عادتک نشمي وتحن  ..  وینک ابوکت الدفن
اختک غریبه اللیله ...اختک غریبه
********************
خلصت ايام العمر  ... والصبر عاف الصبر
                  جتني المنيه
بصدري هذه اخر هوه .. كون اروح لنينوه
                 وانه شبديه
عودتني اخوتي    .. تحضر ابكل شدتي
              وتواسي اليه
ياكمرنه  اشأخرك ... اختك وتتنطرك
               بدمعه جريه

اتشيل خويه اجنازتي  .. ونته تحفر حفرتي
ونعشي انته اتشيله .. اختك غريبه الليله

**********************

عمري نيران وخيم .. وطفله تصرخ بالٲلم
                   وبجفها جمره
وحبل بجفوفي انربط .. ودمعي ودمي انخلط
                    وجفوف حمره
وهودجي البي ذكريات .. حرگ كل الامنيات
                      ناره مسعره
بيه شمسوي الشمر .. زينب اوين الخدر
                      طولي ينضره

هايه ابيا بال اجت  .. بت علي وتسلبت
 وتصعد النوگ اهزيله  ... اختك غريبه الليله

**********************

مني قد حان الاجل  .. وانتضر جيت الاهل
                   ومحد اجاني
ادري عباس الكمر .. بعده نايم عالنهر
                   هاي اخته اني
وادري بحسين نسحگ .. وراسه عن جسمه افترگ
                    وضعه الماني
بصدره ﭼـم حافر غفه  .. ومنذبح من الگفه
                      حسين العماني

اسوت اخيول الكفر  ... صدر اخويه منحفر
لويعتني واشكيله .. زينب غريبه الليله

**********************

شمحله لو كل اخوتي .. التشيل اجنازتي
                وتحفرلي قبري  
والكفيل الفرگتي .. يبجي حرگه بغرفتي
                  حماي خدري
وبو الاكبر بالعزاء  .. محدب ايكثر البكاء
                    ادموعه تجري
راح اموت امن الحنين .. اخوه ماكو ولا بنين
                    ابتالي عمري

لااخو عندي وابن .. المثلي غربه تندفن
احسين اني انعيله .. اختك غريبه الليله

**********************

مني شيريد الدهر .. كافي مو گلبي انكسر
                 اجم مصيبه
وينه جوده كافلي .. وخل يجيب اتراب الي
                 بدمه خضيبه
بجوده اتغسل ردت .. وبترابه تعفرت
                 اخته وحبيبه
كافوري تربت كربله ... واشتم عطور القافله
                  وطفل ونحيبه

كل حياتي  اذكر خيم .. وجمر اسحك وبٲلم
والشمر تفتر خيله .. اختك غريبه الليله

**********************

للشاعر علي الفرطوسي

جرحتني ٳصعب أيام .. بطف كربله ورض الشام
ميته انه يم شاطي النهر  .. روحي
كلما يمر طاري حسين .. اتمنه ياخذني البين
بس الجسد بي تنهش .. جروحي
           
*..................................*
انه زينب ياخلگ و ام المصيبه
گلبي عاشر حزنه من فارگ حبيبه
رايح الغالي يدهري منين اجيبه
راحو امن ايدي  وبقة زينب غريبه

ايدي اعله خدي ٳعله الباب .. بلكت يجون الاحباب
العشنه وياهم عمر  .. روحي
بس النفس والضلوع  .. ماضل الي غير دموع
بس الجسد بي تنهش .. جروحي

*..................................*

اصفن اويه الروح اكولن انتضرهم
اهلي غياب ويجوني من سفرهم
والله دوم ابالي وبعيني صورهم
كون ماتو ليش اشتم  بعطرهم

كلما يهز بي الشوگ  ... اذكر هوادج ونوگ
ولي يركبني كمر  ..  روحي
لاكن رجعت ابيا حال .. لا هودج وفوگ اهزال
بس الجسد بي تنهش  .. جروحي

*..................................*

ذكريات ايامي صعبه لو ٲذاكر
الكوفه خلت جرحي بدمه يگاطر
امضه من سيف الذبح هاي النواضر
الشماته اتحوطني داير مداير

يجرحني ال ينضر عين ..  اكثر من اجروح حسين
الشمر نضراته ذبح .. روحي
والكوفه خلتلي جروح .. كل نضره تاكل الروح
بس الجسد بي تنهش .. جروحي

*..................................*

راحو وعافوني بوحدي الاودهم
تحت الاتراب وذبل وسفه وردهم
روحي تترك روحي من انصر جسدهم
وذر طرشهم  شفت سيف الذبحهم

وعبد الله حاله اشصار .. ادري الرمل كلش حار
جسمه ترف  مايحتمل .. روحي
ياكربله اكسرتي گلوب .. امن مصيبتج روحي تذوب
بس الجسد بي تنهش .. جروحي

*..................................*

من كثر شد الحبل ويل الزناجيل
بعد مابي حيل ٲوكف جسمي ٳنحيل
اختارو  احبال الثگال اعله المداليل
أورقيه اصغيره والدم منهه ايسيل

ختارو خشن حبل الايد .. حته الالم بيدي يزيد
مظلومه بدرب اليسر .. روحي
وسوط المتن خله اثار .. من ضربه حالي اشصار
بس الجسد بي تنهش .. جروحي

*..................................*

هوه اليفكدله غالي شلون يرتاح
لو يجن ليله عليه يجيب الاجراح
واني لا واحد ولاخمسه الذي راح
امن ايدي راحتلي عشيره فرد مصباح

بيت وفرغ من اعزاز .. ومحد خذاهم جناز
ضلو على ارمال الذبح .. روحي
ابلا دفن لاتغسيل  .. كل واحد ادمومه تسيل
بس الجسد بي تنهش جروحي

*..................................*

اذكرت كل الجره بيه وخواتي
بلله ياعالم سمعتو ذكرياتي
ياهي اشد . ياهي التبجي بنايباتي
كلهن ايبجن واشدهن ياعباتي

طاحت خيم وي ارجال .. وبالطف تدهور كل حال
بس العبايه اعله المتن .. روحي
يازينب اخيوطي احساس .. علمني احمي عباس
بس الجسد بي تنهش جروحي

*..................................*
للشاعر علي الفرطوسي

    
گلبي مشتاگ    خويه عباس  خويه عباس
ذبلت اوراگ      زهرة الياس  زهرة الياس
بلكي طارشكم يمر    خلصت ايام العمر  
              كلبي مشتاگ
*..............................*
انطوة صفحة حياتي بدمعه وحزان
خويه ﭼـف البين عِجل موتي قد حان
بدمعتي اكتب وصيتي ها يدفان
لا تنزلني الحفرتي قبل الاخوان

انتضرهم      وين اخوتي  وين اخوتي
وبذكرهم      يعله صوتي   يعله صوتي
 لجيت اخوتي انتضر    خلصت ايام العمر

*..............................*

الاخت هيبتها اخوها بكل الاحوال
واني اخوتي خلصو وماضلت ارجال
كربلا جرحي الوحيد بكلبي لازال
لهسه وضع حسين اخويه بعده عالبال

مانسيته       يشهد الله  يشهد الله
اني اخيته   دمعي اهله   دمعي اهله
 لخته حفروه القبر      خلصت ايام العمر

*..............................*

موتي قرب يابوفاضل ونته ماجيت
رتك اتشيل الجنازه وتبجي بالبيت
كافي غربه وموتي غربه والله مليت
من اون مو ونت الموت الك حنيت

فرك الاحباب      عذباني    عذباني
يهيل التراب       لواجاني  لواجاني
انتضر جيت الكمر    خلصت ايام العمر

*..............................*

روحي صحره وجف عشبها وكلبي ريحان
والصحاري اتموت اذا مامرها انسان
اشكد وسيعه يعني ما اتلمها اكفان
ولواموت ابقه بعباتي البيها دخان

جرحي ماطاب      ابجي حسره  ابجي حسره
دمعي سجاب        بلكبي جمره  بكلبي جمره
لسه دخان العطر      خلصت ايام العمر

*..............................*

المنيه اليوم اجتني ورايده اوداع
وين اخوتي الضيعوني بصعب اوضاع
ضلوعي محنيه وحزينه  وكلبي مرتاع
مايعوفني اخوتي الكلهم اسباع

للكبر جيت       ياكفيلي  ياكفيلي
خويه حنيت     ماتجيلي ماتجيلي
بمتني اثار الشمر     خلصت ايام العمر

*..............................*

بالگبر اتمنه يحضر ليه عباس
الغيور الكله غيره وابو النوماس
حسين يحضر منكسر ضلعه وبلا راس
ونته اسمعها وٲونن حين الانداس

شفته من صاح      يارقيه  يارقيه
شاف الاجراح    الفوگ اديه الفوگ اديه
بجفي لسعات الجمر   خلصة ايام العمر


 ***..............................***
علي الفرطوسي

ابوذيات لمولد الامام علي  + هوسات
*,,,,,,,,,,,,,,,,,,,,,,,,******

بحب المرتضه عل الكل .. علينه
فرحنه بمولدك حيدر .. علينه
بسعاده وخير ايعاود .. علينه
مولد علي حماي الحميه

*,,,,,,,,,,,,,,,,,,,,,,,,******

الدنيه الليله منور .. بدرهه
انولد حيدر علي فارس .. بدرهه
ارضعت حب الولي أمن امي .. بدرهه
وحبك صاري بدمومي الجريه

 *****,,,,,,,,,,,,,,,,,,,,,,,,******

قبل لاينخلق ادم .. ولانه
لبو الحسنين ثبتنه .. ولانه
 حبك مازج ابطيني  .. ولانه
وصبح وي دمي حبك دار بيه

*,,,,,,,,,,,,,,,,,,,,,,,,******

ربك روحي بحبك .. فطرهه
بالكعبه نولد حيدر .. فطرهه
عيد الناس اذا مرهه .. فطرهه
وعيدي مولدك هاي المسيه

*,,,,,,,,,,,,,,,,,,,,,,,,******
 
     ......  هوسات ...

ربك عالبشر علاك ياحيدر  يحامي الجار
قسيم اهناك يابوحسين واكف انته عالمعبار
فايز كلمن الوالاك  والعاداك عاده طه المختار
هالمنزله ربنه انطاك قسيم الجنه وي النار
.... حيدر عالجنه مخلينه ...
*,,,,,,,,,,,,,,,,,,,,,,,,******
اذا مريم تهز نخله وثمر يتساقط اعليها
ام حيدر تهز الكعبه والكعبه تحييها
لا مو رطب يتساقط نجوم السمه تهاويها
انشق الجدار بهيبة الكرار تريده ينولد بيها
.... الكعبه الحيدر مشتاقه ....

*,,,,,,,,,,,,,,,,,,,,,,,,******
الكعبه طلگت وجابت اسد طالب
لهل المولود جميع الانبيه تراقب
ومحمد لقبه الكرار علي الفارس علي الغالب
اول منولد بالبيت مشتاق لمحمد والدمع ساجب
... ناصر دين الله مودينه ...

*,,,,,,,,,,,,,,,,,,,,,,,,******
علي حبك فرض مثل الصلاه والصوم
الماحبك علي بالنار خالد دوم
حبك اغله من هل الروح ماخلينه للحب سوم
... بالدم حب حيدر والينه ..
*,,,,,,,,,,,,,,,,,,,,,,,,******
علي الفرطوسي

غريب اعله الجسر محد يشيله
وعله جفوفه سلاسلهم ثجيله
ياراهب العتره .. غريب ومن يحضره

    *,,,,,,,,,,,,,,,,,,,,,,,,******

عله راهب بني هاشم اجر عبرات
ضل اعله الجسر وجفوفه متقيدات
غريب وماله ناصر وبسجنهم مات
ماحضرته انصاره اعليه تجر ونات

صعبه موتته مابين عدوان
مسموم وعليه يفتر السجان
سجين بوسط حفره .. غريب ومن يحضره

    *,,,,,,,,,,,,,,,,,,,,,,,,******

من كثر الضلامه عضم وجهك بان
مايرحم سجنهم ضالم السجان
مايعرف وقت وسط المغيب ﭼـان
سلوتك بس صلاتك ياغصن ريحان
 
بصلاته تنزل دموعه جريه
يناجي بغربته رب البريه
تهد حيله الحسره  .. غريب ومن يحضره

    *,,,,,,,,,,,,,,,,,,,,,,,,******

الموعد عالجسر جينه يبن جعفر
شفنه بس جنازه وردنه نستفسر
المن هالنعش محد اله يحضر
ما ندريك انته وجبدك مفطر

وحشه جنازتك محد وراها
وجبتك تسعر امن السم تراها
تشب لمصابه جمره .. غريب ومن يحضره

    *,,,,,,,,,,,,,,,,,,,,,,,,******

يبن جعفر  ضريحك جوهرة هالكون
ربك خص الك خدام ويخدمون
بقيت انته شمسنه الضيعت هارون
ياباب الحوائج للذي يدعون

بابك رحمه ياباب الهدايه
خالد تبقه يل مالك نهايه
بكلبي الك حضره .. غريب ومن يحضره

    *,,,,,,,,,,,,,,,,,,,,,,,,******

ياموسى ابن جعفر شيعتك كل عام
تتعنه الك ياسيدي خدام
ياكعبة عشكنه لابسين احرام
نطوفك ياغريب ولاطمين الهام

شيعنه احنه وتعنينه ولينه
كل احبابه ابن جعفر حزينه
نجر اعليه عبره .. غريب ومن يحضره

    *,,,,,,,,,,,,,,,,,,,,,,,,******
للشاعر علي الفرطوسي

الكاظم يوجه نداء    لكربله الليله
لعمه شيال اللواء      بهمه يشكيله
  عالجسر وبجفي اقيود وحديد
   الحضورك يالكمر هاليله اريد
             بهمه يشكيله

*,,,,,,,,,,,,,,,,,,,,,,,,******

صرخه نسمع .. من غريب اتفت صدور
قصته تفجع  .. قصه اتبجي  الغيور
موسه تدمع .. عينه رايد من يزور
ماتشيع .. يمه سجانه و يدور

يابوفاضل صوته صاح     روحه ولهانه
لامُشيع لانياح                 يمه سجانه     
يالي تحضر للندبلك مو بعيد
الحضورك يالكمر هاليله اريد
          بهمه يشكيله   

*,,,,,,,,,,,,,,,,,,,,,,,,******

من تحضره  .. تذكر اقيود اليسر
لوتنضره ..  يبجي لخيام وخدر
جبده جمره .. من اثر سم الغدر
يشكي امره .. سجنه مغيره اشكثر

وسط زنزانه وسجين    خلص كل عمره
بيها اثر تلكه الادين      مورمه وحمره
لوتحضره افتح اقيوده امن اليد
الحضورك يالكمر هاليله اريد
         بهمه يشكيله
*,,,,,,,,,,,,,,,,,,,,,,,,******

هالمسيه ..  حظر بحزانه الكفيل
للكاظميه .. يسعه اجه ودمه يسيل
بلايه اديه ..  ونته مسموم وقتيل
احجي اليه .. اسمعت سجنك طويل

صوتك الجاباني ليك         وانه حضريتك
ابلايه ادين ومدلي اديك    بنحري ناديتك
اعذرني اجفوفي بقن يم العضيد
الحضورك يالكمر هاليله اريد
             بهمه يشكيله
*,,,,,,,,,,,,,,,,,,,,,,,,******

أسمعيته ..  وجيت اله من النهر
من اجيته .. لملت جسمي وذر
ناشديته .. شنهي ياموسى الخبر
ناضريته .. وعرفت جبده انفطر

مغيرك اهواي السجن     موسه ياموسه
ليلي مضلم لويجن         الدمعه محبوسه
لجسمك المنحول ضل دمعي يزيد
الحضورك يالكمر هاليله اريد
             بهمه يشكيله
*,,,,,,,,,,,,,,,,,,,,,,,,******

تحاورينه ..  والحوار بكل حزن
تناشدينه ..  عن ذبيح وعن سجن
مكيدينه .. وبل السلاسل ممتحن
مد يمينه  .. حاجه عنده وضل يون

للحوائج يالعضيد        ياكمر هاشم
برايتك حزمني اريد   انحسب خادم
انه وم حسين نبجي اعله الشهيد
الحضورك يالكمر هاليله اريد
     بهمه يشكيله

*,,,,,,,,,,,,,,,,,,,,,,,,******

لليطلبه   .. فاتح ابواب الكرم
يابوطلبه .. احسبني احساب الخدم
ارد اندبه ..  ابجاه شيال العلم
اعله عتبه .. من عتابه انضر حرم

اسمع اونين ونحيب     وحسره ياحسره
الغريبه اعله الغريب     تجسب العبره
هاي زينب اخت مكطوع الوريد
الحضورك يالكمر هاليله اريد
            بهمه يشكيله
  *,,,,,,,,,,,,,,,,,,,,,,,,******
للشاعر علي محسن الفرطوسي










 

نزلت دموع العين ... لمسلم سفير حسين
اصبح غريب الدار .. بالكوفه ضل محتار
                ******

بمسجد الكوفه      جم فرد خلفه
الجموع اهواي       الصافحت جفه
بس خِلّص فرضه    وشوبح بطرفه
مالگه واحد           وسفه ياوسفه
               .......
خلفه تصلي الناس ... باعو ذمم وحساس
كمل صلاه وندار ... بالكوفه ضل محتار
             
             ******
 
مابقه واحد       ضل غريب الدار
 وحده بالكوفه    ما أله انصار
ياكتر  يگصد       والعدو  غدار
ضامي ومهموم    ﭼـبده يلهب نار
                .......
ضامي وغريب  اليوم ... مسلم صبح مهموم
جبده التهب بالنار ... مسلم غريب الدار
        
           ******

لبايعو مسلم     بالعهد خلفو
خلف  ابن ازياد   كلهم التفو
خانو الاسلام       ابد ماوفو
ضل سفير حسين   وحده ماوگفو
                     ......
خانو عهد لليوم ... ماتنصلح هالكوم
غدرو علي الكرار  ... مسلم غريب الدار
           
         ******

عالديار ايفوت          محد ايرحمه
والله بس طوعه      ال جلت همه
ياهله بمسلم            نادته الحرمه
طوعه بالموقف       تسوه الف زلمه
                ........
بدارﭺ سفير الدين ... اجرﭺ يحفضه حسين
لحب علي عدها اثار ... مسلم غريب الدار
        
          ******

خِلْص يمها الليل       يسجد ويركع
اتوجه الربه             ويذرف المدمع
لنهه طوعه تصيح      العدو تجمع
ﭼـنه حيدر صال         يذبح ويجمع
                    ......
يشبه اسد ويصول ... قامت قيامه اتكول
يذبح صار البتار ... مسلم غريب الدار
       
          ******

يادموع العين           سيلي لمصابه
لمسلم الليله              كصدي لعتابه
جن حميده اتصيح     بابه يابابه
انذبح مسلم              عيني سجابه
             ......
حكي امن سيل العين ... ولطم على الخدين
هذه الحصل ولصار ... مسلم غريب الدار
 
      ******         ******
       علي  محسن الفرطوسي

قصيده لشهر محرم الحرام

.... .. 

من احضر المجالس .. للدمعه بيه واهس
عظم الله اجرك امامي . صاحب الزمان
          
   ************
هل محرم ياشهر نوح ورزيه
شهر بيه اجدادك اجثثهم رميه
ياامام الدنيه ياخير البريه
عظم الله اجرك نگول بهالمسيه

بالونه گلبي حاسس  .. للدمعه بيه واهس
عظم الله اجرك امامي . صاحب الزمان
          
   ************
شهر احزانك بده وجينه نواسي
ياشهر نوح وشهر عبره ومٲسي
عايش بكل عمري الطف ماني ناسي
حسين عايش بيه من جدمي الراسي

حبه گلبي تارس  ... للدمعه بيه واهس
عظم الله اجرك امامي . صاحب الزمان
          
   ************
بهاليالي يترس الدنيه نحيبك
تاخذك الدمعه للطف وتجيبك
بعينك تشوفه اذا يوگع حبيبك
دمعك احمر سيدي وتخضبه شيبك

الشمر فوگه جالس  .. للدمعه بيه واهس
عظم الله اجرك امامي . صاحب الزمان
          
   ************
اعله زينب ادري تخنگك العبره
من المخيم تلسعك كل يوم جمره
تشاهد بعينك حسين نسحگ صدره
فوگ صدره الشمر حين اليحز نحره

ناحت النوارس .. للدمعه بيه واهس
عظم الله اجرك امامي . صاحب الزمان
          
   ************
البقه براسك يمهدي ونته غايب
الك تواسي ٳطلعت هاي المواكب
ويانه حاضر عالخدم عينك تراقب
ماهي سهله الحلت اعليك المصايب

لخدمتنه لا منافس  .. للدمعه بيه واهس
عظم الله اجرك امامي . صاحب الزمان
          
   ************
للشاعر علي محسن الفرطوسي

قصيده لشهر محرم الحرام

.......

وداعت حسين وغربته
باﭼـر نـجـاتـي محـبـته

**************
عاشگ وسولف بالعشگ وهذه العشگ عالفطره
يالضامي وجفوفك نهر رويني گطره گطره
من ماي حبك ماشبع گلبي اشتعل ﭼـن جمره
يذري علئ شفافك رمل عطشان يبن الزهره

ماي النهر من صرخته
باﭼـر نـجـاتـي محـبـته

**************
بعيوني نهران الدمع ماتنشف اعله مصابك
يابوالمحنه والكرم يل تعطف اعله احبابك
يحسين فدوه مروتك سجلني من خدامك
وفقني كون بخدمتك وخليني دوم ابابك

ابجي وانوح مصيبته
باﭼـر نـجـاتـي محـبـته

**************
من جفك ارويلي الضمه وغرگني من حنيتك
وخليني احضر مجلسك وبيدي افرش حسينيتك
اشما اقدملك قسم اشعر فلا وفيتك
احرمني من شم الهوه ولاتحرمني من جيتك

روحي بغرامه نادته
باﭼـر نـجـاتـي محـبـته

**************
ياسيدي هاك العهد منطيك هاي الكلمه
حبيتك وهالحب شرف مابي جدال وزحمه
انته حياتي ودنيتي ونته ولّي النعمه
معروفه كل خدمه تذل وخدمتك خير ورحمه

بيها هدايه خدمته
باﭼـر نـجـاتـي محـبـته

**************
يلسابي عقول البشر ومحبوب اهلي وناسي
تشرفني والله محبتك بس هيه ترفع راسي
مشاركني إبكل العمر يل تصعد اويه انفاسي
معروف حبي زينبي وحسيني وعباسي

محبوبي رايد نضرته
باﭼـر نـجـاتـي محـبـته

**************
باجر اذا موتي قرب وبگبري يخلوني
بين المقابر مجلسك انعاك الك يلكوني
وبـﭼـفني اذا عاشر اجه اطبر وبـﭼـي عيوني
هذه حبيبي المنذبح شلون اله تنسوني

عطشانه روحي لشوفته
باﭼـر نـجـاتـي محـبـته

**************
للشاعر علي محسن الفرطوسي

قصيد لشهر محرم
ليلة السابع
....

انه زينب .. خويه عباس عباس
خيامي تلهب.. خويه عباس عباس
يالرحت يم النهر مرني بعدك ياخطر
خويه عباس عباس

**************
زينب انه يابوفاظل الجبتهه
صعبه ياعباس لوتالي عفتهه
ﭼلمه الك ياخويه بروحي اتركتهه
گلت زينب اختي بحماي اطلعتهه

من جبتني واني بحماك بحماك
تكفلتني وجيت وياك وياك
ومن عفتني يالگمر مرني بعدك ياخطر
خويه عباس عباس

**************

الدنيه لــﭼمه تصير للفاگدله غالي
صعبه ياعباس اذا اخسر دلالي
بجالك انه ﭼنت حره وراسي عالي
والهضيمه مـﭼتفه تالي متالي

المصيبه مـﭼتفه شلون شلون
والحبيبه عنها تمشون تمشون
بقت زينب للقدر مرني بعدك ياخطر
خويه عباس عباس

**************
مصيبتك ياكافلي هزت كياني
خويه معقوله اصيحك زينب اني
ونته ماتنهض ولا صوتك بذاني
ياكفيلي السوط وعيونك ولاني

مارعوني يالجبتني جبتني
وعذبوني من عفتني عفتني
گلبي ياخويه نكسر مرني بعدك ياخطر
خويه عباس عباس

**************

ادري ياعباس متاذي دليلك
يالغيور وطبعك تحامي خليلك
ردت من حركو خيامي اوصل وجيلك
بس منعني البيده سوط واشتكيلك

هذه حالي بولية الناس الناس
يادلالي الكله نوماس نوماس
تدري بي خدي نصطر مرني بعدك ياخطر
خويه عباس عباس

**************

مالي حيل اعله الحراسه لويجي الليل
واني حرمه وجتني خويه جيوش وي خيل
صرت حارس عالمخيم والمداليل
تذكريت ايامنه ودموعي تسيل

ﭼـنت حامي وخدري بحماك بحماك
خويه تالي هجمة اعداك اعداك
دمعي ياخويه نفجر مرني بعدك ياخطر
خويه عباس عباس

**************

الاخت معروفه هيبتها بخوهه
لوخطر مرها وذا عدوان اجوهه
عدهه ٳخوه تحشم وهم يعتنوهه
وزينب شكد حشمت حين الولوهه

يااخونه شكثر ناديت ناديت
الگوم اجونه ونته ماجيت ماجيت
من اجت نوگ السفر مرني بعدك ياخطر
خويه عباس عباس

**************

للشاعر علي محسن الفرطوسي

نزله للامام العباس عليه السلام
..
يعباس يعباس .. الكون گوم وزلزله
يعباس يعباس .. هيه هايه كربله
يعباس يعباس
***..............................***


برز كافل خدر اخته نوره شع وسط الجمع
بسيفه عزرائيل غاضب بالجثث ينزع نزع
سكتت الفرسان كلها وصوته يعله بالفزع
صفن حته الريح يمه والنفس ماينسمع

خرسة البيده .. والحرب عيده
هذه تعويده .. بجفه موت الاحمر
بالنفاس بالنفاس .. صوت ياعقد الوله
يعباس يعباس .. هيه هاي كربله

***..............................***

علي قالع باب خيبر علي رد قرص الشمس
ونته اطوي الكاع كلها اليوم خل يشبه امس
وصتك امك يكافل زينبك ماتلمس
ونته كد هاي الوصيه علم خصومك درس

ترهب عيونك .. من يلاكونك
خل ينادونك .. ياكفيل الِخدْر
ينادون ينادون .. صعبه هاي المسٲله
يعباس يعباس .. هيه هاي كربله

***..............................***

من ﭼنت بعدك شباب اعله الگناطر تبتسم
وگفك حيدر عليها أورجعت كل الخصم
هذه يومك يابو فاضل كربله تريد العزم
والله لو تِـلزم شيله ترخص اركاب الزلم

الخدر غالي .. ونته الوالي
بخصم لتبالي .. افني هذه العسكر
ينوماس ينوماس .. ابطال خلها امجندله
يعباس يعباس .. هيه هاي كربله

***..............................***

من اجل كل العطاشه جيب ماي امن لنهر
ورجع اعله اخيامك ارجع انته يحزام الضهر
تدري حسين بغيابك ينگطع منه النحر
وزينب اباب المخيم تنتضر جيت الكمر

تنتضر اختك .. ياكمر جيتك
بدمعه ناطرتك .. يمته ليها تحضر
بالدموع بالدموع .. تنتضر متإمله
يعباس يعباس .. هيه هاي كربله

***..............................***

بيك مغروسه الشجاعه علي بيده دربك
انته وحدك يابوفاضل جيش كامل ارتبك
واكف ابين العساكر فنه فنه اليكربك
مقرر اعله الماي توصل ونته توصل مطلبك

العلكمي ومايه .. وتوصل الغايه
بجفك الرايه .. واكف اعله المعبر
بالخصوم بالخصوم .. سيفك بجفك عله
يعباس يعباس .. هيه هاي كربله

***..............................***

بالحديث القدسي نقره ماكو ريبه وماكو شك
عبدي اطعني اتكون مثلي والي نكراهه شرك
وبوفاضل طاع ربه وهل الكرامات امتلك
عوده رد الشمس جفه وهوه ايدور الفلك

عابد وزاهد .. ناصر وقائد
والزمن شاهد .. الكمر مايتغير
كرامات كرامات .. ربك انطاهن اله
يعباس يعباس .. هيه هاي كربله

***..............................***
للشاعر علي محسن الفرطوسي

قصيده لشهر محرم الحرام
.......

منتظر اشاره والحرب قراره
حنته مو شمعه وياس كشخته بسيف وطاس

**********

قصه والقصه استمعها تختلف عن القصص
الدنيه بيها دروس كثره وغتنم منها الفرص
وجان يوم الطف مهول وبيه توزيع الحصص
كل رجل اده العليه ودور جاسم مانقص

اده الكفايه لأسمه عله رايه
اخذ هذه المقياس كشخته بسيف وطاس

**********

جاسم بروعة شبابه وعلم الدنيه شكثر
انطه اغله مايملكه انطه لحسين العمر
اخذ عبره العشگ منه يلي رايد تعتبر
بگلب واحد مايصير حسين وبصفه شمر

اتعلم بحياته وتخذ صفاته
بكلبه ماكو وهواس كشخته بسيف وطاس

**********

ادرس بمدرسة جاسم وصير عالم مجتهد
جاسم الزاهد العابد جاسم ونعم العبد
تخلق ابخلاقه حته توصل لحد المجد
موش ٳبشكلك حسيني وگلبك ينگط حقد

كربله تقدم دروس للمجد والناموس
للي شايل حساس كشخته بسيف وطاس

**********

لاگه جيوش الخديعه گلبه مايرجف ابد
تارسه روحه المحنه والعقيده امن المهد
مؤمن وهيبة وقاره حيرة اكبر عدد
اخذ منه ادروس وفهم انته وتعلم بعد

ونعم من جسام مدرستنه بكل عام
معلمه بيده عباس كشخته بسيف وطاس

**********

ترك عرسه وطلع حامي يذود عن ستر النبي
بيه غيره وياحلاته وبي صفات الطالبي
اعله عرضه ينطي دمه ولا يشوفه الاجنبي
راسه راح اويه الضعينه يبره لضعون السبي

راسه عل العوالي ينظر الغوالي
طبعه رافع الراس كشخته بسيف وراس

**********
للشاعر علي محسن الفرطوسي

نضرات عيونك تجرح  .. آى يبني
صارت زفتك للمذبح    .. آى يبني
بنفاسك  تشفه جروحي  .. يايمه ويبطل نوحي
                     آى يبني
         ❃❃❃❃❃❃
حلم كل ام ينرسم من المهد يالغالي
وگلبي بيك آنه  تعلگ صرت شاغل بالي
حلمي يمه وياك يكبر وطولك اليبرالي
اتنفسك وكت الفجر وتملكيت احوالي

تدري بروحي الملهوفه  .. آى يبني
وگلبي الحاير وطيوفه  .. آى يبني
بنفاسك  تشفه جروحي  .. يايمه ويبطل نوحي
                     آى يبني
         ❃❃❃❃❃❃

انته وردة روحي يبني بيك اعطر انفاسي
امك الماعدهه غيرك يبني رفعة راسي
بيك اتباهه واسولف بين اهلي وناسي
يبني كل لحظه افكر گلبي الك ماناسي

تسع اشهور انته ٳبطني  .. آى يبني
حساسك ﭼـان يكلمني .. آى يبني
بنفاسك  تشفه جروحي  .. يايمه ويبطل نوحي
                     آى يبني
         ❃❃❃❃❃❃

مثل كل ام ﭼـان حلمي وگلبي شوف احلامه
الحمد لله صرت شاب وگلت هاي ايامه
بيك افرح يبني اريدن ويعوف گلبي الامه
منين اجتني الغاضريه وتالي ادنگ الهامه

ياحلمي الـﭼـنت اتمنه  .. آى يبني
اعجلك بيدي الحنه   ... آى يبني
بنفاسك  تشفه جروحي  .. يايمه ويبطل نوحي
                     آى يبني
         ❃❃❃❃❃❃
 
جايبه شموع وصواني حسبيت احسابك
زِفتك تصير واشوفك ورده بين اصحابك
ليش گلبي نفجع تالي يالولد بمصابك
بياذنب مذبوح يمه وحِنتك بخضابك

شتليت بروحي الونه  .. آى يبني
منك گطعيت الضنه .. آى يبني
بنفاسك  تشفه جروحي  .. يايمه ويبطل نوحي
                     آى يبني
         ❃❃❃❃❃❃

ال الف عالخير صارت البقاء براسج
هذه عريسج يرمله العايش ابحساسج
انكسر واهس حياتج ونكسر نوماسج
الولد مذبوح اجاج الحنه وين وياسج

ناديه بصوت العالي  .. آى يبني
ذبحو يالغالي آمالي .. آى يبني
بنفاسك  تشفه جروحي  .. يايمه ويبطل نوحي
                     آى يبني
         ❃❃❃❃❃❃
ش/علي محسن الفرطوسي



  
   

ناده كلبي الضامي   ياربيع احلامي
وحته صوت خيامي  راح الاكبر
  
        ❁❁❁❁❁❁

راح الاكـبـر مني ﭼـن مـاي وتـبـده
ونكـسـر مرتين ضهري من يسنده
نهدم حيلي والصبر خلصته عنده
منحي ودمعاتي نزلت وحده وحده

بينك ومابيني   بس ذبح تانيني
بدمه آخضب هامي   راح الاكبر

        ❁❁❁❁❁❁

الدنيه بعيوني صفت ضلمه وكئيبه
بعد مابي حيل اتحمل مصيبه
ونته إگبالي طحت جثه خضيبه
من يساعدني اعله الاكبر حته اجيبه

لوحدّي ولاناصر   شلون اردك حاير
مابيه اجر اجدامي   راح الاكبر

        ❁❁❁❁❁❁

للخيم رديت بس اعصر بديه
شراح اكول لسكنه يابويه ورقيه
من يسألني الاكبر ماله جيه
وعمتك وامك يشوفن كسره بيه

منحني واتحسر  شكلي حيل تغير
ستقبلتني ايتامي   راح الاكبر

         ❁❁❁❁❁❁

صرخة تدوي ياعلي مابين الاخيام
راجع وحيدي وٱمسح روس الايتام
علي يبني وداعتك گلب امك انضام
بعد عينك ريته عمري لحضه مادام

للحرب راح اطلع   وعينك لجلك تدمع
وينسلب هندامي    راح الاكبر

        ❁❁❁❁❁❁

للحرب رديت واني امسح دمعتي
يبني هجرك والعطش فتت ﭼـبتي
ودري بويه بالحجر تنطر جبهتي
وداعت الله ياعلي المن عفتني

كاسر اشجم خاطر     دمع ابوك ايگاطر
گربت ايامي   راح الاكبر
       
        ❁❁❁❁❁❁
ش/ علي محسن الفرطوسي

البارئُ خالُقنا اجمع   ... ولغير اللهِ لن نركع
نحنُ النخبةِ والانصارِ  .. نفدي حُسيناً باإلاعمارِ
               ولغير اللهِ لن نركع
             
                 ❉❉  ❉❉  ❉❉

احنه الانصار ومانهتم    يحسين نوقعلك بالدم
لوهالعالم اجمع يلتم       وكت الشده مانـتـهـزم
بوكت الحرايب نتبسم    تعرفنه يحسين وتعلم

اقراء انا اعطيناكَا    جندن  ذا بئسن كئباكا
عزمُن فينا  من كرارِ   .. نفدي حُسيناً باالاعمارِ
               ولغير اللهِ لن نركع

                   ❉❉  ❉❉  ❉❉

بين خيامك اجتمعينه      وداعت ضلع امك قسمينه
طلكنه الدنيه وهتفينه      يحسين بحبك جنينه
وكل واحد شايل بيدينه    كلبه وسيفه ودمعة عينه

كُلن ذا عشقاً وتباها       تباً للدُنيا وغناها
افلح من كان ذا قرارِ    .. نفدي حُسيناً باالاعمارِ
               ولغير اللهِ لن نركع

                   ❉❉  ❉❉  ❉❉

شيخ الانصار بشيباته    يم زينب هوس مولاته
محدب يتوجه بعصاته   حب حسين التارس ذاته
ماهمه الجيش وكثراته   يازينب بشري بصولاته

يصليهم نارن بالسيفي       فيهي تباهت ارضُ الطفي
شيخن اضرمَ فيهم نارِ   .. نفدي حُسيناً باالاعمارِ
               ولغير اللهِ لن نركع

                    ❉❉  ❉❉  ❉❉

كل واحد بيهم يتنطر       داسو فوك الموت الأحمر
سوو يوم يروق المنظر     جن حيدر وبضهره الاشتر
سيف الموت اعليهم كبر    ذادو كلهم دون الخدر

إياتن تتلي اياتِي    صولاتٌ تلوَ الصولاتِي
خطفو ارواح الكفارِ    .. نفدي حُسيناً باالاعمارِ
               ولغير اللهِ لن نركع

                   ❉❉  ❉❉  ❉❉

انصارك طيب مرضعهم     حبك يحسين الجامعهم
كدامك كصدو مصرعهم     حيدر بالحومه إطالعهم
يتلون بعشكك تسمعهم       وماعدهم مطمع رجعهم

انصارك كالدر الصافي      ياسرَ النوني والكافي
هتفو في وجه الاشرارِ   .. نفدي حُسيناً باالاعمارِ
               ولغير اللهِ لن نركع

                   ❉❉  ❉❉  ❉❉
           ش/ علي محسن الفرطوسي

جـــداه ... ياجـــداه  * جـــداه ... ياجـــداه

                            **

ياجدي لوتـدري أشـجـره   ... أسوت أميه الـكـافره

أبن أمي ضل أعله الـثره   ... ياجدي ﮔطعو منحره

شفت الشمر فوﮒ الصدر  ... ياجدي وﻴﮔص بالنحر

ﮔـتـله يــطـاغــي بـاألألـم   ... هاي أمي متعنيه الخيم

جـــداه ... ياجـــداه  * جـــداه ... ياجـــداه

                             **

ياجـدي مايكفي الـحصل   ... راسه عن الجثه أنفصل

رفعوه طغاة أعله النصل  ... هـذه الـفـزع يمنه وصل

ضل الكـفـلنه أعله النهر  ... لاضل محامي أعله الخدر

نـار الـخـيـم تـلهـم لـهم   ... ويـنـه الـيـطـفـيهه الشهم

جـــداه ... ياجـــداه  * جـــداه ... ياجـــداه

                        **

شوصـفـلك العـاشر أنه   ... ضـلـت حـريم أمـدوهنه

فـزعـت أمـيـه الـخاينه   ... وانه الـعـقـيـله أمِْـحـنـه

لاضل محامي ولا خدر   ... يم كافلي وجرني الشمر

لاجـربـه وجـود وعلم    ... ترضه يعباس أنهضم

جـــداه ... ياجـــداه  * جـــداه ... ياجـــداه

                        **

أطـفـال أبـو الاكبر تفر   ... أبهل البراري المضلمه

سكنه ورقيه أبلا وعي   ... أتـنـادي يبـويه وهايمه

أشعر أرض مـاكـو بعد   ... أﻨﻃﺒﮔت أبـعـالي السمه

سـاعـه أنـادي للـكـفـل   ... سـاعـه يـحماي الحمه

أسمع ضلع جدي أنكسر ...     واويلي وصبع مـنـبـتر

ياجدي سلبوه الجسم     ... وضهره نصين أنجسم

جـــداه ... ياجـــداه  *** جـــداه ... ياجـــداه


ش/علي محسن الفرطوسي