن
                            ..........
أنته شاب ومنحرم من الشباب
 بدل ثوب العرس لابس ياثياب
بـجـفـك نـشاهد تحنيك الركاب
 والسيوف اتحشدن
                            ..........
ليش سبعين الف سيف الزفتك
نحد ن بفيض الدماء ابركبتك
والـخـيـول أدوس كلها جـثتك
 والضلوع اتكسرن
                           ..........
هاي آمّك رمله أتدور عليك
ماتعرفك وين حته تعتنيك
كلب امّ وفاجده وهل تنتخيك
 يمك اتدير الجفن
                           ..........
هاذه ابوه الحسن خل  انشاركه
 الليله انعزيه لو انباركه
سمع عرس ابنه الذي بلمعركه
  ضالم اوياه الزمن
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
                    لخادمكم علي الفرطوسي 

  قصيده لستشهاد الامام الجواد
.........
     يل غايب امن حبابك  ٭٭٭  مصاب الجواد مصابك
      هل اﻟﭼـﺒـده تـسـعـر  ٭٭٭  مــن كـا ســت الـــشـر
                    مصاب الجواد مصابك
                                
          جـدك ﭼـﺒـته ﻤﮕـﻂـﻌﻪ    والـحاله تدريهه
          بغربه يلوج بمصرعه    والدمعه يجريهه
          ومصابه أكبر فاجـعـه     والرايه عـلـيهه
          ﭼﺒده انمرد    بيد الحقد  والرايه عـلـيهه
      ﭼﺒد الجواد اسگوهه ٭٭٭ بسم الحـقـد مردوهه
      لــوﮔـــﻟــﺒـك أنــضـر ٭٭٭ مــــن كـــاســت الشر
                    مصاب الجواد مصابك
                                
          نهار الجواد بحسرته    يـابـحـر الـعــلـوم
          عندك خبر بمصـيبته    عن ﭼﺒده مسموم
          يامهدي أسئل كاسته     لورايــد أتــﮕـوم
          توضح الخبر يل المنتضر لورايد أتگــوم
    ولكاسه لو تسـئـلهه ٭٭٭ هل المشكله حلول الهه
    لــــورايــــد اكـــثــر ٭٭٭  مــــن كـــاســت الـــشر
                  مصاب الجواد مصابك
                              
           كاس الحقد متوفره     تنضرهه العيون
           جدك جبته مسعره       بكاس اليخونون
           المعموره كلها مكدره   وهالينحب الكـون
           ﭼﺒده استعر يل المنتضر وهالينحب الكون
    ذريت المضلومه  ٭٭٭  ﭼم ﭼـﺒـده ألك مسمومه
    للحــسـن مــأثــر  ٭٭٭  مــــن كـــاســـت الــشـر
                  مصاب الجواد مصابك
                             
              كاس الصبر للشيعه      هـل فـاض وتبده
            محمد جواد نشـيـعه       يـم مـوسى جـده
            يصعب علينه نودعه      ومگطوعه ﭼﺒده
            دمعت حزن طول الزمن  ﻤﮕـﻂـوعه ﭼﺒده
  بل الكاضميه نشيعه  ٭٭٭  مـحـمـد جــواد نـــودعــه
 والــمـهـدي يـحـضـر  ٭٭٭  مـــــن كـــــاســت الــشـر
                    مصاب الجواد مصابك
                             **
            اليله روحـي مـهـاجره      يل الكاضميه
            هناك الحسين وحيدره      ٳوياه الزﭼﻴـﻪ
            والمهدي يدمع ناضره      بهاي الرزيه
             وياه اﻟﮕﻤر   دمعه انفجر  بهاي الرزيه
   لـتـاسع امـام الـعـتره ٭٭٭  ياشيعي علي الـعـبـره
   دمــعــي تــفــجـــر   ٭٭٭  مــــن كـــاســت الـشر
                    مصاب الجواد مصابك
♣♣♣♣♣♣♣♣♣♣♣♣♣♣♣♣♣♣♣♣♣♣♣♣♣♣♣♣
            ««  للشاعر علي الفرطوسي »»
 
 
          

نزله لستشهاد الجواد عليه السلام
.........
دمعتي دمعتي .. تترك علامات
دمعتي دمعتي .. بعيوني ايات

       ✵✵✵✵✵✵

للجواد الليله دمعي إيِغَرْق العيون
دمعي يتكلم لغز بس لليفهمون
دمعي قران الحزن وين اليفسرون
دمعي يصبح زلزله للي يبغضون

دمعتي دمعتي .. امن الغاضريات
دمعتي دمعتي .. بعيوني ايات
    
      ✵✵✵✵✵✵

دمعي لوينزل ضرف يحمل رساله
دمعي مو مثل الدمع ماكو مثاله
دمعي عاشق للنبي المصطفى واله
للجواد ادموعي هماله اعله حاله

دمعتي دمعتي .. تحمل رسالات
دمعتي دمعتي .. بعيوني ايات
   
    ✵✵✵✵✵✵

دمعتي تحمل جنح مثل الحمامه
دمعتي توضح عشق كلبي وهيامه
باجر بقبري تضويلي الضلامه
وتنبعث هيئة رجل يوم القيامه

دمعتي دمعتي .. بلون الفراشات
دمعتي دمعتي .. بعيوني ايات
  
     ✵✵✵✵✵✵

دمعي هايم ياخلق هاي المسيه
لونزل من عيني وناته شجيه
دمعي مشتاك وكصد للكاضميه
للجواد اتعنه زاير هالمسيه

دمعتي دمعتي .. تطوي المسافات
دمعتي دمعتي .. بعيوني ايات
  
     ✵✵✵✵✵✵

الدمع مخلوق عنده اجمل مشاعر
عاشق حسين ويحب كل الشعائر
دمعي مجنون الحزن ليلة العاشر
دمعي يرسم عالجفن اجمل مناضر

دمعتي دمعتي .. ترسم مواسات
دمعتي دمعتي .. بعيوني ايات
  
     ✵✵✵✵✵✵

للشاعر علي الفرطوسي

بالضعن رَكبت ﮔلبي وبنيني ... وهالسفر زود ألآمي ونيني
من هالسفر ﮔلبي أنعصر
♣♣♣♣
راحو بنيني بهل الضعن وحبابي
من ودعـتـهم زودولي أمصابي
بس الحزن أصبح يدﮒ أبـابـي
وعيني الدربهم هل بقت أترابي
عالدرب عيني أيشوبح نضرها
من مشو روحي تحس أبخطرها
اني أنتضر ﮔلبي أنعصر
♣♣♣♣
أنضر صورهم كل وكت تبرالي
بكل لحضه أشعر ينعصر دلالي
أول سـفـركـم هـالـتعـذب حالي
وصرخ ونادي يالـولـد يالغالي
أول سفركم تمرمر دليلي
ودعت صبري بوداعك خليلي
أبكل عصر ﮔلبي أنعصر
♣♣♣♣
حسين المشه وماأصبر أعله أغيابه
صـبـح وعـصـر أﮔـﻌـد وتـانـي أبابه
يـمـتـه يـرد وشـتـم عـطـر أتـرابـه
شله أبـحـيـاتـه ألـي يـودع أحـبـابـه
أشتم عطرهم وناشغ وصيحن
أركض حزينه أﮔومن وطيحن
ضاع الصبر ﮔلبي أنعصر
♣♣♣♣
أبدرب الخذاهم كل وكت صرت أﮔﻌد
عـن الـحـسـيـن وعـيلـته هـل انـشد
عـنـه خـبـر رت أعـرف ويمته أيرد
يـدري أبـحـيـاتـي تـنـتـهـي من يبعد
يبني أبغيابك ألاهي أمتحني
ودهري وزماني أمصابك فجعني
ماضل فكر ﮔلبي أنعصر
♣♣♣♣
طوح ضعنهم بالحزن أولادي
عنهم خبر رت أعرف أبيا وادي
بـيـهـم أفـكـر مـاعـرفـت أسادي
ﮔلبي أنعصر حين ألرحت يالحادي
ﭽنهم نسوني وتأخر وعدهم
أدعي الاهي أليه يردهم
مرهم خطر ﮔلبي أنعصر
♣♣♣♣ ♣♣♣♣ ♣♣♣♣ ♣♣♣♣ ♣♣♣♣ ♣♣♣♣ ♣♣
علي الفرطوسي

                    ليلة السابع من محرم

سابع ألآم الليله ................ زينب مدمعها أتسيله
الليله أتحس أبغربتها ..... بـاﭽـر طـايـح هـيـبـتـها
                        ♣♣♣♣
            سابع الليله من شهر عـاشور
            زينب أبلوعه واﻠﮔﻠب مـفـطـور
            معركه وأهوال والرعب منشور
            تعنت العباس واﻠﮔـﻠـب مـكـسور
مرعوبه أبجمع العسكر.......... محتاره بهاذه المنضر
سالت عالخد دمعتها .......  بـاﭽـر طـايـح هـيـبـتـها
                         ♣♣♣♣
             يـم ﮔـمـر هـاشـم زيـنب الحره
             تشتكي الحاله وللعطش جمره
             لزم بيده السيف وعتنه المهره
             للنهـر ﮔـﺎصـد يـلـتـهـب صـدره
متعني وشايل جوده ............. وخبر زينب بوعوده
صارت تشبح نضرتها ....... بـاﭽـر طـايـح هـيـبـتـها
                            ♣♣♣♣
             من طلع عباس بـالـخيم وكفت
             تـشـبـح الـعـيـنين للنهر صدت
             ﭽن ابو النومـاس مايرد حست
             ﺸـﺑـﭽـت الـعشره وللدمع هلت
تنضر مكسورة خاطر ......... للشاطي ادير الناضر
صارت تصعب حالتها  ....... بـاﭽـر طـايـح هـيـبـتـها
                          ♣♣♣♣
             
                       
 
              عالنهـر طاحـن زنـده وجـوده
              وغيرته أتنادي يوفي بوعوده
              وبالسهم عباس عينه ممروده
              وﮔـطـع الـبـتار جسمه وزنوده
تنضر يرجع ليتامه ........... لاﭽن متهشم هامه
زينب حست غربتها ....... بـاﭽـر طـايـح هـيـبـتـها
                        ♣♣♣♣
               من مشاله حسين الضهر محني
               من بـعـد عـبـاس دهـري عذبني
               وزيـنـب اتـنـادي أى ياكـافـلـني
               لـهـلـي يـاخـويـه مـن يـرجـعني
ليتك أنته أترجعني ................ دهري بفكدك يفجعني
اختك تصعب حالتها ............ بـاﭽـر طـايـح هـيـبـتـها
♣♣♣♣♣♣♣♣♣♣♣♣♣♣♣♣♣♣♣♣♣♣♣♣♣♣♣♣
          للشاعر علي الفرطوسي      

             
            
            
            
              
              
              
               
              
            

بكل عَزم وهمه ˑˑˑˑˑˑ خدامك يابو اليمه
 كل احنه انصارك ... كل احنه انصارك
                 يابو اليمه
                   ٭٭٭
احنه انصارك يابو اليمه كـلمـن صرحه
كل واحد متـعـني بسيفه ونبله ورمـحه
وبـشـوﮒ لباﭽـر نـتـئـمل لـوطـرصـبحه
كل واحد بل الحومه أتخيل موته وذبحه
كل واحد قدم دمه ˑˑˑˑˑˑخدامك يا بو اليمه
    اتعنينه انشارك ... كل احنه انصارك
                يابو اليمه
                   ٭٭٭
عل الموت اتحشدنه وجينه يالمضلوم
نشعر طير الجنه آوياك اعلينه ايحوم
مانرجع قسمينه بحيدر هاذه اليوم
وجه ابوجه انلاكي ابهمه هاي الكوم
وكل واحد يضهر عزمهˑˑˑˑˑخدامك يابو اليمه
  فدوه الأنضارك ... كل احنه انصارك
                   يابو اليمه
                     ٭٭٭
انضر وبعينك شاهدنه من انفوت
عشكيناه ولجل انضاره انذله الموت
عابس مجنون بحبك صاح اعله الصوت
وبكلب احبابك اسمك باقي ومنحوت
بنورك مجليه الضلمّه ˑˑˑˑˑˑخدامك يابو اليمه
  ماتتطفه انوارك ... كل احنه انصارك
               يابو اليمه
                 ٭٭٭
وحان اليوم البيه وعدينه ننطي انحور
وكل واحد بركان الغيره بدمه ايفور
ونشاهد اخوتنه الضحو كلهم نور
وكل واحد بينه اتحفز راد الي يثور
والعسكر عالروس انقسمه ˑˑˑˑخدامك يابو اليمه
  من يوصل دارك ... كل احنه انصارك
                يابو اليمه
                 ٭٭٭



كل احنه اوياك ومنعوفك الانصار
يامولانه استبشر بينه ولاتحتار
راح انزيل العسكر كله والمعبار
مانخلف راي وقسمينه بالكرار
قسمينه بعزته واسمه ˑˑˑˑ خدامك يابو اليمه
ذول احنه احرارك ... كل احنه انصارك
              يابو اليمه
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
            »للشاعر علي الفرطوسي«






             


                 

قصيده للامام الباقر عليه السلام
على لحن ملا باسم.  جاوبني ياقمبر
.........
يكتب جرح ﭽﺒده .... قـصـة ذبح جده
                بالغاضريه
الباقـر أيـنـشـده .... ودمعه حفر خده
                بالغاضريه
                ♣♣♣♣
يذكر الباقر خياله هل الصور الرعبته
يذكر حسين التوذر حين ﮔـطعو رﮔﺒﺘﻪ
ماكفاهم أمر ذبحه والـخـيول الداسته
وسهم المثلث يشوفه حين طشر ﭽﺒدته
يتذكر الخنجر .... يذبح أبو الاكبر
             وخيول اميه
ماﻴﮔدر أيرده .... ودمعه حفر خده
               بالغاضريه
                ♣♣♣♣
حـيـن رافـس أبـوالاكـبـر مـاﮔدر ينضر اله
وسالت أدموم الكرامه وطهرت طف كربله
الـبـاقـر أصـغـيـر ويـنـاشد عده أﭽم مسأله
ليش داحي الباب حيدر ماحضر عقد الوله
مايحضر احسينه .... مايسمع أونينه
                حامي الحميه
يحضرله ويوسده .... ودمعه حفر خده
                بالغاضريه
                ♣♣♣♣




الباقر ادموعه اعله خده حين يذكر هل الآمر
يـذكـر أطـفـال ومـخيم حافي ﻴﺴﺤﮓ عالجمر
ويذكر الصوط أعله زينب عجب ماجاهه الكمر
ويـذكـر ألآم ألـرقـيـه أشـكـثـر ضرباهه الشمر
ينضر حبل زينب .... ﻤﭽﺘوفه تتسلب
                بت الزجيه
ﭽم ﻋﮔده وﻋﮔده .... ودمعه حفر خده
                  بالغاضريه
                ♣♣♣♣
أحنه اطـفـال ويـتـامـه للـضـرب مانحتمل
شفت زينب بالمدامع رﮔﺒت أضهور الهزل
ترﮔض أبليل الصحاري تاه ﭽم طفله وطفل
محد ايساعدهه زينب لحضه لو طاح الحمل
تحرس عله الخدر .... ليل الهضم تسهر
            هاي الوصيه
كل واحد أتصعده .... ودمعه حفر خده
                  ♣♣♣♣
تسهرالحره اليالي والصبح بس للضرب
وين ياعباس تصرخ عفت زينب بالغرب
وانه انضر للضعينه لاﭽن أبعين العجب
ليش ابوفاضل تأخر وحنه بسمه ننتحب
موطبعه يتأخر .... لاكنه أتوذر
             زينب سبيه
محد حفر لحده ....   ودمعه حفر خده
                بالغاضريه
♣♣♣♣♣♣♣♣♣♣♣♣♣♣♣♣♣♣♣♣♣♣♣♣♣♣♣♣
                 علي الفرطوسي

قصيده للامام الباقر عليه السلام
.......
اى ياجرح الايام
كوفه وغاضريه
هوه الفاكد عزاز
كل عمره منيه
......

عمري خلصته جرح نزاف يجري
ونار المخيم لهبها بصدري يسري
ضاع بين الحسبه ول اهات عمري
من شفت زينب تحشم ضاع خدري

من رحت يعباس
هجمو لخيمنه
ساعه عيني لحسين
ساعه لرقيه
...

شايل حساسي عبي وضربات المتون
ودمعتي ترسم خيم مابين الجفون
منسحن صدري على الي صدره مسحون
جسمه مرمي اعلى الارض بجسمه يسحكون

عاري ضل لحسين
ماواحد ينصره
وعله صدره اتدوس
خيول اعوجيه

.....


انه الباقر عشت ايام الاطفوف
شفت جسم حسين كعبه لكل لسيوف
وبوفاضل عالنهر مكطوع الجفوف
كل سيوف اهل الغدر في جسمه تطوف

كل سيوف الاعداء
صلت اعله جرحه
بعينه نضرت عتاب
حانت المنيه

...


جبدي مسموم وبقه فكري اعله زينب
من بعد موتتي ماواحد تسلب
لجن زينب من وكع عباس تنحب
حالت حسين وعياله حاله تصعب

اني يمي احباب
ويشيلونه جسمي
لاكن جدي حسين
ضل جثه رميه

...

من اموت احباب عندي وعندي انصار
جسمي سالم ماعليه من حافر اثار
ولا على داري خصومي بنار تندار
مثل يومك مايمر يحسين لاصار

يومك انته يحسين
مامر عالبريه
زينب فوك لجمال
كادوها سبيه
...
 للشاعر علي الفرطوسي

امنيات  مني ماخذها القدر
ابني مات من يدي خطفاه الدهر
بيك رت افرح مثل هاي الشباب
ليش مو شمعة فرح شمعة مصاب
ابني مات  ابني مات
.....
الشمع نفس الشمع  للفرح لو للدمع
بس فرق بيناتهن كلش جبير
شمعة الفرحه ردت  وبزفافك حضرت
هاي صينيتك بعد المن تصير
روح يالب الكلب نارك بروحي تشب
نار مومثل الخيم تسعر سعير
والله لوبيدي القدر جان وياك النحر
يمه جاسم العمر  بعدك كصير

بالهموم  شمعتك تطفه واصيح
من اكوم  اعثر بثوبي وطيح
يبني ياجاسم نصيبي بس عذاب
ليش موشمعة فرح شمعة مصاب

.....

اوكف اباب الخيم ويعصر بروحي الالم
من اشوف حسين اضم منه الدموع
خاف اكسر خاطره اماثره بيه الكنطره
اعله ابوفاضل ركد حيله ويلوع
لاجن اتكرب الي وصاح يابويه علي
وحدي ضليت وعلي دارت جموع
صوته يفسر الحجر  دمعته ترسم نحر
اليا مصيبه بكربله احني الضلوع

يامصايب  كربله ذبحت زلم
بالعذاب لبني كلبي منجسم
يمه اشمن ريحتك بين التراب
ليش موشمعة فرح شمعة مصاب
....
يخنك بريتي الهوه ويجرح بعيني الضوه
يادنيتي ويابعد روحي وحياتي
عندي مايفرق ابد موتي وموت الولد
روحتي ماتت من رحت شلي بحياتي
ادري بي جسمك ترف ابد ماتحمل نزف
حين ذبحوك شكلت يبني وغلاتي
سيفهم مابي رحم تارك بروحي الم
اخذمني بالذبح كل ٳمنياتي

كون اموت ياحلات الموته ويه الي احب
بعله صوت  وين ياجسم رحت صوت الكلب
يبني ماينفع بعد نوح وعتاب
ليش موشمعة فرح شمعة مصاب
...

الماعرف شنهي الورد بجفه يمرده مرد
ونته اجمل ورده بهاي الطبيعه
بعطرك الفايح اشم وبيك اشم غيرة زلم
بعدك اني تموت روحي بهالفجيعه
بمذبحك نمت شعجب ومك بنوح وعتب
رايحه العمك ابو جفوف الكطيعه
اشتكيله غيبتك وعله الناس الذبحتك
ولو فزع عباس يكلبها الوسيعه

صبري راح  بعد ماينفع صبر
بالنياح  ودمعتي تطفي الجمر
يبني بالمذبح اشوفه وكلبي ذاب
ليش موشمعة فرح شمعة مصاب
....
يبني ريعان الكلب بيك امنته الدرب
ماتفكر امك اترد اعله هزله
مكيده بذاك الحبل ودمعت عيوني تهل
من عله ضهور النياك وراسه اصدله
درب مايشبه درب والضرب اه الضرب
عمتك ضربوها والسوط شيحمله
اه ياام المصاب زينب اتشوف العذاب
يبني محملنه الوقع ياهو اليعدله

بهالدروب  شفنه انواع الهضم
والكلوب ذابت ونسمع شتم
ناس مارحمتنه وذانه الغياب
ليش شمعة فرح شمعة مصاب
.....
علي الفرطوسي

      
عاشور هل هلاله .. عاشور هل هلاله
ياصاحب الزمان  ياصاحب الزمان

&&&&&&&&&&&&&&&&&

هل شهر عاشور لينه ياشهر نوح ومصيبه
بالنجم راسم علايم خيمه وجثه خضيبه
وكت الغروب ونشوفك لاﭼـم بگلب الغريبه
لونك الاحمر يترجم فاجعه وقصه عجيبه

بالنوح استهلاله .. عاشور هل هلاله
ياصاحب الزمان  ياصاحب الزمان

&&&&&&&&&&&&&&&&&

مثل ماشفناه احنه انته هم تبـﭼـي وتصده
ينتهي موسم ربيعك بالگلب تنذبح ورده
اﭼـم محرم ال اجانه وبوصالح ماله رده
يمته اشوفه بالمواكب يبـﭼـي ودمعه ٳعله خده

هالنوح لجل عياله .. عاشور هل هلاله
ياصاحب الزمان  ياصاحب الزمان

&&&&&&&&&&&&&&&&&

اليسمع بموتت حبيبه حالته تصبح رزيه
وبوصالح ينضر الطف كل صباح وكل مسيه
اتخيل ابحالة امامك لونضر صطرة رقيه
هوه عايش بالمصيبه ودمعته من دم جريه

الدمعات دم هماله.. عاشور هل هلاله
ياصاحب الزمان  ياصاحب الزمان

&&&&&&&&&&&&&&&&&

امنيات وشوگ عندي بهالمواكب والمجالس
تحله لطماتي ونحيبي المهدي كون وياي جالس
حته من انزع ثيابي وبجنوني ﭼـني عابس
اني شيعي بهذه عشكي تعلمت مني النوارس

مفجوع كلبي شماله.. عاشور هل هلاله
ياصاحب الزمان  ياصاحب الزمان

&&&&&&&&&&&&&&&&&

اني كل هذه بقصوري مستحي وماتكفي دمعه
من تمر ليلة القاسم كون اذوب بزفته شمعه
وليلة العباس وحشه وﭼـني صوت حسين اسمعه
يابوفاضل بيش اعوضك راح اخوي ومن يرجعه

ماعاد يسكي اطفاله .. عاشور هل هلاله
ياصاحب الزمان  ياصاحب الزمان

&&&&&&&&&&&&&&&&&

ادري هذه الليل مضلم وبعد اكثر بالصحاري
زينب بوحدها ضلت وبوضعها الله داري
يمته تضهر ياامامي خِلص صبري ونتضاري
رتك بهذه محرم ودمعك اعله الوجنه جاري

يانوح كلبي الشاله  ... عاشور هل هلاله
ياصاحب الزمان  ياصاحب الزمان

&&&&&&&&&&&&&&&&&

للشاعر علي الفرطوسي

 حنت روحي اعليك
مدري شصاير بيك
مرعوبه اني اتفز جروحي
غالي انته واغله من روحي
مدري شصاير بيك
......
دنيه بعدتنه ومحت اثاركم
المسافه جروح اذا امر داركم
رحتو وكلبي مشه يبرالكم
 المسافه اشكد طويله ابينه
حلم ماإدري بوهم مرينه
الجنت احبه يكلي امأذينه
ياكلبي المسكين
حضك بس ونين
مرعوبه اني تفز جروحي
غالي انته واغله من روحي
...
حلم عندي هم مثل كل البنات
اعله كلمة بابا ارد اغفه وبات
لجن هاذه هوه قانون الحياة
المفارك يخطف العشره خطف
واني طفله وفاركت جف العطف
المثلي ابوها حسين لا ماتنوصف
راح ودربه طْوّيل
وماخذ نجمة ليل
مرعوبه اني تفز جروحي
غالي انته واغله من روحي
.....
شعندي وياه ويعذبني الدهر
ماخذ عيوني ونفس ريتي القدر
من يهجره الطير يغتاض الشجر
شني نفع الريه من دون الهوه
الفراشه تموت اذا ماكو ضوه
يالعفتني وجانت عيونك دوه
تخنكني العبرات
تنشدني الشمات
مرعوبه اني تفز جروحي
غالي انته واغله من روحي
...
روحي حنت والدرب كلش بعيد
ومن يمر طرواكم ايموت الوريد
دنيه دون احباب كلبي ماتفيد
بروحتك يابويه موت الورد
انشد ومافاد يحسين النشد
بس صوركم تمرد بكلبي مرد
لعبدالله اشتاكيت
بكماطه شتميت
مرعوبه اني تفز جروحي
غالي انته وغله من روحي
...
بعد ماشميت الكماط بونين
اسمعت سوت السمه كلش حزين
فاطمه اهلج اضاحي مجزرين
امل ماكو المات مذبوح الوريد
والنسه مسبيه وماضل عضيد
من بعد هالفاجعه حزني يزيد
داست جسمه الخيل
حسينج ذابل حيل
مرعوبه اني تفز جروحي
غالي انته وغله من روحي
...
للشاعر علي الفرطوسي

بدرب السبي ... بهـيبـة نَبي
    بت حَيدر الاسيره
؛؛؛؛؛؛؛؛؛؛؛؛؛؛؛؛؛؛؛؛؛؛
سبحانه رب الصورج رب السماوات
هيبتج هيبة نبي وحجابج أيات
ينزل اعليج الوحي بهيئة كرامات
راس أخوج أويه الضعن ضّوه لمسافات
لامومره ... ومخدره
بعالي السمه أميره
؛؛؛؛؛؛؛؛؛؛؛؛؛؛؛؛؛؛؛؛؛؛
لوننضرج يازينب بعين البصيره
كون نتوضه بدمع ونصلي غيره
مانصدگ عالهزل راحت اسيره
راح اخوهه اويه الضعن شيخ لعشيره
صوط الشمر ... تارك اثر
حيرتهه والله حيره
؛؛؛؛؛؛؛؛؛؛؛؛؛؛؛؛؛؛؛؛؛؛
عفيه اخوهه الماتركهه بكل الاحوال
وده راسه اوياها يحمي كل الاعيال
ينضر بحسره العقيله فوك الاجمال
راسه يمطر غيره لوشاف لضعن مال
لمن هوه ... راسه ضوه
راسه لحده وضميره
؛؛؛؛؛؛؛؛؛؛؛؛؛؛؛؛؛؛؛؛؛؛
راس اخوهه ايباوع لهيبة عبيهن
لو بجن يمه خواته ايصد عليهن
راسه غطه الشمس حته ايفيي ليهن
من كثر ضرب الصياط أمعذبيهن
الهمْ ينجلي ... ياكافلي
براسك وَحِي للغيره
؛؛؛؛؛؛؛؛؛؛؛؛؛؛؛؛؛؛؛؛؛؛
زينب انتي اعضم لغز صار بعباتج
بيج هيبة حيدره وغيره بصفاتج
مصحف براسج يرتك ابصلاتج
صرتي كافل زينب وتحمي خواتج
بروحج علي ... براسج ولي
 يالبوة العشيره
؛؛؛؛؛؛؛؛؛؛؛؛؛؛؛؛؛؛؛؛؛؛
للشاعر علي الفرطوسي

دنيه وحشه ابلا امان
مضلم الليله المكان
كلبي يشعر بالضياع
راح عباس رفعت الراس

***************
مختنك صدري وحس وحشه الخيم
جفك ابلاجود لاشايل علم
اني اخبرك كلبي نيران التهم
ريحة الدخان من هسه اشم
ياحسافه اتعوفني بين الزلم
غابه هاي الدنيه صارت ياشهم

من فكد جف الحنان
مضلم الليله المكان
حسبت من هالوداع
كلبي يشعر بالضياع
راح عباس رفعت الراس

***************

حضرت متني على سياط الشمر
هذه اخوك حسين بعدك منكسر
يبجي بين اخيامي ويدك عالصدر
الاخو حزام الضهر يابوالفضل
فركة الخوان ابد ماتنحمل
خويه حاجيني اذا بعدك عدل

حزام ضهري الكمرجان
مضلم الليله المكان
جنت الي خيمه وشراع
كلبي يشعر بالضياع
راح عباس  رفعت الراس

***************

انه زينب يااخو زينب بقيت
ناطريتك اشكثر بس مااجيت
وين رايح تدري حيل اتاخريت
ماهو طبعك تترك اختك حايره
اني اعرفك زين سبع الكنطره
شلون باجر والخيام موجره

ماوصل ليك الدخان
مضلم الليله المكان
اسمي بين اعدانه شاع
كلبي يشعر بالضياع
راح عباس رفعت الراس

***************

من اجيت الكربله بهيبة علي
ونته ياخويه التباري محملي
هاي ياعباس جانت وين الي
انته مذبوح واروح اعله الهزل
جفي الامس جفوفك بي حبل
ترضه ياعباس يسبيني نذل

خويه هضماني الزمان
مضلم الليله المكان
امشي قدر المستاع
كلبي يشعر بالضياع
راح عباس رفعت الراس

***************
جنت مهيوبه واميره موقره
حته مالي اخيال وادم تنضره
هسه مابين العدو متحيره
اشلون حالي واني حرمه بلا اهل
مالي اخ عن حالي اشصاير سئل
من كثر نضراتهم جسمي نحل

اسمي صار بكل لسان
مضلم الليله المكان
سبيي بالمجلس يذاع
كلبي يشعر بالضياع
راح عباس  رفعت الراس

***************
للشاعر علي الفرطوسي

وحدي يجدي ضليت ...... ﻠﮔﺒرك أنوحن ﮔﺼديت
خلاني حسين وشال ...... أنه العليله أبهل الحال
         ﻠﮔﺒرك أنوحن ﮔﺼديت
٭٭٭*************************٭٭٭
           جيتك يجدي يارسول الرحمه
           يم ﮔﺒرك أﮔﻌد أنتحب وشتمه
           أشعر يجدي الوسعه صارت ضلمه
           ليت أندفن يمك ينور الامه
راحو هلي من الدار ...... وﮔﺼديت ألك يالمختار
دمعي عله أخدودي سال ...... أنه العليله أبهل الحال
٭٭٭*************************٭٭٭
           جيتك عليله أمن الهضم مكسوره
           بعد الجفوني البيت طافي نوره
           أتخيل أباب الاهل ﭼم صوره
           ضلت نزلهم موحشه ومهجوره
ماأﮔدر أدخل للبيت ...... ضلمه وصورهم صديت
ياجدي عشت أبأمال ...... أنه العليله أبهل الحال
٭٭٭*************************٭٭٭
           ياجدي كلشي طلع عكس أحسابي
           لاطارش ولاسائل الدﮒ بابي
           أبقه أبأملهم عيني دوم أترابي
           خليني يمك وستمع لعتابي
يم ﮔﺒرك أﺒﭼﻲ وأنعاه ...... ولغالي لاما أنساه
وحشه وتنوح الانزال ...... أنه العليله أبهل الحال
٭٭٭*************************٭٭٭


            ياجدي ليليه أبحلم ﭼﻧﻲ أﻧﻄﮒ
            أو متني مابين أحمر وبين أزرﮒ
            مهضومه أشوفن عمتي وﺗﺗﺷﺒﮒ
            وفرت رقيه أعله الجمر هل ﺗﺳﺤﮒ
عبد الله ضامي ومذبوح ...... من نومي أفزن بالنوح
محتاره وين الكفال ...... أنه العليله أبهل الحال
٭٭٭*************************٭٭٭
             أخبرني جدي أبحلمي وتفسيره
             أبحلمي شوما شفته راعي الغيره
             ولاشفته أبويه  جدي أنه أبحيره
             بس عمتي مرعوبه ونضرهه أديره
بسلا ﺗﮔﻠﻲ التفسير ......جسمه توذر توذير
وراسه عله أرماح أنشال...... أنه العليله أبهل الحال
٭٭٭*************************٭٭٭
             لحسين أبويه أبكل وكت محتاجه
             ياجدي منهاجك صبح منهاجه
             يخبرني ﮔﻠﺒﻲ أﻤﮔﻄﻌﻴﻥ أوداجه
             أستشهد أبوي وأعتله أبمعراجه
ﭼﺎيمته ترجع ليتام ...... مسبيه راحت للشام
مسبيه فوﮒ الاهزال ...... أنه العليله أبهل الحال
٭٭٭*************************٭٭٭
             للشاعر علي الفرطوسي