قصيدة قررت رحيلك اداء الميرزا جعفر الربيعي. كلمات علي الفرطوسي

قصيدة فارگوني. اداء سيد لطيف البخاتي كلمات علي الفرطوسي

انه ليث الحرايب .. صوتي هز الكتايب
منتضر يومي.  وعلومي.   تعرفها البشر
مايخليهم .. ويفنيهم .. ماكو الهم اثر
.........
كلبه مثل الجبل راسخ  ماتهز بيه الرياح
طبعه من يبرز عليهم    يكسر سيوف برماح
ملك بالميدان طبعه و بيهم ايضج النياح
الكاع رجفت من صياحه زلزلج ليله بصباح

لوغضب ياحلاته .. جنه حيدر صفاته
تجدح عيونه  . يدرونه.  يدوس اعله الخطر
بصدره يطويهم.  ويفنيهم.  ماكو الهم اثر
....
مسلم ومسلم طباعه لاجن بحربه ضروس
عمه حيدر قلع خيبر  وهو قلاع الرؤوس
علي دايس على القلعه ومسلم الكوفه يدوس
ياهلا بفتيان طالب للمراجل هم دروس

دارس امن الطفوله .. الدنيه بيهم ذهوله
منهجك باقي .. ضل راقي .. يرويه القدر
اختار اساميهم .. ويفنيهم . ماكو الهم اثر
....
واحد وقاتل معسكر  رغم مامسلم وحيد
لجن صوته ايضج عليهم . للحرب هل من مزيد.
علي شافوك بوكفتك وبوفاضل بالوريد
يجري وي دمك الحمزه إقلع اطواد الحديد

الغيره تجري بوريده .. زلزله اسمه ورعيده
ياهله بسيفه .. وكل حيفه .. الدم يصبح نهر
بجفه يسكيهم .. ويفنيهم .. ماكو الهم اثر
...
مسلم يصول اعله كيفه عاليمين وعالشمال
ماكو راحه الكم ينادي هايه ساحات القتال
انه عيدي الحرب طبعي عندي واهس للنزال
اليوم اراويكم فنوني واني ثابت لا ازال

هذه يوم التحتم .. الموت بيه تلعثم
حته بموتي .. ضل صوتي .. يصدح للدهر
باقي يدريهم .. ويفنيهم .. ماكو الهم اثر
....
اني ريح ومن اهبن مااخلي لشي اثر
انتو طير صغير طاير يعني نقطه في بحر
احنه من فرسان هاشم وحنه اسياد البشر
مستحي امن حسين اني اشواي منطيه بس نحر

مااوفي الامامي .. هوه حبي وهيامي
فدوه كل عمري .. وي نحري .. لسياد البشر
واليعاديهم .. ويفنيهم .. ماكو الهم اثر
...
حسين منطي الله كلشي حته الطفل الصغير
من اجل دين السماوي لا لجل سلطه وامير
حسين من العرش نوره وكلشي من نوره منير
الدنيه واهل الدنيه كلها بسم ابو الاكبر تحير

واني مسلم رسوله .. كلشي قادر انوله
افتدي بدمي .. وبلحمي .. ونطيه النحر
لكوفه اروايهم.  ويفنيهم .. ماكو الهم اثر
....
للشاعر علي الفرطوسي

خويه خويه   بعيني افتح عينك
خويه خويه    وين عفت حسينك
من رحت ضهري انكسر .. ليش نايم عالنهر
خويه خويه     خويه خويه
..
ياشمسنه وياضوانه يالگمر
من رحت يابو الفضل ضهري نكسر
شلون ارد لوحدي كلبي  نفطر
لخيمة اختك زينب انقل ياخبر

خويه خويه  منحني ارجع للخيم
خويه خويه  وتنتضر سكنه العلم
تموت سكنه امن الخبر .. ليش نايم عالنهر
...
انه جيتك ياعضيدي لمصرعك
اتشابگن دمعي يخويه ومدمعك
منيدي ياعباس دهري ضيعك
روح يحزام الضهر واني اتبعك

خويه خويه   عمري من بعدك كصر
خويه خويه   راسي شاب اعله النهر
ينكطع مني النحر .. ليش نايم عالنهر
....
 امشي وتعثر على طول الدرب
دمعي ياعباس لغيابك يصب
اختك بياحاله مابين الغرب
باجر العدوان بسياط وضرب

خويه خويه   زينب تروح بيسر
خويه خويه    الي يحديها زجر
تمشي بدروب الخطر .. ليش نايم عالنهر
....
اني بعيوني سوالف وي عتب
ستر  اختك من بعدنه انسلب
شعلو اعله خيامنه نار بحطب
وموعد اختك لليسر تدري ٲقترب

خويه خويه  ياكفيل العايله
خويه خويه  المدامع سايله
وين ياراعي الفخر ... ليش نايم عالنهر
.....
بمعصم اختك  يالكمر باجر حبل
والشمر سوطه ابد ماينحمل
عالهزل وتنادي ها يابو الفضل
من بعد عزنه مشينه اعله الهزل

خويه خويه   عمري خلصته بحزن
خويه خويه   عالهزل مهضومه ٳون
ذكره ضلت بس صور .. ليش نايم عالنهر
.....
للشاعر علي الفرطوسي

حزينه بدمعتي
اجيت الاخوتي
اصيح بحسرتي
حبيبي ياحسين
....
بهالضعينه   عاودينه
 ياحبيب الروح من بعد السفر
ضاع صبري    عيني تجري 
دمع عيني الك يحسيني انفجر
عودتني      من جبتني
  اعله هودج اختك تدير النضر
هسه حالي      بلايه والي
 بناكه عرجه وامشي بدروب الخطر

حده حادي الضعون
وهلنه المايجون
غيابك مايهون
حبيبي ياحسين
....
اني اختكم     جيت الكم
ستقبلوني ياهلي باالاربعين
بياحسافه     هالمسافه
أكطعت وحدي ولا منكم معين
انه زينب     جرحي اصعب
 من جرح جبدك يخويه ياحسين
من بعدكم      دهري عنكم
 رحت مسبيه وحبل فوك الادين

صعودي اعله الهزيل
يعذب بالدليل
صرخ دمعي اليسيل
حبيبي ياحسين
...
يافكدكم       من عفتكم
عالترايب ياحسين وانضرك
الراس جبته     وبحسرته
 لجن خويه اعذرني ماكو خنصرك
يبوالغيره      والله حيره
 لوتناشد عن رقيه اتعذرك
بالخربه      بابا بابا
صوتها يهز الارض يم منحرك

عزيزتكم بقت
خويه مااجت
بصغرها تيتمت
حبيبي ياحسين
....
يامصيبه    و الغريبه
زينبك يابوالفضل محتاره بعدك
من يسرنه       خويه عدنه
 ها يعباس ولكيتك وسط لحدك
ستقبلونه      وناشدونه
 العزيزه اتريد اهلها واني افكدك
ياعذابي       ويامصابي
  خويه من صطروني احتازيت زندك

هضيمة ابلا اهل
ضياع ولا امل
الضعن لهلي وصل
حبيبي ياحسين
...
جيت اطوفك       وبطفوفك
 إ دخيلك جودك ياامير الغاضريه
من شفتكم       اني اختكم
 اتذكرت ذيج الجسوم الي دميه
من عذابي         وي مصابي
رجعت بياحاله ذيج الهاشميه
عل الهزايل       دمعي سايل
 السبي ياخويه تدري شسوه بيه

رجعت امن السفر
لجن ماكوو كمر
شعمل بيه الدهر
حبيبي ياحسين
.....
للشاعر علي الفرطوسي

سيد احمد الغالبي. كلمات الشاعر علي الفرطوسي

قصيده للمشايه. اداء سيد لطيف البخاتي. كلمات الشاعر علي الفرطوسي

وصلتي الشام زينب وين عباس
...
يزينب اعله خوانج تنوحين
عفتيهم جثث كلهم مطاعين
ماعندج ولي المن تروحين

غريبه بوحدج وبوليت الناس
وصلتي الشام زينب وين عباس
......
بجفوفج حبل بت السلاطين
ونتي مخدره يااخت الحسين
زينب وينج وين الدواوين

وين اخوانج الجابوج حراس
وصلتي الشام زينب وين عباس
...
يابت حيدره صرتي غريبه
بلا خوان وحدج يامصيبه
عفتي حسين ضل جثه خضيبه

وصدره بخيلهم شفتيه ينداس
وصلتي الشام زينب وين عباس

...
يازينب عله الناكه تميلين
السوط اعله الضهر حكـﭻ تنوحين
وين ابن امج الصنديد والزين

طايح عالثره ومكطوع الانفاس
وصلتي الشام زينب وين عباس
....
مجتوفه بحبل والنوگ هزلات
يابت حيدره گاضي الكلافات
رجعتن بالضعن كلـﭼـن غريبات

لـﭼـن تبقين اميره ورافعه  الراس
وصلتي الشام زينب وين عباس
.....

للشاعر علي الفرطوسي
https://t.me/Alimhassen


معرف الشاعر علي الفرطوسي

واويلاه يزينب واويلاه
...........
اليوم زينب ردت لخوانها
أبناكه عرجه أمكبعه أبأحزانها
أمغير الهم والتعب بلوانها

صعبه الاه يزينب صعبه الاه
...........
بيها شمسوي التعب وي السهر
بيها اثر جم سوط زينب عالضهر
وعن اخوها اغيابها اتعده الشهر

ماننساه يزينب ماننساه
...........
أمعجل الشيب اعله راس ام الحزن
من كثر ماتبجي مجروح الجفن
بت علي مخنوكه لو رادت تون

طال ملكاه يزينب طال ملكاه
...........
بالدرب محتاره تكصد يالحد
الها طاحت اخوه وطاحت ولد
ياهو لتزوره اذا ليهم ترد

عانج الله يزينب عانج الله
...........
من عله الناكه وهوت فوك الكبر
حكها من عدها نفذ كل الصبر
حين راحت لليسر راحت جبر

بوليت اعداه يزينب وليت اعداه
...........
للنهر راحت تريد الي كفل
اتخبره ضعنك من يسر خويه وصل
وين وعدك حين اجيت امن الاهل

حتفه بعداه يزينب حتفه بعداه
...........
حين نزلت عل الارض جن راكعه
من مصايبها النواضر دامعه
حنية الزهره انحنت عالمشرعه

وين يمناه يزينب وين يمناه
...........
للشاعر علي الفرطوسي

ياهـله بكـفالها  الزلم ناده نزالها
    يابو فاضل    يابوفاضل
   
         ✵✵✵✵✵✵✵
 
نزل عباس الغضنفر ياهله بصگارها
عاليمين وعالشمال وزلزل ٳبكتارها
هاذه يومك يابوفاضل كوم وشعل نارها
تحزم بشيلة الزهره اليوم طالب ثارها

الحرب هاي افعالها    الزلم نادي نزالها
             يابوفاضل   يابوفاضل

 
         ✵✵✵✵✵✵✵

يابوفاضل هذه يومك هذه يوم الكنطره
كلها تركعلك القاده وسوي بيها الماجره
للذبح ياكمر هاشم خلها توكفلك سره
سيفك الكاسر الراهب بيه هيبة حيدره

زلزل بزلزالها    الزلم نادي نزالها
   يابوفاضل    يابوفاضل

 
         ✵✵✵✵✵✵✵

علك ماخذ اخو زينب من حجاب ام الخدر
تنضر لطول الكفلها وهو صاعد عالمهر
هلهلتله اخته وسمعها بعد ماينفع عذر
اشرعبت بيه الحميه وبين انجوم الضهر

الكوفه شل احوالها     الزلم ناده نزالها
              يابوفاضل  يابوفاضل

 
         ✵✵✵✵✵✵✵

صوته يهز الجحافل من يرف صوت اللوه
لوصرخ بيهه ابو فاضل يرتعب حته الهوه
ضهضب العباس بيهم ماتلمهم نينوه
الخيل فوك الخيل تعثر والتراب بدم روه

حربه من يدنالها     الزلم ناده نزالها
         يابوفاضل    يابوفاضل
 
 
         ✵✵✵✵✵✵✵
 
تنكط الغيره بجبينه لوسمع طاري الخوات
اعذب امن الماي طبعه من نزل شاطي الفرات
مايموت المثل طبعه  باقي ينور الحيات
حير الدنيه بصفاته يمتلك اجمل صفات

مضرب المثالها     الزلم ناده نزالها
        يابوفاضل    يابوفاضل

 
         ✵✵✵✵✵✵✵.
للشاعر علي الفرطوسي

.
دموع دموع .. انه لثالث روايه ابقه اون
دموع دموع .. مصيبتج اقراها يالزهره بحزن
من تهل كالجمره ... دمعتي عالزهره
            اترقب انتضاري
......
انه ياجده احس كلبي انكسر
ابقه بذكرج اون كل الدهر
بابج المحروگ بكلبي استعر
انه المهدي الامام المنتضر
حسره تتبع حسره  .. لوذكرت الزهره
بعيني شفت العصره .. وبابج تحول جمر
انين انين .. خلف بابج عاليتامه خوفج
انين انين  .. اثر صوطه باقي بجفوفج
من ذكرت الصطره ... دمعتي عالزهره
    لجدتي انكساري.. يبقه دمعي جاري
.......
جده يازهره جبيره امصيبتج
واكف اعله الباب وذكر عصرتج
باقيه عالخد علامه صطرتج
ياهي منهن الي اكثر اذتج
بابج ادري اثكيله .. من دفع كل حَيلْه
ونتي اشگلتيله .. شنهي جانت ونتج
خشب خشب .. باقي ابوجهج اثر يزهره
خشب خشب  .. اثر لوح بخدج اويه صطره
شفت عينج حمره   ... دمعتي عالزهره
بوضعي الله داري .. يبقه دمعي جاري
......
 جدتي ياعالم الي مارعوهه
بياذنب كسرو ضلعها وِهضموهه
هجمو اعليها بحقد من مات ابوهه
ماتت وماسامحت الي اضربوهه
ماتت بحسرتها .. بالكلب ونتها
تدعي عل اذتها ..بيا جرح خلوهه
هضم هضم .. انه ابقه منتضر  ضهوري
هضم هضم  ... امصابج اكثر اذه بشعوري
الضهور انتضره .. دمعتي عالزهره
بسيفي اجيبه ثاري .. يبقه دمعي جاري
.....
إلمصابـﭻ فاطمه اعيوني نضرت
 اضربوها بالسياط ادموعي نزلت
واعصروها جدتي انت وحنت
 انضر اعليها بحزن وشلون طرحت
محسن اعله الغبره  .. بجفه تلسع جمره
باب بي ﭼـم عبره .. بيه مصايب حدثت
ينوح ينوح .. محسن اكبالج وكع يجده
ينوح ينوح .. جنها جمره هايه اعله خده
لمحسنج متحيره .. دمعتي عالزهره
بكلبي تبقه ناري .. يبقه دمعي جاري
......
وابد مانسه الحُسين وذبحته
انسه اشلون الخيول الداسته
وعمي ضل اعله النهر وي رايته
اشحال زينب عالهزايل نضرته
مانسيت امصابك .. ياحسين ابابك
كل وكت بعتابك .. بيه تسعر قصته
بخشوع بخشوع .. ياالاهي عجل ودعيتك
بخشوع بخشوع .. بسم الحسين الغريب اجيتك
ياالاهي بعبره .. دمعتي للزهره
طول انتضاري .. يبقه دمعي جاري
.......

للشاعر علي الفرطوسي

عادتک نشمي وتحن  ..  وینک ابوکت الدفن
اختک غریبه اللیله ...اختک غریبه
********************
خلصت ايام العمر  ... والصبر عاف الصبر
                  جتني المنيه
بصدري هذه اخر هوه .. كون اروح لنينوه
                 وانه شبديه
عودتني اخوتي    .. تحضر ابكل شدتي
              وتواسي اليه
ياكمرنه  اشأخرك ... اختك وتتنطرك
               بدمعه جريه

اتشيل خويه اجنازتي  .. ونته تحفر حفرتي
ونعشي انته اتشيله .. اختك غريبه الليله

**********************

عمري نيران وخيم .. وطفله تصرخ بالٲلم
                   وبجفها جمره
وحبل بجفوفي انربط .. ودمعي ودمي انخلط
                    وجفوف حمره
وهودجي البي ذكريات .. حرگ كل الامنيات
                      ناره مسعره
بيه شمسوي الشمر .. زينب اوين الخدر
                      طولي ينضره

هايه ابيا بال اجت  .. بت علي وتسلبت
 وتصعد النوگ اهزيله  ... اختك غريبه الليله

**********************

مني قد حان الاجل  .. وانتضر جيت الاهل
                   ومحد اجاني
ادري عباس الكمر .. بعده نايم عالنهر
                   هاي اخته اني
وادري بحسين نسحگ .. وراسه عن جسمه افترگ
                    وضعه الماني
بصدره ﭼـم حافر غفه  .. ومنذبح من الگفه
                      حسين العماني

اسوت اخيول الكفر  ... صدر اخويه منحفر
لويعتني واشكيله .. زينب غريبه الليله

**********************

شمحله لو كل اخوتي .. التشيل اجنازتي
                وتحفرلي قبري  
والكفيل الفرگتي .. يبجي حرگه بغرفتي
                  حماي خدري
وبو الاكبر بالعزاء  .. محدب ايكثر البكاء
                    ادموعه تجري
راح اموت امن الحنين .. اخوه ماكو ولا بنين
                    ابتالي عمري

لااخو عندي وابن .. المثلي غربه تندفن
احسين اني انعيله .. اختك غريبه الليله

**********************

مني شيريد الدهر .. كافي مو گلبي انكسر
                 اجم مصيبه
وينه جوده كافلي .. وخل يجيب اتراب الي
                 بدمه خضيبه
بجوده اتغسل ردت .. وبترابه تعفرت
                 اخته وحبيبه
كافوري تربت كربله ... واشتم عطور القافله
                  وطفل ونحيبه

كل حياتي  اذكر خيم .. وجمر اسحك وبٲلم
والشمر تفتر خيله .. اختك غريبه الليله

**********************

للشاعر علي الفرطوسي

جرحتني ٳصعب أيام .. بطف كربله ورض الشام
ميته انه يم شاطي النهر  .. روحي
كلما يمر طاري حسين .. اتمنه ياخذني البين
بس الجسد بي تنهش .. جروحي
           
*..................................*
انه زينب ياخلگ و ام المصيبه
گلبي عاشر حزنه من فارگ حبيبه
رايح الغالي يدهري منين اجيبه
راحو امن ايدي  وبقة زينب غريبه

ايدي اعله خدي ٳعله الباب .. بلكت يجون الاحباب
العشنه وياهم عمر  .. روحي
بس النفس والضلوع  .. ماضل الي غير دموع
بس الجسد بي تنهش .. جروحي

*..................................*

اصفن اويه الروح اكولن انتضرهم
اهلي غياب ويجوني من سفرهم
والله دوم ابالي وبعيني صورهم
كون ماتو ليش اشتم  بعطرهم

كلما يهز بي الشوگ  ... اذكر هوادج ونوگ
ولي يركبني كمر  ..  روحي
لاكن رجعت ابيا حال .. لا هودج وفوگ اهزال
بس الجسد بي تنهش  .. جروحي

*..................................*

ذكريات ايامي صعبه لو ٲذاكر
الكوفه خلت جرحي بدمه يگاطر
امضه من سيف الذبح هاي النواضر
الشماته اتحوطني داير مداير

يجرحني ال ينضر عين ..  اكثر من اجروح حسين
الشمر نضراته ذبح .. روحي
والكوفه خلتلي جروح .. كل نضره تاكل الروح
بس الجسد بي تنهش .. جروحي

*..................................*

راحو وعافوني بوحدي الاودهم
تحت الاتراب وذبل وسفه وردهم
روحي تترك روحي من انصر جسدهم
وذر طرشهم  شفت سيف الذبحهم

وعبد الله حاله اشصار .. ادري الرمل كلش حار
جسمه ترف  مايحتمل .. روحي
ياكربله اكسرتي گلوب .. امن مصيبتج روحي تذوب
بس الجسد بي تنهش .. جروحي

*..................................*

من كثر شد الحبل ويل الزناجيل
بعد مابي حيل ٲوكف جسمي ٳنحيل
اختارو  احبال الثگال اعله المداليل
أورقيه اصغيره والدم منهه ايسيل

ختارو خشن حبل الايد .. حته الالم بيدي يزيد
مظلومه بدرب اليسر .. روحي
وسوط المتن خله اثار .. من ضربه حالي اشصار
بس الجسد بي تنهش .. جروحي

*..................................*

هوه اليفكدله غالي شلون يرتاح
لو يجن ليله عليه يجيب الاجراح
واني لا واحد ولاخمسه الذي راح
امن ايدي راحتلي عشيره فرد مصباح

بيت وفرغ من اعزاز .. ومحد خذاهم جناز
ضلو على ارمال الذبح .. روحي
ابلا دفن لاتغسيل  .. كل واحد ادمومه تسيل
بس الجسد بي تنهش جروحي

*..................................*

اذكرت كل الجره بيه وخواتي
بلله ياعالم سمعتو ذكرياتي
ياهي اشد . ياهي التبجي بنايباتي
كلهن ايبجن واشدهن ياعباتي

طاحت خيم وي ارجال .. وبالطف تدهور كل حال
بس العبايه اعله المتن .. روحي
يازينب اخيوطي احساس .. علمني احمي عباس
بس الجسد بي تنهش جروحي

*..................................*
للشاعر علي الفرطوسي

    
گلبي مشتاگ    خويه عباس  خويه عباس
ذبلت اوراگ      زهرة الياس  زهرة الياس
بلكي طارشكم يمر    خلصت ايام العمر  
              كلبي مشتاگ
*..............................*
انطوة صفحة حياتي بدمعه وحزان
خويه ﭼـف البين عِجل موتي قد حان
بدمعتي اكتب وصيتي ها يدفان
لا تنزلني الحفرتي قبل الاخوان

انتضرهم      وين اخوتي  وين اخوتي
وبذكرهم      يعله صوتي   يعله صوتي
 لجيت اخوتي انتضر    خلصت ايام العمر

*..............................*

الاخت هيبتها اخوها بكل الاحوال
واني اخوتي خلصو وماضلت ارجال
كربلا جرحي الوحيد بكلبي لازال
لهسه وضع حسين اخويه بعده عالبال

مانسيته       يشهد الله  يشهد الله
اني اخيته   دمعي اهله   دمعي اهله
 لخته حفروه القبر      خلصت ايام العمر

*..............................*

موتي قرب يابوفاضل ونته ماجيت
رتك اتشيل الجنازه وتبجي بالبيت
كافي غربه وموتي غربه والله مليت
من اون مو ونت الموت الك حنيت

فرك الاحباب      عذباني    عذباني
يهيل التراب       لواجاني  لواجاني
انتضر جيت الكمر    خلصت ايام العمر

*..............................*

روحي صحره وجف عشبها وكلبي ريحان
والصحاري اتموت اذا مامرها انسان
اشكد وسيعه يعني ما اتلمها اكفان
ولواموت ابقه بعباتي البيها دخان

جرحي ماطاب      ابجي حسره  ابجي حسره
دمعي سجاب        بلكبي جمره  بكلبي جمره
لسه دخان العطر      خلصت ايام العمر

*..............................*

المنيه اليوم اجتني ورايده اوداع
وين اخوتي الضيعوني بصعب اوضاع
ضلوعي محنيه وحزينه  وكلبي مرتاع
مايعوفني اخوتي الكلهم اسباع

للكبر جيت       ياكفيلي  ياكفيلي
خويه حنيت     ماتجيلي ماتجيلي
بمتني اثار الشمر     خلصت ايام العمر

*..............................*

بالگبر اتمنه يحضر ليه عباس
الغيور الكله غيره وابو النوماس
حسين يحضر منكسر ضلعه وبلا راس
ونته اسمعها وٲونن حين الانداس

شفته من صاح      يارقيه  يارقيه
شاف الاجراح    الفوگ اديه الفوگ اديه
بجفي لسعات الجمر   خلصة ايام العمر


 ***..............................***
علي الفرطوسي

ابوذيات لمولد الامام علي  + هوسات
*,,,,,,,,,,,,,,,,,,,,,,,,******

بحب المرتضه عل الكل .. علينه
فرحنه بمولدك حيدر .. علينه
بسعاده وخير ايعاود .. علينه
مولد علي حماي الحميه

*,,,,,,,,,,,,,,,,,,,,,,,,******

الدنيه الليله منور .. بدرهه
انولد حيدر علي فارس .. بدرهه
ارضعت حب الولي أمن امي .. بدرهه
وحبك صاري بدمومي الجريه

 *****,,,,,,,,,,,,,,,,,,,,,,,,******

قبل لاينخلق ادم .. ولانه
لبو الحسنين ثبتنه .. ولانه
 حبك مازج ابطيني  .. ولانه
وصبح وي دمي حبك دار بيه

*,,,,,,,,,,,,,,,,,,,,,,,,******

ربك روحي بحبك .. فطرهه
بالكعبه نولد حيدر .. فطرهه
عيد الناس اذا مرهه .. فطرهه
وعيدي مولدك هاي المسيه

*,,,,,,,,,,,,,,,,,,,,,,,,******
 
     ......  هوسات ...

ربك عالبشر علاك ياحيدر  يحامي الجار
قسيم اهناك يابوحسين واكف انته عالمعبار
فايز كلمن الوالاك  والعاداك عاده طه المختار
هالمنزله ربنه انطاك قسيم الجنه وي النار
.... حيدر عالجنه مخلينه ...
*,,,,,,,,,,,,,,,,,,,,,,,,******
اذا مريم تهز نخله وثمر يتساقط اعليها
ام حيدر تهز الكعبه والكعبه تحييها
لا مو رطب يتساقط نجوم السمه تهاويها
انشق الجدار بهيبة الكرار تريده ينولد بيها
.... الكعبه الحيدر مشتاقه ....

*,,,,,,,,,,,,,,,,,,,,,,,,******
الكعبه طلگت وجابت اسد طالب
لهل المولود جميع الانبيه تراقب
ومحمد لقبه الكرار علي الفارس علي الغالب
اول منولد بالبيت مشتاق لمحمد والدمع ساجب
... ناصر دين الله مودينه ...

*,,,,,,,,,,,,,,,,,,,,,,,,******
علي حبك فرض مثل الصلاه والصوم
الماحبك علي بالنار خالد دوم
حبك اغله من هل الروح ماخلينه للحب سوم
... بالدم حب حيدر والينه ..
*,,,,,,,,,,,,,,,,,,,,,,,,******
علي الفرطوسي

غريب اعله الجسر محد يشيله
وعله جفوفه سلاسلهم ثجيله
ياراهب العتره .. غريب ومن يحضره

    *,,,,,,,,,,,,,,,,,,,,,,,,******

عله راهب بني هاشم اجر عبرات
ضل اعله الجسر وجفوفه متقيدات
غريب وماله ناصر وبسجنهم مات
ماحضرته انصاره اعليه تجر ونات

صعبه موتته مابين عدوان
مسموم وعليه يفتر السجان
سجين بوسط حفره .. غريب ومن يحضره

    *,,,,,,,,,,,,,,,,,,,,,,,,******

من كثر الضلامه عضم وجهك بان
مايرحم سجنهم ضالم السجان
مايعرف وقت وسط المغيب ﭼـان
سلوتك بس صلاتك ياغصن ريحان
 
بصلاته تنزل دموعه جريه
يناجي بغربته رب البريه
تهد حيله الحسره  .. غريب ومن يحضره

    *,,,,,,,,,,,,,,,,,,,,,,,,******

الموعد عالجسر جينه يبن جعفر
شفنه بس جنازه وردنه نستفسر
المن هالنعش محد اله يحضر
ما ندريك انته وجبدك مفطر

وحشه جنازتك محد وراها
وجبتك تسعر امن السم تراها
تشب لمصابه جمره .. غريب ومن يحضره

    *,,,,,,,,,,,,,,,,,,,,,,,,******

يبن جعفر  ضريحك جوهرة هالكون
ربك خص الك خدام ويخدمون
بقيت انته شمسنه الضيعت هارون
ياباب الحوائج للذي يدعون

بابك رحمه ياباب الهدايه
خالد تبقه يل مالك نهايه
بكلبي الك حضره .. غريب ومن يحضره

    *,,,,,,,,,,,,,,,,,,,,,,,,******

ياموسى ابن جعفر شيعتك كل عام
تتعنه الك ياسيدي خدام
ياكعبة عشكنه لابسين احرام
نطوفك ياغريب ولاطمين الهام

شيعنه احنه وتعنينه ولينه
كل احبابه ابن جعفر حزينه
نجر اعليه عبره .. غريب ومن يحضره

    *,,,,,,,,,,,,,,,,,,,,,,,,******
للشاعر علي الفرطوسي

الكاظم يوجه نداء    لكربله الليله
لعمه شيال اللواء      بهمه يشكيله
  عالجسر وبجفي اقيود وحديد
   الحضورك يالكمر هاليله اريد
             بهمه يشكيله

*,,,,,,,,,,,,,,,,,,,,,,,,******

صرخه نسمع .. من غريب اتفت صدور
قصته تفجع  .. قصه اتبجي  الغيور
موسه تدمع .. عينه رايد من يزور
ماتشيع .. يمه سجانه و يدور

يابوفاضل صوته صاح     روحه ولهانه
لامُشيع لانياح                 يمه سجانه     
يالي تحضر للندبلك مو بعيد
الحضورك يالكمر هاليله اريد
          بهمه يشكيله   

*,,,,,,,,,,,,,,,,,,,,,,,,******

من تحضره  .. تذكر اقيود اليسر
لوتنضره ..  يبجي لخيام وخدر
جبده جمره .. من اثر سم الغدر
يشكي امره .. سجنه مغيره اشكثر

وسط زنزانه وسجين    خلص كل عمره
بيها اثر تلكه الادين      مورمه وحمره
لوتحضره افتح اقيوده امن اليد
الحضورك يالكمر هاليله اريد
         بهمه يشكيله
*,,,,,,,,,,,,,,,,,,,,,,,,******

هالمسيه ..  حظر بحزانه الكفيل
للكاظميه .. يسعه اجه ودمه يسيل
بلايه اديه ..  ونته مسموم وقتيل
احجي اليه .. اسمعت سجنك طويل

صوتك الجاباني ليك         وانه حضريتك
ابلايه ادين ومدلي اديك    بنحري ناديتك
اعذرني اجفوفي بقن يم العضيد
الحضورك يالكمر هاليله اريد
             بهمه يشكيله
*,,,,,,,,,,,,,,,,,,,,,,,,******

أسمعيته ..  وجيت اله من النهر
من اجيته .. لملت جسمي وذر
ناشديته .. شنهي ياموسى الخبر
ناضريته .. وعرفت جبده انفطر

مغيرك اهواي السجن     موسه ياموسه
ليلي مضلم لويجن         الدمعه محبوسه
لجسمك المنحول ضل دمعي يزيد
الحضورك يالكمر هاليله اريد
             بهمه يشكيله
*,,,,,,,,,,,,,,,,,,,,,,,,******

تحاورينه ..  والحوار بكل حزن
تناشدينه ..  عن ذبيح وعن سجن
مكيدينه .. وبل السلاسل ممتحن
مد يمينه  .. حاجه عنده وضل يون

للحوائج يالعضيد        ياكمر هاشم
برايتك حزمني اريد   انحسب خادم
انه وم حسين نبجي اعله الشهيد
الحضورك يالكمر هاليله اريد
     بهمه يشكيله

*,,,,,,,,,,,,,,,,,,,,,,,,******

لليطلبه   .. فاتح ابواب الكرم
يابوطلبه .. احسبني احساب الخدم
ارد اندبه ..  ابجاه شيال العلم
اعله عتبه .. من عتابه انضر حرم

اسمع اونين ونحيب     وحسره ياحسره
الغريبه اعله الغريب     تجسب العبره
هاي زينب اخت مكطوع الوريد
الحضورك يالكمر هاليله اريد
            بهمه يشكيله
  *,,,,,,,,,,,,,,,,,,,,,,,,******
للشاعر علي محسن الفرطوسي