بـعـيــونـك إوداع              علي مقرر رحيلك
وجه الفجر ضاع              علي بـويـه دخيلك
والله لوبيدي القدر            راسي وياك انطبر
              عــلــي بـويـه دخــيــلــك
 
⓪⓪⓪⓪⓪⓪⓪⓪⓪⓪⓪⓪⓪⓪⓪⓪
      
      اشِمْ ريحة اموادع بويه بنفاسك
       وبعيونك اشوف إوداع اعز ناسك
       لوبيدي القدر راسي ولا راسك
       دخيلك لاتروح اعليك عباسك

وجه السموات          غيابك خاطف انواره
بانت علامات            حزن والارض محتاره
بعبره ينوح الكمر         راسي وياك انطبر

⓪⓪⓪⓪⓪⓪⓪⓪⓪⓪⓪⓪⓪⓪⓪⓪
      
          شما يبجي الفقد والد تره معذور
         الليله النور يجبي عله اوداع النور
         علي العالي علي القائد علي المنصور
         بلا مذبح  لحيدر ون ضهر عاشور

طف كربله بصوت       ينوح الأبو  المذبوح
يونس مع الحوت        بجو والدمع مسفوح
صوت ونه امن الحجر    راسي وياك انطبر

⓪⓪⓪⓪⓪⓪⓪⓪⓪⓪⓪⓪⓪⓪⓪⓪
        
         بالمصحف بجتلك سورة التكوير
        {بأي ذنبٍ} وراسك ينطبر تطبير
           ابراسك مصحف ورِبّاني التفسير
           بعلمك ياعلي اهل العلوم اتحير

للرايد اعلوم          مدينه وحيدر الباب
مفتوحه لليوم        مِلكهه بس ابو تراب
يصرخ الباب بقهر     راسي وياك انطبر

    ⓪⓪⓪⓪⓪⓪⓪⓪⓪⓪⓪⓪⓪⓪⓪⓪
      
          ادم ينتضر مقدمك نوح وهود
          ونبي صالح حزن لابس اثياب السود
          الغري  احياهه أبجثمانك المعبود
          سجدتله الشمس الردهه جفه اردود

ارض الغريين           تباهت بسمك الليله
من نور ابوحسين     علي والحامي ادخيله
مصحف بهيئة بشر      راسي وياك انطبر
 
 ⓪⓪⓪⓪⓪⓪⓪⓪⓪⓪⓪⓪⓪⓪⓪⓪
      
        علي مصحف ابهيئة بشر إمنزل
           محمد بالغدير اشكال وشرتل
          ولي ونعم الولي يبقه علي الاول
          غصبن عالقبل والذي مايقبل
         
من كنتُ مولاه       فهذا علي المولى
شيعه وعشكناه      ابعشكنه هوه الاولى
بحب علي كلبي انفطر     راسي وياك انطبر
 
 ⓪⓪⓪⓪⓪⓪⓪⓪⓪⓪⓪⓪⓪⓪⓪⓪
          
            ماتممت صومك إبشهر رمضان
            شيعه وجينه انواسيك بل الاحزان
            مثل ايتامك الوكفت على البيبان
            كعدنه ابابك المدمع يصب نهران

كعدينه عالباب        نون لغياب والينه
مدمعنه سجاب       حضرنه الليله واسينه
شيعي وكلبي انكسر    راسي وياك انطبر
               
   ⓪⓪⓪⓪⓪⓪⓪⓪⓪⓪⓪⓪⓪⓪⓪⓪
للشاعر علي الفرطوسي      

        
              
          
          
          

           يـروح الـبـتول        حُسين
           ﻋﺸﮓ مايزول        حُسين
        على المشرقين   حبيبي حسين
                    ٭٭٭
حبيبي اعله بالي    يمالك خيالي     ينور النضر
يـمـالـك حــيـاتـي    يسرامنياتي      امـيـرالبشر
ﻴﻌﺸﮕﻲ وغرامي    بصحوتي وﻤﻧامي اعله طيفي وتمر
            شمسنه لتنور       نحرك
            يحــير الدهور       نحرك
         ينور السنين           حبيبي حسين
                      ٭٭٭
 خـدمـتـك نـجـاه     تنور الحياه       شمس ماتغيب
يـســر الـوجــود     ينحر الصمود     حسين الخضيب
يـمـصـحـف ابـاء    برض كربلاء     يرتله الحبيب
             يـسـر الاه         تبقه
             سفينة نجاه        تبقه
         اميرالانين            حبيبي حسين
                     ٭٭٭
 يعطر الجنان       مدينة امان          ارض كربلاء
 ارض للخلود       اعله طول العهود  مـديـنـة ابـاء
 محطة وداع        ياحله البقاع         روت من دماء
             حوت للحسين      جسمه
             يـكـعـبـة يـقين      جسمه 
           مزار الحنين       حبيبي حسين
                     ٭٭٭
  خذانه الشعور    اعله جنة عطور     ضريح الحسين
  ياجمل ملاك       حبيبي وفداك         عشكته بيقين
  دمعنه اليسيح     الك ياذبيح             الدمع والانين
               دمعنه اليسيل    لجلك
               اللطم والعويل   لجلك
            ينور ويقين            حبيبي حسين
                  ٭٭٭
 

  بطريقك نسير      وحك القدير         عهد كاتبين
  تضل بل الوجود   اعله طول العهود  اعله طول السنين
  وحك من سِوْاك    اميري وفداك       نضل خادمين
                بدمائي ولكيت     اسمك
                بدمع من بجيت    اسمك
            يليث العرين        حبيبي حسين         
                     ٭٭٭٭٭٭٭٭           
                            الشاعر علي الفرطوسي

الفاكد اعزاز  ــــ مالحضه اتغمض عينه
الفاكد اعزاز ـــــ  مانسمع بس اونينه

&&&&&&&&&&&&&&&&&&&

كلبي معاشر الونات من صغره
انفجعت  بجدي ومن بعده الزهره
كضيت اعوام عمري حسره بحسره
يحيدر بويه اذتني ترﯼ الطبره

خليك اوياي .. لاترحل  وتخلينه
الفاكد اعزاز .. مانسمع بس اونينه

&&&&&&&&&&&&&&&&&&&

هذه اخر فجر وياك ياحيدر
رحت بويه لخليلك راسك امطبر
من ونتي عليك الحجر يتفسر
بشوغة حسرتي يابوالحسن اسهر

مساهره الليل .. من بعدك ياوالينه
الفاكد اعزاز ..   مانسمع بس اونينه

&&&&&&&&&&&&&&&&&&&

يعين الله كلبها ام الحزن زينب
بشهر رمصان ابوها بسجدته اتخضب
يتيمه بدار حيدر بالشجن تنحب
جمرات الحزن ماتنطفي وتلهب

حسبات البال .. تاخذنه وتودينه
الفاكد اعزاز .. مانسمع بس اونينه

&&&&&&&&&&&&&&&&&&&

بدار المرتضى اجم كلب متعوب
زينب والدمع من الجفن مسجوب
مثلها ماصبر بالنايبه يعقوب
حزينه والحزن اعليها مثل الثوب

مضرب امثال .. صبرج يازينب لينه
الفاكد اعزاز .. مانسمع بس اونينه

&&&&&&&&&&&&&&&&&&&

يبويه لورحت المن تخليني
عليك ابداعت الزهره تحاجيني
وين اتريد حيدر يانضر عيني
اريد ابكربله باجر تحاميني

مايدري الخيل .. باجر تسحك بحسينه
الفاكد اعزاز .. مانسمع بس اونينه

&&&&&&&&&&&&&&&&&&&

يبويه الكربله من بعدك اتحضر
وتصلي ادموعي ياحيدر على المنحر
اشوف اجسوم بويه موذره وبالبر
بعد عين الكمر جم خيمه تتوجر

لخيام ونار .. وفوك الهزله اميسرينه
الفاكد اعزاز .. مانسمع بس اونينه

&&&&&&&&&&&&&&&&&&&
للشاعر علي الفرطوسي

عالسواتر ياعلي نصبو عزيه
ذوله شبان الحشد وهل الحميه
بطبرته علي  هاليله .. ارجال الوغه تبـﭼـيله

*،،،،،،،،،،،،،،،،،،،،،،،،،،،،*

الليله عالساتر ينصبولك عزاء
ذوله اهل الغانمه الكلهم وفاء
انهدمت اركان الهدى منهم نداء
صوتهم ياسيد العز والاباء

ياولي الله ميادين القتال
مجلس مسويه الك هاي الرجال
والحزن ترتيله .. ارجال الوغه تبـﭼـيله

*،،،،،،،،،،،،،،،،،،،،،،،،،،،،*

بالحرب ياعلي وسوّلك مجالس
تلگه بيهم جون حاضر تلگه عابس
ياعلي حبك بحر وحنه النوارس
الحرب دون اسمك علي مابيهه واهس

الحرب خدعه يكولون البشر
وحنه جبناه بحرب كل الدهر
ماغفو عالعيله  ... ارجال الوغه تبـﭼـيله

*،،،،،،،،،،،،،،،،،،،،،،،،،،،،*

شكد عضيم اجره ابو زنود السمر
ابصيامه ايريد ﭼـبده ينفطر
حته يذكر عطش ذيج ام الخدر
علگ بيده ويبـﭼـي باليالي القدر

اجر صومه واجر مأتم عاقده
صوت ياحيدر يزلزل كل عده
ياعلي بكل ﭼـيله .. ارجال الوغه تبـﭼـيله

*،،،،،،،،،،،،،،،،،،،،،،،،،،،،*

الليله نذكر ياعلي بهذه المصاب
اشكثر من عدنه اخذ ناس التراب
راحو احباب الكلب كلهم شباب
القاسميته بضحكتي امن الدنيه غاب

روحي من تشتاگ يعصره الحنين
بس صورهم ياعلي تترس العين
گلبي انهد حيله ... ارجال الوغه تبـﭼـيله

*،،،،،،،،،،،،،،،،،،،،،،،،،،،،*

گلبي الهم ياعلي ايمرده مرد
يمك اشكد ناس من اهل الحشد
نامو ابأرضي الغري بعمر الورد
الـﭼـنت اضمه بروحي راح ومايرد

بليلة اغيابك علي ٳنعه وٳنوح
گلبي من هل الدنيه اشكد بي جروح
ينزف وانعيله .. ارجال الوغه تبـﭼـيله

*،،،،،،،،،،،،،،،،،،،،،،،،،،،،*

الله خص هاليله باليالي القدر
بيهه حيدر ينطبر باخر فجر
تبـﭼـي كل الدنيه ودگ  عالصدر
والحشد يدعي يصاحب الأمر

يا ٳبوصالح يمهدي ٳشاخرك
مانسيتك عالعهد باقي انطرك
عن همومي اشكيله .. ارجال الوغه تبـﭼـيله

*،،،،،،،،،،،،،،،،،،،،،،،،،،،،*
للشاعر علي الفرطوسي

قصيده .. تطبير ..
لطبرة الامام علي. عليه السلام
.........................
اميري منطبر واجب عليه
اخلي ادمومي هاليله جريه
*.......................*
علينه وجب ياناس
ننزل من دمه الراس
علي يفتر بالنفاس
وجوبن مو بالحساس
علي..  علي
حيدر حيدر .. حيدر حيدر
مواستي لعلي هاي المسيه
اخلي ادمومي هاليله جريه
*.......................*
علي ياقالع الباب
بسجوده  الليله ونصاب
مواساتن لبو تراب
اخضب راسي اخضاب
علي .. علي
حيدر حيدر ... حيدر حيدر
جروحي زينبيه وحيدريه
اخلي ادمومي هاليله جريه
*.......................*
الوحي يم حيدره طاف
بجتله النون والقاف
مصحف رب الالطاف
براسه جرح نزاف
علي .. علي
حيدر حيدر ... حيدر حيدر
املاك السمه سوت عزيه
اخلي ادمومي هاليله جريه
*.......................*
موالي ولابس اكفان
عليه اثياب الاحزان
وداعك ياعلي حان
التحقة ابرب الاكوان
علي .. علي
حيدر حيدر ... حيدر حيدر
عفة ايتامك بدمعه شجيه
اخلي ادمومي هاليله جريه
*.......................*
ليالي القدر تنعاك
بسجودك فاضت ادماك
الكوثر وي يتاماك
تلت (انا اعطيناك)
علي .. علي
حيدر حيدر ... حيدر حيدر
الكوثر ناحت بصوت الزجيه
اخلي ادمومي هاليله جريه
*.......................*
علي الفرطوسي

            لتروح عنه----خلیک یمنه
            یاسلوة املنه بعد امنه
         لتروح فدوه----یلکلک امروه
           لوسافرت بویه منو النه
&&&&&&&&&&&&&&&&&&&&&&&

دخيلك ياعلي بويه .. لاترحل يضي عيني
گلبي يمتلي بالهم  .. اذى اتگلي تودعيني
كون مقرر اتودع .. ﭼـا المن تخليني
عسن راسي ولا راسك .. لعمرك فدوه اسنيني

لغيابك يحيدر .. گلبي تفطر
القدر لوبيدي راسي ولا راسك
مااگدر اعوفك .. مثل طير واطوفك
نهضمنه بغيبتك بويه نهضمنه

&&&&&&&&&&&&&&&&&&&&&&&

گلبي مبتلي بالهم .. بعد اهلي وعز ناسي
الليله يمك بدمعه  .. حسيني ويه عباسي
يبو زينب انه زينب .. جفك ما يحس راسي
اذا تتوقف انفاسك .. اتمنه توگف انفاسي

انفاسي انته .. عطرك فگته
بعطرك ريحة الموت انه اشمهه
زينب يابوزينب .. بعدك تضل تنحب
بعيد الله ونصبح في يتمنه

&&&&&&&&&&&&&&&&&&&&&&&

تون بالمصحف الليله .. يحيدر سورة التكوير
(بأي ذنبٍ) يوالينه  ... راسك ينطبر تطبير
الكوثر ناحت لفگدك  ... وبعد  هم  اية التطهير
ياقلع حصن خيبر   .. ونتك جارحه اﭼـم طير

الليله دموعي  .. وحني ضلوعي
تره الفاگد عزيز النوح طبعه
احنه ايتام حيدر .. بجينه لفگده اكثر
والدنيه ابتلت من دمعنه

&&&&&&&&&&&&&&&&&&&&&&&

عن زينب يبواليمه   .. غطي جرح ال بهامك
يأذيهه وياذينه    ... علي كل احنه ايتامك
نواسي ويه الحره ... اجينه احنه خدامك
حزمنه على الخدمه  .. علي هاليله بحزامك

خدام جينه   .... نصرخ ولينه
بحزام الخدامه الليله حزمنه
عل الباب وگفنه  ... نذرف دمعنه
مدد  يابوالحسن منك عزمنه

&&&&&&&&&&&&&&&&&&&&&&&

يبـﭼـون بدمع هامل  .. الليله الحسن وي حسين
وبوفاضل ابو الغيره .. يواسيك بدموع العين
گلبه ملتهب لجلك   .. ليله ينتهي بونين
وزينب ياحزن زينب .. تون ياآهلي الطيبين

خلصو اهلنه   ..  محد ذكرنه
راحو للمقابر  باخر اوداع
هلن يادموعي  .. يبقه هذه لوعي
يعين الله الفگد غالي امن اهلنه

&&&&&&&&&&&&&&&&&&&&&&&
علي الفرطوسي

عندما بقى الامام الحسين عليه السلام وحيداً بالميدان
كلم اخوته واصحابه ... قائلاً
........    .  .      ...........
ياإخوتي  وحدي خليتوني
ياأخوتي   والعده أيحيطوني
نوحي   لورحت من  الخيم
نوحي    ياهو يحميها الحرم
وحدي خليتوني  وحدي خليتوني
*****************
من عندي رحتو بالعجل   وضليت اني وحزني
من يمي رايح جم اخو      حته الطفل عايفني
ولوحدي شافوني العده      والشمر مايرحمني
وحدي وجيوش اشكثر       متعنيه الي تذبحني
...........
جتني زينب   أمحدبه أمن أمصابي
جتني زينب   وانه انعه احبابي
زينب خويه  رجعي لخيمتج
زينب اتوجهي لله ابلوتج
نوحي  يختي كل حيلي انهدم
وحدي خليتوني  وحدي خليتوني
*****************
من راحو احبابي ومشو   حيره اني حاير بمري
خوفي امن أطب المعركه   امن الجيش يوصل خدري
بين المخيم والعدو             وكفيت محني ابضهري
أتمنيت ابوالغيره عدل       يابوالفضل لوتدري
............
يابوفاضل وين عفت حسينك
يابوفاضل   لحرم محتاجينك
وينك اتمنه لوترجع عدل
وينك حسين نكسر يابولفضل
نوحي  ارجوك ارجع ياشهم
وحدي خليتوني  وحدي خليتوني
*****************
بعيوني انضر للخيم   بس الحرم وحدها
سلبو بنات المصطفى  اعدانه محد ردها
من جينه عباس الوكف  كل الحرم صعدها
جاوينه ليهن مايجي  خيمنه العدو فرهدها
.......
انه إدري  زينب بجيها سكته
انه إدري    والشمر تهضم طگته
ويلي اجم جرح اذاها
ويلي  الشمر ضرباها
نوحي  امن المتن اجم الم
وحدي خليتوني  وحدي خليتوني
*****************
باجر اذا يطلع صبح وراسي انكطع عن جسمي
زينب تصدني وتنهضم  تشوف يكطر دمي
امكلفها اني بالحرم تحرس تصير وتحمي
الجانت عزيزه امخدره   مهظومه أتمر يمي
.......
ياعزيزه بالحبل كادوهه
ياعزيزه امن الخدر طلعوها
راحت ذيج الليالي والخدر
راحت هسه يحديها الشمر
نوحي  لاكفيل لا علم
وحدي خليتوني  وحدي خليتوني
*****************
كل خوفي ارقيه تصد تشوف الشمر وشسوه
كاعد على صدري يحز ابنحري واني اتلوه
خوفي التراجي تنسلب لو بالجمر تجوه
طلعة رقيه امن الخيم مهضومه تمشي كوه
.........
يارقيه بويه شمسويلج
يارقيه  ادري امسلبينج
روحي العمتج ياسلوتي
روحي يابويه كطعو ركبتي
نوحي  واني ابقه بغربتي
وحدي خليتوني  وحدي خليتوني
*****************
للشاعر علي الفرطوسي

القصيده بعد التصحيح 👆👆👆👆

             قد زلزلت زلزالهـــــه              عباس ناده نــــــزالهه
            ناده الكمر يوم الحرب             هل الدنيه اكلبهه كلب
                                        *
                               صوت الكمر مــن اعتله
                               صارالنشور بــــكربلــــه
                              يوم الحشر    حرب الكمر
                              حيرهــه راعي العــــايله
            أتكورت اجــبالـــهه                  عباس  ناده نــــزالهه
            عباس انه ادخل رعب             هل الدنيه اكلبهه كلب
                                        *
                              سرافيل صـار بيـــمنته
                              والقابص اصبح يسرته
                              وين المفر    يهل الغدر
                              أرواح يــــترس جربته
            وين ال أميه ارجالهه                 عباس ناده نــــزالهه
            أرواح اســـلبهه سلب               هل الدنيه اكلبهه كلب
                                       *
                               هاذ اني حامي العايله
                               اليوم اسوي الزلزلـــه
                               ماأنكدر      اني الكمر
                               عباس ابن عقد الولــه
            اكطع اميه انــــــسالهه               عباس ناده نـــــزالهه
            جن وأنس هل مرتعب             هل الدنيه اكلبهه كلب
                                         *
                               خوف البحارتـــفجرت
                               كاع وســمــه اتغــيرت
                               صور النشر   بيد الكمر
                               وسياد امـــــيه ادهورت
           يوم القيامه افـــعالهه               عباس ناده نــــــزالهه
           الكل يفر ويله الگِرب              هل الدنيه اكلبهه كلب
                                        *
                              

                               صّـورالحرب كل القارعه
                               بزود انفخ عل المشرعــه
                               صوته نتشر   يرعب بشر
                               بصوته السماء متصدعـه
           قد بينت اهــــوالهه                عباس ناده نــــــــزالهه
           الماي منه ماشرب                   هل الدنيه اكلبهه كلب
                                      *
                               رعب الجبال تــــــبعثرت
                               الناس القيامه اتـــصورت
                               شنهي الخبر    كلشي ندثر
                               حته الوحوش أنحـــشرت
            كل حرمه طاح احمالهه          عباس ناده انــــــزالهه
           اليوم صدري بي غضب           هل الدنيه اكلبهه كلب
                                         *
                          لخادمكم علي الفرطوسي
                
        
           

طالت وحشة الليل  *  وصلت حدنه الخيل
مرعوبه المداليل     *  يبو فاضل دخيلك
،،،،،،،،،،،،،، ،،،،،،،،،،،،،،،،
ماعدنه احنه غيرك     يبو اجفوف السخيه
 ليل وﻻكمر بيه     موحش عالبريه
ازرك لون اﻻمتون     والسوط اعله ديه
يارب سترك انصيح     من هاي البليه

حيره ابين اﻻمرين  *  بين الكمر وحسين
 المن دمعة العين  *  يادمعي واسيلك
              يبو فاضل دخيلك
،،،،،،،،،،،،،،،، ،،،،،،،،،،،،،،،،، ،،،،،،،،،
انته ابن الوفيه     راضع من لبنها
راسك غيره  يفور    كفو منك يبنها
امواعد سكنه ابماي     وهسه احمر متنها
ورقيه تصرخ ابصوت     مجروحه اذنها

خذو منها التراجي *  يبو حلو المحاجي
 شتفيد البواجي *   عذبنه رحيلك
             يبو فاضل دخيلك
 ،،،،،،،،،،،، ،،،،،،،،،،،،،،، ،،،،،،،،،،،

يكلها ابعالم الروح     كمت وبلا جفوفي
وسمع بالشمر صاح     اخوتج ذوله شوفي
كل همي عباتج     يزينب هذه خوفي
اجيت امفرع الراس    امقصر قصدي اوفي

من يم النهر ليج  *  قصدي خويه احاميج
سوط الشمر ياذيج  * ابغيض اصرخ يويلك
،،،،،،،،،،،،،،،،،،،،،،،،،،،،،،،
بين الخيمه والماي     نشرت اعيوني حراس
ادري اتفر اﻻطفال     خوفي اعليهه تنداس
حي ميت احاميج     يزينب انه عباس
وحكج ما اعوفج     حته ابكطع اﻻنفاس

ﻻجن لو حضرتج  *  بلاجف بيش انفعج
غالي والله خدرج  *  يجسمي وينه حيلك
            يبو فاضل دخيلك
،،،،،،،،،،،،،،،،،،،،،،
انه الطفيت عيني     حته ما انضرج
غيور وتصعب اهواي     شمر زينب يصطرج
تالم كلبي والله      اذا كافر يجرج
لجن عفيه يخويه      ابد مطيتي خدرج

ما اصبر واﻻطفال * مربوطه بالحبال
ونه ايلقبوني كفال * يجفي اشلون اشيلك
             يبو فاضل دخيلك
......،،،،،،،،،،،،،،،،
خيمجن صارت ارماد     وشوفنج تركضين
ساعه لصوب اﻻطفال     وساعه للنساوين
وكفتي ابطول عباس     وبهيبة ابو حسين
شگگ جفج السوط     بيهن من تشكفين

ورقيه اجفوفهه اصغار *  بيهن شفتي اﻻثار
برجليها حرك نار *  تون عمي اشتكيلك
           يبو فاضل دخيلك
،،،،،،،،،،،،،،،،،،،،،،
للشاعر علي الفرطوسي

 
ابوذيات ....
.........
من مثلك وكع عطشان ..يم ماي
وجن أسمع الحره تصيح .. يماي
بعد عباس شمر وزجر .. يماي
يضربوني آواني الهاشميه

&&&&&&&&&&&&

عسن نهر الفرات انكطع .. مايه
اصيحن وين ياعباس .. مايه
الجيش ألي وصلنه سبع .. مايه
يحركون الخيم بعدك عليه

&&&&&&&&&&&&

حادي الضعن برض الطف .. وضعنه
أترده الحال وتغير .. وضعنه
فزعنه بخوف بالعاشر .. وضعنه
من حركو خيمنه ارجاس اميه

&&&&&&&&&&&

كفيلي دون يسره ودون .. يمنه
هجم جيش الاعادي وصل  .. يمنه
يم حسين وينج صحت ..   يمنه
خذو بنتج علـﯽ الهزله سبيه

&&&&&&&

مشيت وجدمي تتعثر .. وراكم
يخوتي اجساد عالغبره .. وراكم
يطول ايغابكم عني .. ورا كم
تجوني  للسبي لو هاي هيه

&&&&&&&

مثل جمر الخيم دهري .. وجرني
اجاني الشمر ضرباني .. وجرني
اصيح ابصوت ماواحد .. وجرني
وين اخواني خي يلحكون بيه

&&&&&&&&&

من طف كربله لليوم .. بي داي
كطعو بالسبي العدوان .. بي داي
اتذكر ادين الكمر .. بي داي
وهسه احبال معكوده  بديه

&&&&&&&&

طاح ويختي فوكه اجفوف .. علماي
ودري اطفال تبجي وتون .. علماي
اضلوع حسين متكسرات  .. علماي
ردت انهض لجن مكطوعه اديه

&&&&&&&&
للشاعر علي الفرطوسي

            ليش مفطوم بسهم عبدالله ليش
             بعد عينك يبني ماريدن أعيش
نام يمدلل عوافي نومتك .. نام وحذر لاﺗﻠﭼﻤك رﮔﺒﺗك
            ليش مفطوم بسهم عبدالله ليش
٭٭٭..................................................٭٭٭
جمرت أضماك بدليلي والجرح ﻴﻠﭼﻢ جرح
رﮔﺒﺗك يوليدي ترفه شنهي ذنبك تنذبح
ترد سالم ﭼﻧت أضنك لاﭼن بنحرك رمح
مو وكت نومك ييمه أشعر بجرحي ملح
        
         لـيـش ساكت ماتناغيني وتصيح
         صعبه يبني أﮔﺒﺎلي أشوفنك ذبيح
شنهي ذنبك ولأعادي صابتك. نام وحذر لاتلجمك ركبتك
          ليش مفطوم بسهم عبدالله ليش
٭٭٭..................................................٭٭٭
أبدال الماي يبني مرتوي بمنبع دماك
أشبدر منك ييمه وحرمله بنحرك رماك
يبني ماتحمل سهمهم أدري أشكد الماك
ﺗﺷﺒﮒ حسين بلهفتك يبني بس ذابل لكاك
        
          صغير نحرك يبني مايحمل سهم
          أشلون يبني أتحملت ذاك الالم
طير ﭼﻧك منذبح وبحسرتك . نام وحذر لاتلجمك ركبتك
         ليش مفطوم بسهم عبدالله ليش
٭٭٭..................................................٭٭٭


اشلون كفه السهم نحرك والسهم بثلث شعب
يبني نحرك خلي اشمه ﮔﻠﺒﻲ بيه نار ولهب
أوياك ارد اﮔﻌد وسولف وذكر ايام التعب
من رحت عبدالله يمه خدري يالغالي انسلب
        
          ليته أخر نفس هذه ليت اموت
         راح عبدالله وردت اسمعله صوت
روحي لوتصعد تحن ﻠﺷﺒﮔﺗك . نام وحذر لاتلجمك ركبتك
         ليش مفطوم بسهم عبدالله ليش
٭٭٭..................................................٭٭٭
المهد خلوني أﺷﺒﮔﻪ بيه ألك ذكره وعطر
منشغل بالي وأحسب يبني ماضلي فكر
موحلو كسر الخواطر يبني لاتنوي الهجر
أتعلمت هجر الحبايب ونته ابسن الصغر
       
      بعدك أصغير ورحت ناوي الرحيل
         واني بعدك دمعتي عالخد تسيل
ليش رايح يبني عفت الربتك . نام وحذر لاتلجمك ركبتك
        ليش مفطوم بسهم عبدالله ليش
٭٭٭..................................................٭٭٭
يبني أﮔﻌد وهزمدك ودمعتي أتغرﮒ المهد
وصرخ بنوحي وحناني غالي غالي يالولد
راح لب أحشاي مني ياهو الضلي بعد
اطلع امن الخيمه ادور ﮔﻠﺒﻲ أحسنه انمرد
    
     ياهوشايف ابني أسئل بالدمع
     نشف دمعي ونكسر مني ضلع
حنت الروح وتناطر شوفتك . نام وحذر لاتلجمك ركبتك
     ليش مفطوم بسهم عبدالله ليش
٭٭٭..................................................٭٭٭
يبني ست أشهور عمرك ماشفت سن الشباب
أمن الزمن ماخذ نصيبك مثل أبوك أعله التراب
أعله الرمح راسك أشوفه وجسمك مخضب خضاب
مانشف جرح النحبهم ﻴﻠﭼم وماضنه طاب
           
      يبني راسك منرفع وي راس ابوك
            تشبح بعينك علي لو ألموك
عالرمح ضلام يبني الشالتك . نام وحذر لاتلجمك ركبتك
           ليش مفطوم بسهم عبدالله ليش
٭٭٭..................................................٭٭٭
           للشاعر علي الفرطوسي

سمي بسم الله وكوم / ياهله يمسلم
هاذه يومك هل اليوم / ياهله يمسلم
زلزل ابزلزالها .... ياهله ابخيالها
              """"""""""""""
سمي بسم الله يمسلم خله يحتار الخصم
كوم ياصرصر زمانك ورعب اشباه الزلم
عمك ايعرفونه حيدر ونته بيهم لا تهم
( اليوم تجزونَ العذابي) اتلي الايه ابعزم

عذب اهل الطاغوت /ياهله يمسلم
روح وبزودك فوت / ياهله يمسلم
لاتخلي ارجالها .... ياهله ابخيالها
               """"""""""""""
كوم وبزودك يمسلم افكس اعيون الحرب
صفي الكوفه اعله ايدك مايرد كلمن يطب
همه الجابوك ليهم همه من كتبو كتب
انثر أعليهم مأسي وكل كلب انشر رعب

لاتهمك لعداد /ياهله يمسلم
ونته عزمك يزداد/ياهله يمسلم
دهور انته احوالها .... ياهله ابخيالها
                """"""""""""""
ضهضب أعليها وتوسط وسط ذيج الغضبره
بصولة الكرار صول وسوي بيها الما جره
ول دنالك ابحسامك شيل روحه ومنحره
انته من ابطال هاشم دري بيك المادره

عمك الشال الباب /ياهله يمسلم
بيك زود ابوتراب /ياهله يمسلم
غنم سوي ابطالها .... ياهله ابخيالها
                """"""""""""""
(بِأَن رِبك اوحى  )أتلي اليوم سورة زلزله
أطبك الكوم ابيمينك اخره اعله أوله
كون كلها اتصيح هذه الي برز عقد الوله
علي ثاني هذه يمكن لوكفيل العايله

عسكر وكله احتار /ياهله يمسلم
اصلهم حر النار / ياهله يمسلم
خل تطيح احمالها .... ياهله ابخيالها
                """"""""""""""
علي الفرطوسي

جارت اﭼـفوف الغدر .. والصبر عاف الصبر
بالبقيع اﭼـم گبر .. يالمهدي مهدوم
             ********
يابوصالح الك نبدي بالسلام
ياإمام الناس ياخير الانام
الدنيه غابه بلاشمس عم الضلام
بالبقيع انهدم گبر اجم امام

رجعت التعبد وثن .. والقبور تهدمن
لامناره ولاصحن .. هم عندك  علوم
********

الي هضمت كبد حمزه عاودت
ورجعت ام الجمل بالدنيه طغت
بالبقيع اقبور عدنه اتهدمت
وراية اهل الجور يالمهدي عِلت

عبدو الات وهبل .. كل فكرهم بي جهل
ياابن خير العمل  .. الطلعه يايوم
********

الحسن يالمهدي مضلوم اشكثر
الي سمو ﭼـبده رجعو للگبر
هدموه وﭼـان ضنهم يندثر
نور الله يبقه رغم اهل الغدر

نوره مايطفه ابد .. نوره من نور الاحد
الواحد الفرد الصمد .. مايطفه ويدوم
********
ياعلي السجاد الك ونه شجيه
ادري بيك جروح من الغاضريه
يلي شفت حسين ضل جثه رميه
انته نورك باقي من نور الثريه

تذكر بذهنك صور ..  باقي بمتنك اثر
بگبرك ينوح الحجر .. يل دمعك دموم
********

على الصادق گلبي غاطيه الهضم
حير الدنيه بمفاتيح العلم
الباقر اعليه اشأسولف وشأضم
اقبور رحمه بياذنب شو تنهدم

بعيني ضل ينزف نهر .. حگي لو اشبع قهر 
اعله اسياد البشر .. ضل گلبي مالوم
********
اعله ام الاربعه اعمي يعين
هاي باب الله الوسيعه ام البنين
الخِلّصت كل العمر نوح ونين
عمر خلص تلفض وتنعه الحسين

الله خصها بمرحمه .. احدى ابواب السمه
بل الگبر هي لاطمه .. يحسين مضلوم
********
الحسن من الضلم مجروح گلبه
الصادق وزين العباد يناجي ربه
الباقر ينادي الفرج ياربي قربه
وم لِبنين بدمع تقراله ندبه

للعرش نور وعرج  ..  يدعي ياربي الفرج
حجج تدعي للحجج .. الفرج يايوم
********
للشاعر علي الفرطوسي

               ابْكي جَزوعا .... لحبيبي الحُسين
            صِوتي صدوعا .... لحبيبي الحُسين
                       
                           ******
            انه قصتي اويه الدمع قصه عجيبه
              من تمر فاجعته عاشور الغريبه
            كلبي لجله  امعاشر أونينه نحيبه
             ياحبيب اليكدر ايفارك حبيبه
            وانه ادري حسين ضل جثه خضيبه
             حِكي لوابجي واعيش ابهل المصيبه
            
            اعِشقُ الدُموعا ... لحبيبي الحُسين
                         ******
            عل  البجي عدنه الروايات احنه كثره
            البجه اعله حسين دمعه تضوي قبره
            وحنه موقصة اجر  بجانه  امره
             ياغريب اعله الترب مكطوع نحره
             ابين عدوانه غريب ومن ينصره
             والله ماتطفه لمصابه تبقه جمره
      
              رأسٌ قَطوعا ..... لحبيبي الحُسين
                         ******
             ماكفاهم  امر سلبه ولا ذبحته
             ولا كفاهم الحجر الطر جبهته
             اتعنو ابنيران رهبو كل اسرته
            راسه متعلي ابرمح وتشوفه اخته
             والشمر اعله الحرم طلع حركته
            وبمتن زينب  اثر ضلت ضربته
 
            كَسرُ ضلوعا .... لحبيبي الحُسين
                       ******
           نقره بل المقتل عله الاكبر وجسام
           حين ما استشهدو من كثر الاسهام
           للمخيم رجعاهم حسين بالام
           ومن عله صدر الحسين الشمر من كام
           وقررو حرك المخيم فوك الايتام
           احتركو الاكبر وجاسم وصط الخيام
           
            احرِقو جموعا ....لحبيبي الحُسين
                         ******
           مختصر هذه الحديث القصه اروع
           والله حكي لو انوح اعليها وجزع
           اجزع اعله الحره المسبيه تطلع
           أوعله احسين الذي جسمه توزع
           والقمر عل المشرعه نوره تشعشع
           والرضيع امن العطش جبده تصدع

           قُصتاً هَلوعا .... لحبيبي الحُسين
              
      ****** ****************  
             للشاعر علي الفرطوسي         
     
          
          
          
       

قصيده.  لشهر محرم الحرام.  للعليله
..........    .......... .........  .... 

فارﮔﻮني .... بالغرب .... فارﮔﻮني
عـذبوني .... بالسفر .... عـذبوني
هذه حالي .............. يضل خيالي
        سارح ويذكر صور
               ♣♣♣♣
أبتدي بقصة حياتي الماجزع منهه المصاب
وبتلّه جـسـمي ابـمـواجع من كثر الآمه ذاب
طفله والباري أمتحني وماشفت سن الشباب
موتي أحسن من حياتي ليته أيضمني التراب
دمعي يكتب ... قصتي  ... دمعي يكتب
ضلت أتشب ... حسرتي ... ضلت أتشب
من شفتهم . أعرفتهم . أهلي ناوين السفر
               ♣♣♣♣
العليل أبعازت أهله لوتعب جسمه ونحل
وأنه أبوي حسين سافر وحدي ضليت أبأمل
ياأهلنه أبصوتي أصرخ وحدي ﭽﺎ ألمن أضل
من بعدكم جسمي يصبح مركز الكل العلل
جسمي يتعب ... لورحت ... جسمي يتعب
ﻓﮕدك أصعب ... من ألم ... ﻓﮕدك أصعب
الموني .فاركوني . طفله ماأحمل هجر
                  ♣♣♣♣
ﭽﻨﻲ مو منكم يهلنه من نويتو أعله السفر
حمليتو وانه يمكم أنضر أبعين القهر
روحي شبت من مشيتو بالمواجع تستعر
ماشفت قبلي عليله الاهل منهه تطر
ماني منكم ... حسبت ... ماني منكم
من سفركم ... ماطبت ... من سفركم
علّتي زادت . روحي ذابت . ودعت ليل وكمر
                  ♣♣♣♣
أسرح أبعالم خيالي ألي ماطاب وجريح
صوره العبد الله اشوفن ﭽﻨﻪ أيناغي ويصيح
أركض أعله الباب أدور أعثر أبثوبي وأطيح
ﭽﻨت أضن بالباب أشوفك تمسح أدموعي التسيح
عيني تربي ... أعله الدرب .... عيني تربي
هذه كلبي  ....  دم نزف ..... هذه كلبي 
صرت أناشد . بلكي واحد . جايب أخبار أبتشر
                  ♣♣♣♣
مشت روحي أعله الضعينه تنشد أبطول الدرب
ﺑﻠﭽﻲ شفتو حسين أبويه أسئل ودمعي يصب
بس جسد خلوني أهلي وبلضعن راح الكلب
مدري أدور أعله كلبي مدري أدور أعله المحب
كلبي حاير ... لونشد ... كلبي حاير
شنهو صاير ... ياهلي ... شنهو صاير
روحي عدكم . وبأ لمكم . مني دلالي أنعصر
                   ♣♣♣♣
      ♠♠  الشاعر علي الفرطوسي ♠♠







            

  قصيده لشهر محرم الحرام .. ليلة علي الاكبر

.........  ........   ........   .........    .......

  يبني أرعب هاي أميه ... علي بويه ياعلي
    يـبـنـي روح ورد ألـيـه ...  علي بويه ياعلي
 بالعِلم والمعرفه ................ تشبه أنته المصطفه
         علي بويه ياعلي ....  علي بويه ياعلي
                         ♣♣♣♣
              ذخرتك للـشـدد يبني وسلوتي
              يسباح الكلب روحي ومهجتي
              يـبـويـه يشهد الله وي غربتي
              يالـكـبـر أنـته بالدنيه نضرتي
      يـبـنـي ياسـباح كلبي ... علي بويه ياعلي
      بمولدك رزقاني ربي ... علي بويه ياعلي
ألك روحي أملهفه ................ تشبه أنته المصطفه
                       ♣♣♣♣
               صور للفاجعه بالطف نشاهد
               وداع أويه الولد بدموع والد
               طلع للـمـعـركه الاكبر يجاهد
               وضل حسين لوليده يشاهد
        شاهد أبنه من ينازل ... علي بويه ياعلي
        ﭽنه حيدر من يقاتل ... علي بويه ياعلي
والجيوش أمصففه ................ تشبه أنته المصطفه
                       ♣♣♣♣
               طلع لكبر يجاهد ليه مارد
                شبيه المصطفه المرسل محمد
                عليمن هالجمع كله تحشد
                برعم روحي بالحومه تورد
      ثمرت حسين التغرب ... علي بويه ياعلي
      بالدمه نوره تـخضب ... علي بويه ياعلي
ومْه تنضر واﮔفه ................ تشبه أنته المصطفه
                       ♣♣♣♣
               
                 من طاح الولد بالدم خضابه
                 أبتدت لحسين لوعاته وعذابه
                 راسم عالجفن صورة شبابه
                 بغياب الاكبر اتقرب غيابه
      بعيني الدنيه مضلمه ... علي بويه ياعلي
      كـلـبـي وكـلـبك تدمه ... علي بويه ياعلي
يبني عالدنيه العفه ................ تشبه أنته المصطفه
                     ♣♣♣♣
                 كل حيلي انهدم بالحومه يمه
                 يبويه انده وحشم ساعه اشمه
                 ساعه الصدري ابلوعاتي اضمه
                 وخضب شيبتي من فيض دمه
     انه ابوك ورد عليه ... علي بويه ياعلي
     يبني ادمومك جريه ... علي بويه ياعلي
منحرم من الصفه ................ تشبه أنته المصطفه
                        ♣♣♣♣
               رجعت اعله الخيم وصفك بديه
                بعدك يبني أتمنه المنيه
                أمك طلعت وتنضر اليه
                تكلي وين الاكبر الشفيه
      ليله صاحت ياعلي ... علي بويه ياعلي
      بعدك امك تنولي    ... علي بويه ياعلي
يبني ياذيني الجفه ................ تشبه أنته المصطفه
♣♣♣♣♣♣♣♣♣♣♣♣♣♣♣♣♣♣♣♣♣♣♣♣♣♣                
   الشاعر علي الفرطوسي